താനൂരില് വന് കവര്ച്ച; രണ്ട് കിലോയിലധികം സ്വര്ണം നഷ്ടമായെന്ന് പരാതി
Sunday, May 5, 2024 3:33 PM IST
മലപ്പുറം: താനൂരില് വന് സ്വര്ണക്കവര്ച്ച. മഹാരാഷ്ട്ര സ്വദേശിയായ യുവാവിനെ ആക്രമിച്ച് ഒരു കോടി 75 ലക്ഷം രൂപ വില വരുന്ന സ്വര്ണം കവര്ന്നെന്നാണ് പരാതി. ജ്വലറികളിലേക്ക് വിതരണം ചെയ്യാനെത്തിച്ച സ്വര്ണമാണ് നഷ്ടമായത്.
താനൂരില് ശനിയാഴ്ച വൈകിട്ടാണ് സംഭവം. കോഴിക്കോട് കേന്ദ്രീകരിച്ച് പ്രവര്ത്തിക്കുന്ന സ്വര്ണാഭരണശാലയില്നിന്ന് മലപ്പുറത്തെ വിവിധ ജ്വലറികളിലേക്ക് സ്വര്ണം എത്തിച്ച യുവാവിനെ ഒരു സംഘം ആക്രമിച്ച ശേഷം പണം കവരുകയായിരുന്നു. കാറിലെത്തിയ നാലംഗ സംഘമാണ് ആക്രമണം നടത്തിയത്.
രണ്ട് കിലോഗ്രാം സ്വര്ണവും 43 ഗ്രാം തങ്കവുമാണ് നഷ്ടപ്പെട്ടതെന്നാണ് വിവരം. സംഭവത്തില് പോലീസ് അന്വേഷണം ആരംഭിച്ചിട്ടുണ്ട്.