എംപോക്സ്: ജാഗ്രതവേണമെന്ന് മന്ത്രി വീണാ ജോര്ജ്
Wednesday, August 21, 2024 6:23 PM IST
തിരുവനന്തപുരം: വിദേശ രാജ്യങ്ങളില് എംപോക്സ് റിപ്പോര്ട്ട് ചെയ്ത സാഹചര്യത്തില് സംസ്ഥാനത്ത് ജാഗ്രതാ നിർദേശം പുറപ്പെടുവിച്ചു.
രോഗം റിപ്പോര്ട്ട് ചെയ്ത രാജ്യങ്ങളില് നിന്നും വരുന്നവര്ക്ക് എന്തെങ്കിലും രോഗലക്ഷണങ്ങള് ഉണ്ടായാല് എയര്പോര്ട്ടില് റിപ്പോര്ട്ട് ചെയ്യണമെന്ന് മന്ത്രി വീണാ ജോര്ജ് പറഞ്ഞു.
ആഫ്രിക്കയിലെ പല രാജ്യങ്ങളിലും എംപോക്സ് റിപ്പോര്ട്ട് ചെയ്ത സാഹചര്യത്തില് കേന്ദ്ര മാര്ഗനിര്ദേശങ്ങളനുസരിച്ച് സംസ്ഥാനത്തെ എല്ലാ എയര്പോര്ട്ടുകളിലും സര്വൈലന്സ് ടീമിനെ സജ്ജീകരിച്ചിട്ടുണ്ട്.
2022ല് എംപോക്സ് സ്ഥിരീകരിച്ച സാഹചര്യത്തില് സംസ്ഥാനം സ്റ്റാന്ഡേര്ഡ് ഓപ്പറേറ്റിംഗ് പ്രോസീജിയര് പുറത്തിറക്കിയിരുന്നു. അതനുസരിച്ചുള്ള ഐസൊലേഷന്, സാമ്പിള് കളക്ഷന്, ചികിത്സ എന്നിവയെല്ലാം ഉറപ്പ് വരുത്തിയിട്ടുണ്ടെന്നും മന്ത്രി വ്യക്തമാക്കി.