Deepika.com Nri News :ഫാ.തോമസ് പടിയംകുളം പൗരോഹത്യ സുവർണ ജൂബിലി ആഘോഷിച്ചു.......

Europe

ഫാ.തോമസ് പടിയംകുളം പൗരോഹത്യ സുവർണ ജൂബിലി ആഘോഷിച്ചു

Back To NRI Home Forward This News Click here for detailed news of all items

ഫ്രാങ്ക്ഫർട്ട്: മലങ്കര കത്തോലിക്കാ സഭംഗമായ ഫാ.തോമസ് പടിയംകുളം പൗരോഹത്യത്തിന്‍റെ അന്പതാം വാർഷികം ആഘോഷിച്ചു. നവംബർ നാലിന് ഫ്രാങ്ക്ഫർട്ട് എക്കൻഹൈമിലെ ഹെർസ് ജീസു ദേവാലയത്തിൽ നടന്ന ആഘോഷമായ പൊന്തിഫിക്കൽ കുർബാനയോടെയാണ് ജൂബിലി ആഘോഷങ്ങൾക്ക് തുടക്കം കുറിച്ചത്.

മലങ്കര സഭാ മാവേലിക്കര രൂപതാധ്യക്ഷൻ ഡോ. ജോഷ്വാ മാർ ഇഗ്നേഷ്യസ് പൊന്തിഫിക്കൽ കുർബാനക്ക് മുഖ്യകാർമികത്വം വഹിച്ചു. ലിംബുർഗ് രൂപത വികാരി ജനറാൾ മോണ്‍. വോൾഫ്ഗാങ് റ്യോഷ്, ക്രേഫെൽഡ് ജോഹാന്നസ് ബാപ്റ്റിഷ്റ്റ് ചർച്ച് വികാരി ഫാ. ഷ്വാർസ് മണ്ടള്ളർ, ടാൻസാനിയായിൽ നിന്നുമുള്ള ഫാ. കാസ്ഫർ മിനിയാ, ഫാ. ദേവദാസ്, ഡീക്കൻ ഡോ.ജോസഫ് തെരുവത്ത്, ജൂബിലേറിയൻ ഫാ.തോമസ് പടിയംകുളം എന്നിവർ സഹകാർമികരായിരുന്നു.

തുടർന്നു നടന്ന സമ്മേളനത്തിൽ ലിംബുർഗ് രൂപത വികാരി ജനറാൾ മോണ്‍. വോൾഫ്ഗാങ് റ്യോഷ്, മുൻ ജർമൻ പ്രതിരോധവകുപ്പ് മന്ത്രിയും ക്രിസ്ത്യൻ ഡെമോക്രാറ്റിക് പാർട്ടി എക്സിക്യൂട്ടീവ് മെംബറുമായ ഫ്രാൻസ് ജോസഫ് യുങ്ങ്, എപ്പ്സ്റ്റൈൻ സിറ്റി മേയർ അലക്സാണ്ടർ സീമോണ്‍, ജർമൻ മലങ്കരസഭാ ചാപ്ലെയിൻ ഫാ. സന്തോഷ് തോമസ് കോയിക്കൽ തുടങ്ങിയവർ അനുമോദനങ്ങൾ നേർന്നു സംസാരിച്ചു. ഫാ. തോമസ് പടിയംകുളം മറുപടി പ്രസംഗം നടത്തി.

ജർമൻ ഇടവകാഗംങ്ങൾ, മലങ്കരസഭാഗംങ്ങൾ, അച്ചന്‍റെ സുഹൃത്തുക്കൾ എന്നിവർ ചടങ്ങിൽ പങ്കെടുത്തു. സ്നേഹവിരുന്നോടെ പരിപാടികൾ സമാപിച്ചു. ഫ്രാങ്ക്ഫർട്ട് മലങ്കര സഭാ ഇടവകയാണ് ജൂബിലി ആഘോഷത്തിന് നേതൃത്വം നൽകിയത്.

റിപ്പോർട്ട്: ജോർജ് ജോണ്‍

കോപ്പൻഹേഗനിലെ ഓൾഡ് സ്റ്റോക്ക് എക്സ്ചേഞ്ച് കെട്ടിടത്തിനു തീപിടിച്ചു.

കോപ്പൻഹേഗ്: ഡാനിഷ് തലസ്ഥാനത്തെ ഏറ്റവും പ്രശസ്തമായ കെട്ടിടങ്ങളിലൊന്നായ കോപ്പൻഹേഗനിലെ ഓൾഡ് സ്റ്റോക്ക് എക്‌സ്‌ചേഞ്ചി

ത്രേസ്യാമ്മ രാജു ജർമനിയിൽ അന്തരിച്ചു.

ബോണ്‍: ജര്‍മനിയിലെ ബോണ്‍ നഗരത്തിനടുത്തുള്ള ബാഡ് ഹൊന്നഫില്‍ താമസിക്കുന്ന ത്രേസ്യമ്മ രാജു(84) അന്തരിച്ചു.

കുടുംബങ്ങളെ തിരുസഭയുമായി ബന്ധിപ്പിക്കുന്ന കണ്ണി കുടുംബ കൂട്ടായ്മകൾ: മാർ ജോസഫ് സ്രാമ്പിക്കൽ.

ലെസ്റ്റർ: ഗാർഹിക സഭകളായ കുടുംബങ്ങളെ തിരുസഭയുമായി ബന്ധിപ്പിക്കുന്ന കണ്ണിയാണ് കുടുംബ കൂട്ടായ്മകൾ എന്ന് ഗ്രേറ്റ് ബ്രിട

മഞ്ഞുമലയിൽ കുടുങ്ങിയ മലയാളി യുവാവിനെ രക്ഷപ്പെടുത്തി ഇറ്റാലിയൻ വ്യോമസേന.

റോം: ഇറ്റലിയിൽ മഞ്ഞുമലയിൽ കുടുങ്ങിയ മലയാളി യുവാവിനെ രാജ്യത്തെ വ്യോമസേനയുടെ സമയോചിതമായ ഇടപെടലിലൂടെ രക്ഷപ്പെടു

ഇറാനിലേക്കുള്ള വിമാന സർവീസുകൾ നിർത്തിവച്ച് ലുഫ്താൻസയും ഓസ്ട്രിയൻ എയർലൈൻസും.

ബെർലിൻ: ഇറാന്‍റെ തലസ്ഥാനമായ ടെഹ്റാനിലേക്കുള്ള വിമാനങ്ങൾ ലുഫ്താൻസയും ഓസ്ട്രിയൻ എയർലൈൻസും താത്കാലികമായി നിർത്തിവ