ലണ്ടൻ: മികവാർന്ന പ്രവർത്തനം കാഴ്ച്ച വച്ചിട്ടുള്ള നിരവധി സംഘടനകളെയാണ് പുതിയതായി സൗത്ത് ഈസ്റ്റ് റീജിയണിലേയ്ക്ക് ചുരുങ്ങിയ സമയത്തിനുള്ളിൽ അംഗങ്ങളായി ചേർത്തിരിക്കുന്നത്. ആ നിരയിലേയ്ക്ക് ഇതാ ഏറ്റവും ഒടുവിലായി കെസിഡബ്ലുഎ ക്രോയിഡോണും ഡാർട്ട് ഫോർഡ് ഡിഎംഎയും കൂടി അണിചേരുന്പോൾ യുകെയിലെ മറ്റു പ്രധാന റീജിയണുകളോടും കിടപിടിയ്ക്കത്തക്ക വിധമുള്ള കരുത്തോടെയാണ് സൗത്ത് ഈസ്റ്റ് റീജിയണ് ഒക്ടോബർ 14ന് നടക്കുന്ന റീജിയണൽ കലാമേളയ്ക്ക് ഒരുങ്ങുന്നത്.
നാലു പതിറ്റാണ്ടിലധികം വരുന്ന മഹത്തായ പാരന്പര്യമുള്ള ബ്രിട്ടണിലെ ഏറ്റവും പഴക്കമുള്ള മലയാളി സംഘടനയാണ് കെസിഡബ്ലുഎ ക്രോയിഡോണ്. എല്ലാ വർഷവും തുടർച്ചയായി നടത്തി വരുന്ന നിരവധി പരിപാടികളിലൂടെ കെസിഡബ്ലുഎ (കേരളാ കൾച്ചറൽ ആന്റ് വെൽഫെയർ അസോസിയേഷൻ) എന്നുള്ളത് ക്രോയിഡോണിലും സജീവപ്രദേശങ്ങളിലുമുള്ള മലയാളികൾക്ക് വെറുമൊരു സംഘടന മാത്രമല്ല, അവരുടെ ജീവിതചര്യയുടെ ഒരു ഭാഗമാണ്.
പ്രസിഡന്റ്: സൈമി ജോർജ്, ജനറൽ സെക്രട്ടറി: സജി ലോഹിദാസ്, ട്രഷറർ: നസീർബാബു ബാലകൃഷ്ണൻ, വൈസ് പ്രസിഡന്റ്: ജയരാജ് ദാമോദരൻ, അസിസ്റ്റന്റ് സെക്രട്ടറി: അഭിലാഷ്, അസിസ്റ്റന്റ് ട്രഷറർ: സുരേഷ്കുമാർ രാഘവൻ, വെൽഫെയർ ഓഫീസർ: വിദ്യാസാഗരൻ മംഗളവദനൻ, അസിസ്റ്റന്റ് വെൽഫയർ ഓഫീസർ: മെൽവിൻ ഗോമസ്, ആർട്ട്സ് സെക്രട്ടറി: ഷാ ഹരിദാസ്, അസിസ്റ്റന്റ് ആർട്ട്സ് സെക്രട്ടറി: അന്പിളി കരുണാകരൻ, സ്പോർട്ട്സ് സെക്രട്ടറി: സണ്ണി ജനാർദ്ദനൻ, അസിസ്റ്റന്റ് സ്പോർട്ട്സ് സെക്രട്ടറി: ജോണ്സണ് ഗീവർഗ്ഗീസ്, ബോർഡ് മെന്പർ: പവിത്രൻ ദാമോദരൻ, ചീഫ് അഡ്വൈസർ: സുകു പരമു
പുതിയ തലമുറയിലെ അസോസിയേഷനുകളിൽ സൗത്ത് ഈസ്റ്റിൽ ഏറ്റവും ശ്രദ്ധേയമായ മലയാളി സംഘടനകളിലൊന്നാണ് ഡാർട്ട്ഫോർഡ് ഡിഎംഎ. ഒരു പതിറ്റാണ്ടിലധികമായി ചിട്ടയോടെ പ്രവർത്തിച്ചു വരുന്ന ഡിഎംഎ യുക്മയിൽ അംഗമാകുന്നതിന് മുൻപ് തന്നെ യുക്മയുടെ പ്രവർത്തനങ്ങളുമായി വളരെ സജീവമായി സഹകരിച്ചു പ്രവർത്തിച്ചിട്ടുള്ളതാണ്.
പ്രസിഡന്റ്: റിനോൾഡ് മാനുവൽ, ജനറൽ സെക്രട്ടറി: സുരേന്ദ്രൻ ആരക്കോട്ട്, ട്രഷറർ: സഞ്ജീവ് മേനോൻ, വൈസ് പ്രസിഡന്റ്: അനീറ്റ ടോമി, ജോ. സെക്രട്ടറി: റിനി ജോഷി
ിൃശ2017ീരേ03ൗസാമ1.ഷുഴ
|