കൊച്ചി: മുനമ്പം ജുഡീഷ്യൽ കമ്മീഷന്‍റെ പ്രവര്‍ത്തനം താത്കാലികമായി നിര്‍ത്തിവച്ചു. കമ്മീഷൻ ചെയര്‍മാൻ ജസ്റ്റീസ് സി.എന്‍. രാമചന്ദ്രൻ ഇക്കാര്യം അറിയിച്ചു.
മുനമ്പം ജുഡീഷ്യൽ കമ്മീഷന്‍റെ പ്രവര്‍ത്തനത്തെ ചോദ്യം ചെയ്തുള്ള ഹൈക്കോടതിയിലെ കേസ് തീര്‍പ്പാക്കിയശേഷമായിരിക്കും തുടര്‍ നടപടി. കേസ് പെട്ടെന്ന് തീർപ്പാക്കിയാൽ റിപ്പോർട്ട്‌ വേഗത്തിൽ സമർപ്പിക്കും.
കമ്മീഷന്‍റെ പ്രവർത്തനം നിയമ പ്രകാരമാണ്. എൻക്വയറി ആക്ട് പ്രകാരം തന്നെയാണ് കമ്മീഷൻ രൂപീകരിച്ചിട്ടുള്ളതെന്നും സർക്കാരിന്‍റെ വശം സർക്കാർ പറയുമെന്നും ജസ്റ്റീസ് സി.എന്‍. രാമചന്ദ്രൻ പറഞ്ഞു.