നോയസ് : നോയസ് മലയാളം സ്കൂളിന്റെ ആഭിമുഖ്യത്തിൽ ഓണാഘോഷം നടത്തി. നോയസിലെ പൂജരാജാക്കന്മാരുടെ നാമധേയത്തിള്ള പള്ളിയുടെ ഹാളിലാണ് പരിപാടികൾ അരങ്ങേറിയത്.സ്വാദിഷ്ടമായ കേരളത്തനിമ വിളിച്ചോതുന്ന തിരുവോണ സദ്യയോടെ ആരംഭിച്ച ആഘോഷത്തിൽ കുട്ടികളുടെ മത്സരകളികൾ, വടംവലിമത്സരം, ചീട്ടുകളിമത്സരം എന്നിവ കൂടാതെ നടത്തിയ പച്ചക്കറിലേലം ഏറെ പ്രത്യേകതകൾ നിറഞ്ഞതായിരുന്നു.
പ്രീമ ഓതറ പ്രാർത്ഥനാഗാനം ആലപിച്ചു. ഫാ. തോമസ് ചാലിൽ സിഎംഐ, സ്കൂൾ കമ്മറ്റി പ്രസിഡന്റ് രാജു മറ്റത്തിൽ, വൈസ് പ്രസിഡന്റ് റെജിന മറ്റത്തിൽ, കൾച്ചറൽ സെക്രട്ടറി പ്രീമ ഓതറ, കൾച്ചറൽ ജോയിന്റ് സെക്രട്ടറി മനോജ് ഓതറ, സെക്രട്ടറി മഞ്ജു മണ്ണിൽ, ജോയിന്റ് സെക്രട്ടറിയും സ്കൂളിലെ അധ്യാപകനുമായ അജിപ്രസാദ് മണ്ണിൽ എന്നിവർ ചേർന്ന് നിലവിളക്കുകൊളുത്തി ആഘോഷം ഉദ്ഘാടനം ചെയ്തു.
അജിത സൈലേഷിന്റെ നേതൃത്വത്തിൽ പ്രാർത്ഥന ഡാൻസ്, മേഘ മഠത്തിൽ, ജ്യോതിസ്സ് കോലാട്ടുകുടി, തുളസി ഗുണശേഖർ, പ്രിയ മണ്ണിൽ എന്നിവരുടെ തിരുവാതിരകളിയ്ക്കു പുറമെ റെജിന മറ്റത്തിലിന്റെ നേതൃത്വത്തിൽ മേജർ സെറ്റിന്റെ തിരുവാതിരകളിയും നടന്നു. || തിരുവാതിരകളിയിൽ സ്കൂൾ കുട്ടികളുടെ സാന്നിധ്യം, കുട്ടികളുടെ നാടൻ കോലടികളി, ഫാഷൻഷോ, ഗാനാലാപനം, ഡാൻസുകൾ, കവിതാപാരായണം, സ്റ്റേജ് വള്ളംകളി, റൈൻ ബാൻഡിന്റെ ഗാനമേള എന്നിവ ആഘോഷത്തെ തികച്ചും കൊഴുപ്പുള്ളതാക്കി.
സ്റ്റേജിൽ അലങ്കരിച്ചു നിർത്തിയ ഗജവീരൻ എല്ലാവരുടെയും മനംകവർന്നു. പച്ചക്കറി ലേലത്തിനും കുട്ടികളുടെ മത്സര കളികൾക്കും ജോമോൻ കോലാട്ടുകൂടി നേതൃത്വം കൊടുത്തു. പ്രീമ, മനോജ്, അജിത എന്നിവർ പരിപാടികളുടെ അവതാരകരായിരുന്നു.
നോയസ്സിലും സമീപപ്രദേശങ്ങളിലുമുള്ള മലയാളികളുടെയും അവരുടെ ബന്ധുക്കളുടെയും സുഹൃത്തുക്കളുടെയും സ്കൂൾ പ്രവർത്തകരുടെയും സജീവ സാന്നിധ്യവും സഹായസഹകരണങ്ങളും ഈ ഓണാഘോഷത്തെ ധന്യമാക്കി. മൽസരക്കളികളിലെ വിജയികൾക്കുള്ള ട്രോഫി ഫാ. തോമസ് ചാലിൽ വിതരണം ചെയ്തു. സ്കൂളിലെ ആണ്കുട്ടികളും മുതിർന്നവരും നടത്തിയ വള്ളംകളിയ്ക്കുശേഷം നടന്ന റൈൻബാൻഡിന്റെ ഗാനമേളയോടെ ആഘോഷപരിപാടികൾക്ക് സമാപിച്ചു.
റിപ്പോർട്ട്: ജോസ് കുന്പിളുവേലിൽ
|