ബസ് ഓടിക്കുന്നതിനിടെ മൊബൈല് ഫോണ് ഉപയോഗിച്ചു; കെഎസ്ആർടിസി ഡ്രൈവറുടെ ലൈസന്‍സ് എംവിഡി സസ്പെന്‍ഡ് ചെയ്തു
Wednesday, October 30, 2024 10:37 PM IST
മലപ്പുറം: ബസ് ഓടിക്കുന്നതിനിടെ മൊബൈല് ഫോണ് ഉപയോഗിച്ചതിന് കെഎസ്ആര്‍ടിസി ബസ് ഡ്രൈവറുടെ ലൈസൻസ് സസ്പെൻഡ് ചെയ്തു. കോഴിക്കോട് തിരുവമ്പാടി സ്വദേശിയായ കെഎസ്ആര്‍ടിസി ഡ്രൈവര്‍ അബ്ദുള്‍ അസീസിന്‍റെ ലൈസൻസാണ് സസ്പെൻഡ് ചെയ്തത്.
ആറു മാസത്തേക്കാണ് ലൈസൻസ് സസ്പെൻഡ് ചെയ്തത്. പൊന്നാനി ഡിപ്പോയിലെ ഡ്രൈവറാണ് അബ്ദുൽ അസീസ്.
ബസ് ഓടിക്കുന്നതിന്‍റെ ഇടയ്ക്ക് അബ്ദുൽ അസീസ് മൊബൈൽ ഫോൺ ഉപയോഗിക്കുന്നതിന്‍റെ ദൃശ്യങ്ങൾ പുറത്തുവന്നതോടെയാണ് എംവിഡി നടപടിയെടുത്തത്. ബസിലെ യാത്രക്കാരിയാണ് ദൃശ്യങ്ങൾ പകർത്തിയത്.