ഏത് സമയത്തും കെപിസിസി അധ്യക്ഷസ്ഥാനം ഏറ്റെടുക്കാന് തയാര്: കെ.സുധാകരന്
Tuesday, May 7, 2024 11:55 AM IST
കൊച്ചി: കെപിസിസി അധ്യക്ഷസ്ഥാനം ഏത് സമയത്തും ഏറ്റെടുക്കാന് തയാറായെന്ന് കെ.സുധാകരന്. താന് ഇപ്പോഴും കെപിസിസി പ്രസിഡന്റാണെന്നും സുധാകരന് പ്രതികരിച്ചു.
ഹൈക്കമാന്ഡുമായി ആലോചിച്ചിട്ടേ താന് ഔദ്യോഗികമായി സ്ഥാനം ഏറ്റെടുക്കൂ. പാര്ട്ടിയില് ഒരു അനിശ്ചിതത്വവുമില്ല. മറ്റ് ചില പ്രശ്നങ്ങളുണ്ട്. അത് ഇന്നുകൊണ്ട് കഴിയുമെന്നാണ് വിചാരിക്കുന്നത്.
മുഖ്യമന്ത്രിയുടെ വിദേശയാത്രയ്ക്കെതിരെയും സുധാകരന് രൂക്ഷ വിമര്ശനം ഉന്നയിച്ചു. ആര്ക്കും ചുമതല കൊടുക്കാതെയാണ് മുഖ്യമന്ത്രി പോയത്.പിണറായിക്ക് തലയ്ക്കകത്ത് വെളിവില്ല.
ഇവിടെ ഒരു എമര്ജന്സി ഉണ്ടായാല് എന്ത് ചെയ്യും. പശുക്കള് ഇറങ്ങിപ്പോകുന്നത് പോലെ പോകേണ്ടയാളാണോ മുഖ്യമന്ത്രി. പിണറായിയുടെ യാത്ര സ്പോണ്സര്ഷിപ്പിലാണോ എന്ന് തനിക്ക് സംശയമുണ്ടെന്നും സുധാകരൻ പറഞ്ഞു.