ട്രി​നി​ഡാ​ഡ്: ട്വ​ന്‍റി-20 ലോ​ക​ക​പ്പി​ലെ നി​ർ​ണാ​യ​ക മ​ത്സ​ര​ത്തി​ൽ വെ​സ്റ്റ് ഇ​ൻ​ഡീ​സി​നെ​തി​രേ അ​ടി​പ​ത​റി ന്യൂ​സി​ല​ൻ​ഡ്. 13 റ​ൺ​സ് ജയത്തോടെ ആ​തി​ഥേ​യർ സൂപ്പർ എട്ടിൽ കടന്നു. വി​ൻ​ഡീ​സ് ഉ​യ​ർ​ത്തി​യ 150 റ​ൺ​സ് വി​ജ​യ​ല​ക്ഷ്യം പി​ന്തു​ട​ർ​ന്ന കി​വീ​സി​ന് നി​ശ്ചി​ത ഓ​വ​റി​ൽ ഒ​മ്പ​തു വി​ക്ക​റ്റ് ന​ഷ്ട​ത്തി​ൽ 136 റ​ൺ​സെ​ടു​ക്കാ​നെ ക​ഴി​ഞ്ഞു​ള്ളൂ.

19 റ​ൺ​സ് വ​ഴ​ങ്ങി നാ​ലു​വി​ക്ക​റ്റ് വീ​ഴ്ത്തി​യ അ​ൽ​സാ​രി ജോ​സ​ഫും മൂ​ന്നു​വി​ക്ക​റ്റ് പി​ഴു​ത ഗു​ഡാ​കേ​ഷ് മോ​ട്ടി​യു​മാ​ണ് കി​വീ​സി​നെ ത​ക​ർ​ത്ത​ത്. ഗ്രൂ​പ്പി​ലെ ആ​ദ്യ മ​ത്സ​ര​ത്തി​ല്‍ അ​ഫ്ഗാ​ന് മു​ന്നി​ല്‍ പ​രാ​ജ​യ​പ്പെ​ട്ട കി​വീ​സി​ന് ഇ​ന്ന് ജ​യം അ​നി​വാ​ര്യ​മാ​യി​രു​ന്നു.

ടോ​സ് ന​ഷ്ട​പ്പെ​ട്ട് ബാ​റ്റിം​ഗി​നി​റ​ങ്ങി​യ വെ​സ്റ്റ് ഇ​ൻ​ഡീ​സി​ന്‍റെ തു​ട​ക്കം ത​ക​ർ​ച്ച​യോ​ടെ​യാ​യി​രു​ന്നു. 30 റ​ണ്‍​സി​നി​ടെ ആ​ദ്യ അ​ഞ്ചു വി​ക്ക​റ്റു​ക​ളും നി​ലം​പൊ​ത്തി. ജോ​ണ്‍​സ​ണ്‍ ചാ​ള്‍​സ് (ഒ​മ്പ​ത്), ബ്ര​ന്‍​ഡ​ന്‍ കിം​ഗ് (ഒ​മ്പ​ത്), നി​ക്കോ​ളാ​സ് പു​രാ​ന്‍ (17), റോ​സ്റ്റ​ണ്‍ ചേ​സ് (പൂ​ജ്യം), റോ​വ്മാ​ന്‍ പ​വ​ല്‍ (ഒ​ന്ന്) എ​ന്നി​വ​രെ​ല്ലാം നി​രാ​ശ​പ്പെ​ടു​ത്തി. കൃ​ത്യ​മാ​യ ഇ​ട​വേ​ള​ക​ളി​ല്‍ വി​ക്ക​റ്റ് ന​ഷ്ട​മാ​യി​കൊ​ണ്ടി​രു​ന്ന വി​ൻ​ഡീ​സി​നെ നൂ​റു​ക​ട​ത്തി​യ​ത്. ഷെ​ഫാ​നെ റു​ഥ​ർ​ഫോ​ർ​ഡി​ന്‍റെ പോ​രാ​ട്ട​മാ​ണ്. 39 പ​ന്തി​ല്‍ 68 റ​ണ്‍​സ് നേ​ടി​യ താ​രം പു​റ​ത്താ​കാ​തെ നി​ന്നു.

അ​കെ​യ്ല്‍ ഹു​സൈ​ൻ (15), ആ​ന്ദ്രേ റ​സ​ല്‍ (15), റൊ​മാ​രി​യോ ഷെ​പ്പേ​ര്‍​ഡ് (13), അ​ല്‍​സാ​രി ജോ​സ​ഫ്(​ആ​റ്) എ​ന്നി​വ​ർ കാ​ര്യ​മാ​യ സം​ഭാ​വ​ന ന​ല്കാ​തെ മ​ട​ങ്ങി​യ​തോ​ടെ വി​ൻ​ഡീ​സ് സ്കോ​ർ 149 റ​ൺ​സി​ൽ ഒ​തു​ങ്ങി.

കി​വീ​സി​നാ​യി ട്രെ​ന്‍റ് ബോ​ള്‍​ട്ട് 16 റ​ൺ​സ് മാ​ത്രം വ​ഴ​ങ്ങി മൂ​ന്നു​വി​ക്ക​റ്റ് വീ​ഴ്ത്തി. ടിം ​സൗ​ത്തി, ലോ​ക്കി ഫെ​ര്‍​ഗൂ​സ​ണ്‍ എ​ന്നി​വ​ര്‍ ര​ണ്ട് വി​ക്ക​റ്റ് വീ​തം വീ​ഴ്ത്തി.

മ​റു​പ​ടി ബാ​റ്റിം​ഗി​നി​റ​ങ്ങി​യ കി​വീ​സി​ന് 20 റ​ൺ​സെ​ടു​ക്കു​ന്ന​തി​നി​ടെ ഡെ​വ​ൺ കോ​ൺ​വേ​യെ (അ​ഞ്ച്) ന​ഷ്ട​മാ​യി. പി​ന്നീ​ട് ഫി​ൻ അ​ല​ൻ (26) ഒ​ര​റ്റ​ത്ത് പോ​രാ​ടി​യെ​ങ്കി​ലും കൃ​ത്യ​മാ​യ ഇ​ട​വേ​ള​ക​ളി​ൽ വി​ക്ക​റ്റു​ക​ൾ വീ​ണു​കൊ​ണ്ടി​രു​ന്നു. ര​ചി​ൻ ര​വീ​ന്ദ്ര (10), നാ​യ​ക​ൻ കെ​യ്ൻ വി​ല്യം​സ​ൺ (പൂ​ജ്യം), ഡാ​രി​ൽ മി​ച്ച​ൽ (12), ജ​യിം​സ് നീ​ഷാം (10) എ​ന്നി​വ​ർ വ​ന്ന​പോ​ലെ മ​ട​ങ്ങി.

ഒ​രു ഘ​ട്ട​ത്തി​ൽ അ​ഞ്ചി​ന് 63 എ​ന്ന നി​ല​യി​ൽ പ്ര​തി​സ​ന്ധി​യി​ലാ​യ കി​വീ​സി​നെ നൂ​റു​ക​ട​ത്തി​യ​ത് ഗ്ലെ​ൻ ഫി​ലി​പ്സി​ന്‍റെ (40) ഒ​റ്റ​യാ​ൾ പോ​രാ​ട്ട​മാ​ണ്. സ്കോ​ർ 108 റ​ൺ​സി​ൽ നി​ല്ക്കെ ഫി​ലി​പ്സും വീ​ണ​തോ​ടെ കി​വീ​സ് തോ​ൽ​വി മു​ന്നി​ൽ​ക​ണ്ടു. അ​വ​സാ​ന ഓ​വ​റി​ൽ ആ​ഞ്ഞ​ടി​ച്ച മി​ച്ച​ൽ സാ​ന്‍റ്ന​ർ മൂ​ന്ന് സി​ക്സ​ർ പ​റ​ത്തി​യെ​ങ്കി​ലും വി​ജ​യം അ​ക​ന്നു​നി​ന്നു.