എല്‍. വിദ്യക്ക് ഫോട്ടോബയോളജി സൊസൈറ്റി യംഗ് സയന്‍റിസ്റ്റ് അവാര്‍ഡ് : Deepika.com Kerala News |

Click here for detailed news of all items

എല്‍. വിദ്യക്ക് ഫോട്ടോബയോളജി സൊസൈറ്റി യംഗ് സയന്‍റിസ്റ്റ് അവാര്‍ഡ്

Wednesday, April 17, 2024 11:52 PM IST

കോട്ടയം: കോല്‍ക്കത്തയിലെ ഇന്ത്യന്‍ ഫോട്ടോബയോളജി സൊസൈറ്റിയുടെ യംഗ് സയന്‍റിസ്റ്റ് അവാര്‍ഡിന് എംജി സര്‍വകലാശാലയുടെ സ്‌കൂള്‍ ഓഫ് പ്യുവര്‍ ആന്‍ഡ് അപ്ലൈഡ് ഫിസിക്സിലെ റിസര്‍ച്ച് സ്‌കോളര്‍ എല്‍. വിദ്യ അര്‍ഹയായി. കറുവപ്പട്ടയില്‍നിന്ന് വികസിപ്പിച്ചെടുക്കുന്ന സിന്നമാല്‍ഡിഹൈഡിന് പകരമായി ഉപയോഗിക്കാവുന്ന പദാര്‍ഥം കണ്ടെത്തിയതിനാണ് പുരസ്‌കാരം.

ഫാര്‍മസ്യൂട്ടിക്കല്‍, ബയോമെഡിക്കല്‍ മേഖലയിലും വിവിധ ഗവേഷണ ആവശ്യങ്ങള്‍ക്കുമായാണ് സിന്നമാല്‍ഡിഹൈഡ് ഉപയോഗിക്കുന്നത്. (ദ)3 ക്ലോറോ-3 ഫിനൈലക്രൈലാല്‍ഡിഹൈഡ് എന്ന ബദല്‍ ഉത്പന്നത്തിന് വില വളരെ കുറവായതിനാല്‍ ഏറെ സാധ്യതകളുണ്ടെന്ന് വിദ്യ പറഞ്ഞു. വിഷാംശം താരതമ്യേന കുറഞ്ഞിരിക്കുന്നതും പുതിയ ഉത്പന്നത്തിന്‍റെ സവിശേഷതയാണ്.

എംജി സര്‍വകലാശാലയിലെ ബിസിനസ് ഇന്നവേഷന്‍ ആന്‍ഡ് ഇന്‍കുബേഷന്‍ സെന്‍റര്‍ മുഖേന ലഭിച്ച മൂന്നു ലക്ഷം രൂപയുടെ ഗ്രാന്‍ഡ് വിനിയോഗിച്ച് പ്രഫ. സി. സുദര്‍ശന്‍കുമാറിന്‍റെ കീഴിലാണ് വിദ്യ ഗവേഷണം നടത്തിയത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.