ആലുവ പീഡനക്കേസ്: പ്രതിയുടെ സിസിടിവി ദൃശ്യങ്ങൾ പുറത്ത്
Thursday, September 7, 2023 11:49 AM IST
കൊച്ചി: ആലുവയിൽ അതിഥി തൊഴിലാളിയുടെ പ്രായപൂർത്തിയാകാത്ത മകളെ തട്ടിക്കൊണ്ടുപോയി പീഡിപ്പിച്ച കേസിലെ പ്രതിയുടെ സിസിടിവി ദൃശ്യങ്ങൾ പുറത്ത്.
സിസിടിവി ദൃശ്യങ്ങളിൽ നിന്ന് പ്രതിയെ പെൺകുട്ടി തിരിച്ചറിഞ്ഞെന്നും ഇയാൾ ഉടൻ അറസ്റ്റിലാകുമെന്നും പോലീസ് പറഞ്ഞു.
ചുവന്ന ഷർട്ട് ധരിച്ചെത്തിയ പ്രതി കൃത്യം നടത്തിയശേഷം ആലുവ തോട്ടുമുഖം ഭാഗത്ത് പുലർച്ചെ എത്തിയെന്ന് പോലീസ് കണ്ടെത്തി.
പ്രതിയെ കണ്ടെത്താൻ വ്യാപക തിരച്ചിൽ തുടരുകയാണെന്നും പെൺകുട്ടി ചികിത്സയിൽ കഴിയുന്ന ആശുപത്രിയിലും സുരക്ഷ ഏർപ്പെടുത്തിയെന്നും പോലീസ് പറഞ്ഞു.
പുലർച്ചെ രണ്ടിനാണ് അതിഥി തൊഴിലാളികളായ രക്ഷിതാക്കൾക്കൊപ്പം ഉറങ്ങിക്കിടന്ന എട്ടുവയസുകാരിയെ പ്രതി തട്ടിക്കൊണ്ടുപോയി പീഡിപ്പിച്ചത്.