ഇസ്‌ലാമിക ഭീകരതയെ തകര്‍ക്കും: ട്രംപ് : Deepika.com International News |

Click here for detailed news of all items

ഇസ്‌ലാമിക ഭീകരതയെ തകര്‍ക്കും: ട്രംപ്

Friday, January 20, 2017 1:46 PM IST

വാഷിംഗ്ടണ്‍ഡിസി: നമ്മുടെ സ്വപ്‌നങ്ങള്‍ സഫലമാകുന്ന ദിനങ്ങള്‍ തുടങ്ങി... അമേരിക്കയുടെ 45-ാമത്തെ പ്രസിഡന്‍റ് ഡോണള്‍ഡ് ട്രംപ് സത്യപ്രതിജ്ഞയ് ക്കു ശേഷമുള്ള ഉദ്ഘാടന പ്രസംഗത്തില്‍ ഇതു പറഞ്ഞപ്പോള്‍ എട്ടുലക്ഷത്തിലേറെ കാണികള്‍ നിര്‍ത്താതെ കൈയടിച്ചു.

ഇസ്‌ലാമിക ഭീകരതയെ ഭൂമുഖത്തുനിന്നു തുടച്ചുമാറ്റുമെന്ന് അദ്ദേഹം വാഗ്ദാനം ചെയ്തു. എന്നാല്‍, മറ്റു രാജ്യങ്ങളുടെ മേല്‍ അധീശത്വത്തിനു തന്‍റെ ഭരണകൂടം ശ്രമിക്കില്ലെന്നും ട്രംപ് പറഞ്ഞു.

ഇനി ഒരിക്കലും അമേരിക്ക അവഗണിക്കപ്പെടില്ലെന്ന് എഴുപതുകാരനായ പുതിയ പ്രസിഡന്‍റ് ഉറക്കെ പ്രഖ്യാപിച്ചു. അമേരിക്കയും അമേരിക്കക്കാരും ആദ്യം എന്നതാകും തന്‍റെ നയം. അമേരിക്കയുടെയും അമേരിക്കന്‍ കുടുംബങ്ങളുടെയും സുരക്ഷ താന്‍ ഉറപ്പാക്കുമെന്നും ആദ്യ പ്രസംഗത്തില്‍ ട്രംപ് പറഞ്ഞു.

യുഎസ് ചീഫ് ജസ്റ്റീസ് ജോണ്‍ റോബര്‍ട്‌സിന്‍റെ മുമ്പാകെ സത്യപ്രതിജ്ഞ ചെയ്ത ശേഷമുള്ള പ്രസംഗം 16 മിനിറ്റ് നീണ്ടു.വാഷിംഗ്ടൺ ഡിസിയിൽ കേന്ദ്രീകരിച്ചിരുന്ന അധികാരം ജനങ്ങൾക്കു തിരിച്ചു നൽകുകയാണെന്നു ട്രംപ് പറഞ്ഞു. അമേരിക്ക ഒന്നാമത് എന്ന നയം നടപ്പാക്കുന്നതിന് ശ്രമിക്കും. അതിർത്തി സുരക്ഷിതമാക്കുക, കഷ്ടപ്പെടുന്ന ഇടത്തരക്കാരെ സഹായിക്കുക, അമേരിക്കയുടെ സൈനികശക്തി വർധിപ്പിക്കുക എന്നീ ലക്ഷ്യങ്ങൾ നടപ്പാക്കുന്നതിനു മുൻഗണന നൽകുമെന്നു ട്രംപ് വ്യക്തമാക്കി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.