ആറ്റിൽ കുളിക്കാനിറങ്ങിയ വിദ്യാർഥി മുങ്ങിമരിച്ചു
Friday, March 29, 2024 8:24 PM IST
തിരുവനന്തപുരം: ആറ്റിൽ കുളിക്കാനിറങ്ങിയ വിദ്യാർഥി മുങ്ങിമരിച്ചു. തിരുവനന്തപുരത്ത് പള്ളിക്കൽ പകൽക്കുറി ആറ്റിൽ വൈകിട്ടോടെയാണ് സംഭവം. കല്ലമ്പലം നാവായിക്കുളം സ്വദേശി വൈഷ്ണവ് (19) ആണ് മരിച്ചത്.
രണ്ടാംവർഷ ഡിഗ്രി വിദ്യാർഥിയാണ് വൈഷ്ണവ്. വൈകുന്നേരം 5.30 ന് നാലംഗ സംഘം ആണ് ആറ്റിൽ കുളിക്കാൻ ഇറങ്ങിയത്.
ഒപ്പമുണ്ടായിരുന്ന സുഹൃത്തുകൾ വൈഷ്ണവിനെ കരയ്ക്കെത്തിച്ച് പാരിപ്പള്ളി മെഡിക്കൽ കോളജിൽ എത്തിച്ചെങ്കിലും ജീവൻ രക്ഷിക്കാനായില്ല.