മെസിന (ഇറ്റലി): മദ്ധ്യധരണ്യാഴിയിലെ ഏറ്റവും വലിയ ദ്വീപായ സിസിലിയായിൽ വേൾഡ് മലയാളി ഫെഡറേഷൻ (ഡബ്ല്യുഎംഎഫ്) പുതിയ യൂണിറ്റ് ഉദ്ഘാടനവും ഓണാഘോഷവും നടത്തി. പാത്തിയിലെ സിനിമ കമുണാലെയിൽ നടന്ന ചടങ്ങിൽ ഡബ്ല്യുഎംഎഫ് ഗ്ലോബൽ കോഓർഡിനേറ്റർ പ്രിൻസ് പള്ളിക്കുന്നേൽ ഉദ്ഘാടനം നിർവഹിച്ചു. പ്രസിഡന്‍റ് ശ്രീജ ടോമി അധ്യക്ഷത വഹിച്ചു. കോഓർഡിനേറ്റർ ബാബു ജോർജ്ജ് അതിഥികളെ പൊന്നാട അണിയിച്ചു സ്വീകരിച്ചു. ജെജി മാത്യു, ഫാ. ആഞ്ചലോ കോസ്താനാസോ, പാത്തി കമുണെ കൗണ്‍സിലർ അഡ്വ. ജാക്കോമോ പ്രിൻസി, ചാരിറ്റി അസോസിയേഷൻ പാത്തി പ്രസിഡന്‍റ് ഗ്ലോറിയ പൗസിനി, ഡോ. സിൽവാനോ കോളെത്താ, ക്നാനായ അസോസിയേഷൻ പ്രസിഡന്‍റ് കുഞ്ഞുമോൻ തോമസ്, അജയ് തോമസ്, ഓസ്ട്രിയ പ്രോവിൻസ് സെക്രട്ടറി സാബു ചക്കാലയ്ക്കൽ എന്നിവർ സംസാരിച്ചു.
തുടർന്ന് കുട്ടികളുടെയും മുതിർന്നവരുടെയും വിവിധ കലാപരിപാടികൾ അരങ്ങേറി. സമ്മേളത്തിനുശേഷം ഓണസദ്യയും പ്രത്യേക ഓണ പരിപാടികളും അരങ്ങേറി. സെക്രട്ടറി ഷൈനി ജെയിംസ്, ഡബ്ല്യുഎംഎഫ് എക്സിക്യൂട്ടീവ് കമ്മിറ്റി അംഗങ്ങളായ മജു കുരുവിള, ബിജു തോമസ്, നിജാ ല്യൂഷ്യസ്, ല്യൂഷ്യസ്, ജൻഷി കുര്യൻ, സജി ഇലക്കാട്, സാബുക്കുട്ടി തോമസ്, ജോബി ഫിലിപ്പ്, അമൽ അലക്സ്, ജിബിൻ മാക്കിൽ, ബിജോയി, ശരത്, ജോണി എന്നിവർ ചടങ്ങുകൾക്ക് നേതൃത്വം നൽകി.
റിപ്പോർട്ട്: ജോബി ആന്‍റണി
|