കമ്പനി ഗോഡൗണിന് തീയിട്ട അതിഥി തൊഴിലാളി പിടിയിൽ
Thursday, April 18, 2024 11:33 PM IST
കൊച്ചി: ജോലിതർക്കത്തെ തുടർന്ന് കമ്പനി ഗോഡൗണിന് തീയിട്ട അതിഥി തൊഴിലാളിയെ പോലീസ് അറസ്റ്റ് ചെയ്തു.
പെരുമ്പാവൂർ ചേലാമറ്റത്ത് പ്ലാസ്റ്റിക്ക് ഉത്പന്നങ്ങൾ നിർമിക്കുന്ന കമ്പനിയുടെ ഗോഡൗണിൽ തീയിട്ട വിശാൽ കുമാറിനെയാണ് (22) പെരുമ്പാവൂർ പോലീസ് അറസ്റ്റ് ചെയ്തത്.
ബീഹാർ ചമ്പാരൻ മിനർവ്വ ബസാർ വെസ്റ്റ് സ്വദേശിയാണ് ഇയാൾ. കഴിഞ്ഞ ഒന്പതാം തീയതിയാണ് ഇയാൾ കമ്പനി ഗോഡൗണിന് തീവച്ചത്. തീവച്ച ശേഷം നാട്ടിലേക്ക് കടക്കാനായിരുന്നു പദ്ധതി.
പ്രത്യേക ടീം രൂപീകരിച്ച് പോലീസ് നടത്തിയ അന്വേഷണത്തിലാണ് പ്രതി പിടിയിലാക്കുന്നത്.