കെഎസ്ആര്ടിസി ബസിന് കേടുപാടുകൾ വരുത്തിയ കേസിലെ പ്രതി പിടിയില്
Sunday, September 22, 2024 1:47 AM IST
അരൂര്: അരൂകുറ്റി മാത്താനം ക്ഷേത്ര പരിസരത്ത് പാർക്ക് ചെയ്തിരുന്ന ചേർത്തല ഡിപ്പോയിലെ കെഎസ്ആര്ടി സി ബസിന് കേടുപാടുകൾ വരുത്തിയ കേസിലെ പ്രതി പിടിയില്. അരൂക്കുറ്റി പഞ്ചായത്ത് ഒന്നാം വാർഡിൽ തൊട്ടുചിറ വീട്ടിൽ റ്റി.എം. അക്ഷയ് (24) ആണ് പൂച്ചാക്കൽ പോലീസിന്റെ പിടിയിലായത്.
ഇയാൾ 2021 ൽ അരൂക്കുറ്റി പെട്രോൾ പമ്പിലെ ജീവനക്കാരനെ അടിച്ചു പരിക്കേൽപ്പിച്ച കേസിലെയും പ്രതിയാണ്.
അക്ഷയ് ഉപയോഗിച്ചിരുന്ന സ്കൂട്ടറും പോലീസ് കസ്റ്റഡിയിൽ എടുത്തിട്ടുണ്ട്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.