ഖാര്ഗെയുടെ ഹെലികോപ്റ്റര് പരിശോധിച്ചു; തെരഞ്ഞെടുപ്പ് കമ്മീഷന്റെ നടപടി ദുരുദ്ദേശപരമെന്ന് കോണ്ഗ്രസ്
Sunday, May 12, 2024 1:23 PM IST
പാറ്റ്ന: കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെ സഞ്ചരിച്ച ഹെലികോപ്റ്ററില് തെരഞ്ഞെടുപ്പ് കമ്മീഷന് പരിശോധന നടത്തിയെന്ന് കോണ്ഗ്രസ്. ശനിയാഴ്ച ബിഹാറിലെ സമസ്തിപൂരില് തെരഞ്ഞെടുപ്പ് പ്രചാരണ റാലിക്കെത്തിയപ്പോഴായിരുന്നു പരിശോധന. ഇതിന്റെ ദൃശ്യങ്ങള് അടക്കം കോണ്ഗ്രസ് പുറത്തുവിട്ടു.
കമ്മീഷന്റെ നടപടി ദൗര്ഭാഗ്യകരമാണെ് കോണ്ഗ്രസ് വിമര്ശിച്ചു. നിരവധി എന്ഡിഎ നേതാക്കള് പ്രചാരണം നടത്തുന്നുണ്ടെങ്കിലും അവരുടെ വാഹനത്തില് കമ്മീഷന് ഇതുവരെ പരിശോധന നടത്തിയിട്ടില്ല. ജനാധിപത്യത്തെ കൊല ചെയ്യുന്ന നടപടിയാണ് കമ്മീഷന് സ്വീകരിക്കുന്നതെന്നും കോണ്ഗ്രസ് വിമര്ശിച്ചു.
രാഹുല്ഗാന്ധിയുടെ ഹെലികോപ്റ്ററിലും തെരഞ്ഞെടുപ്പ് കമ്മീഷന് ഫ്ലയിംഗ് സ്ക്വാഡ് പരിശോധന നടത്തിയിരുന്നു. രാഹുല് തമിഴ്നാട്ടില് എത്തിയപ്പോഴായിരുന്നു പരിശോധന.
ഇവിടെ കാത്തുനിന്ന ഉദ്യോഗസ്ഥര്,രാഹുല് ഇറങ്ങിയതിന് പിന്നാലെ ഹെലികോപ്റ്റര് പരിശോധിക്കുകയായിരുന്നു. അനധികൃതമായി പണം സൂക്ഷിച്ചിട്ടുണ്ടോ എന്നറിയാനാണ് പരിശോധന നടത്തിയത് എന്നായിരുന്നു വിശദീകരണം.