ട്രെയിനില്വച്ച് യുവതിക്ക് പാമ്പ് കടിയേറ്റതായി സംശയം
Tuesday, May 28, 2024 10:50 AM IST
പാലക്കാട്: നിലമ്പൂര്- ഷൊര്ണൂര് പാസഞ്ചര് ട്രെയിനില്വച്ച് യുവതിക്ക് പാമ്പ് കടിയേറ്റതായി സംശയം. ആയുര്വേദ ഡോക്ടര് ഗായത്രിക്ക്(25) ആണ് പാമ്പ് കടിയേറ്റതായി സംശയമുള്ളത്. ഇവരെ പെരുന്തല്മണ്ണയിലെ സ്വകാര്യ ആശുപത്രിയില് പ്രവേശിപ്പിച്ചു.
ഇന്ന് രാവിലെ എട്ടേകാലോടെയാണ് സംഭവം. പാലക്കാട് വല്ലപ്പുഴ സ്റ്റേഷനില് ഇറങ്ങിയ യുവതിയാണ് ട്രെയിനിന്റെ ബര്ത്തില്നിന്ന് തന്നെ പാമ്പ് കടിച്ചതായി ചുറ്റുമുള്ളവരോട് പറഞ്ഞത്. ഉടനെ ഇവരെ ആശുപത്രിയില് എത്തിക്കുകയായിരുന്നു
പ്രാഥമിക ശുശ്രൂഷ തനിയെ ചെയ്ത ശേഷമാണ് യുവതി ട്രെയിനില്നിന്ന് ഇറങ്ങിയത്. സംഭവത്തില് റെയില്വേ അന്വേഷണം പ്രഖ്യാപിച്ചിട്ടുണ്ട്.