Deepika.com Nri News :വണ്ടാലക്കുന്നേൽ അച്ചൻ നട്ടു, ഈസ്റ്റ് ആംഗ്ലീയ രൂപത നനച്ചു, ദൈവം വാൽസിംഹാമിനെ പുതുചരിത്രമായി വളർത്തി.......

Europe

വണ്ടാലക്കുന്നേൽ അച്ചൻ നട്ടു, ഈസ്റ്റ് ആംഗ്ലീയ രൂപത നനച്ചു, ദൈവം വാൽസിംഹാമിനെ പുതുചരിത്രമായി വളർത്തി

Back To NRI Home Forward This News Click here for detailed news of all items

വാൽസിംഹാം: പതിനാറുവർഷങ്ങൾക്കു മുന്പ് ഈസ്റ്റ് ആംഗ്ലീയ രൂപതയിൽ വൈദികസേവനത്തിനും പഠനത്തിനുമായി ഫാ. മാത്യു ജോർജ് വണ്ടാലക്കുന്നേലിന്‍റെ മനസിൽ ദൈവം നൽകിയ ഉൾക്കാഴ്ചയുടെ വിത്ത് മുളച്ചു വളർന്നു വടവൃക്ഷമായതിന്‍റെ ധന്യതയിലാണ് യുകെ മലയാളികൾ.

കേരളത്തിൽ മാതൃഭക്തി പല രീതിയിൽ പരിശീലിച്ചുവന്ന ക്രൈസ്തവർ യുകെയിലേക്ക് കുടിയേറിയപ്പോൾ ഈ മാതൃഭക്തിയും മാതൃവാത്സല്യവും നഷ്ടമാകാതിരിക്കാൻ പരി. മാതാവ് തന്നെ മാത്യു അച്ചനിലൂടെ പ്രവർത്തിക്കുകയായിരുന്നുവെന്ന് വിശ്വസിക്കുകയാണ് ബ്രിട്ടനിലെത്തിയ മലയാളികൾ. ഇതു ദൈവപരിപാലനയിൽ പിറന്ന ആശയമായിരുന്നു എന്നതിന്‍റെ തെളിവാണ് ആദ്യവർഷം ഏതാനും കുടുംബങ്ങൾ മാത്രം വന്നുചേർന്ന ഈ തീർത്ഥാടനത്തിന് ഇപ്പോൾ എല്ലാവർഷവും ഏഴായിരത്തിലേറെ പേർ സംബന്ധിക്കാനെത്തുന്നത്.

കഴിഞ്ഞ പതിനാറു വർഷത്തിലേറെയായി ഈസ്റ്റ് ആംഗ്ലീയ രൂപതയിലെ വിവിധ ദേവാലയങ്ങളിൽ സേവനമനുഷ്ഠിച്ച മാത്യു ജോർജ് അച്ചൻ കോട്ടയം ജില്ലയിൽ പാലാ രൂപതയിൽപ്പെട്ട പൂവത്തോട് ഇടവകയിൽ വണ്ടാലക്കുന്നേൽ ജോസഫ് ജോർജ്മേരി ജോർജ് ദന്പതികളുടെ ഒൻപതു മക്കളിൽ ആറാമാനായി ജനിച്ചു. ഈസ്റ്റ് ആംഗ്ലീയ രൂപതയിലെ അദ്ദേഹത്തിന്‍റെ വിശിഷ്ടസേവനങ്ങളെ മാനിച്ചു 2016ൽ രൂപത അദ്ദേഹത്തെ കാനൻ പദവിയിലേക്ക് ഉയർത്തി. രൂപതയുടെ ഒൗദ്യോഗികഭരണ നിർവഹണത്തിൽ രൂപതാ മെത്രാന്‍റെ ഉപദേശകരായിവർത്തിക്കുന്നവരാണ് കാനൻ പദവിയിലുള്ളവർ.

2016ൽ ഗ്രേറ്റ് ബിട്ടണ്‍ സീറോ മലബാർ രൂപത ഒൗദ്യോഗികമായി സ്ഥാപിതമാകുന്നതുവരെ ഈസ്റ്റ് ആംഗ്ലീയ രൂപതയിലെ സീറോ മലബാർ വിശ്വാസികളുടെ ആത്മീയപിതാവായും അദ്ദേഹം വർത്തിച്ചിരുന്നു. ഇത്തവണ രൂപതാധ്യക്ഷനൊപ്പെ വാൽസിംഹാമിലെ അൾത്താരയിൽ വണ്ടാലക്കുന്നേലച്ചനും സഹകാർമികനായി പങ്കുചേരും. വരുംനാളുകളിലും അനേകായിരങ്ങൾക്ക് ആശ്വാസവും സന്തോഷവും പകരുന്നരീതിയിൽ ദൈവജനനിയുടെ കൃപകൾ ഇടതടവില്ലാതെ വർഷിക്കുന്ന അനുഗ്രഹവേദിയായി ഈ തീർത്ഥാടനം മാറട്ടെയെന്ന് വണ്ടാലക്കുന്നേലച്ചൻ ആശംസിക്കുന്നു.

ഞാൻ നട്ടു, അപ്പോളോസ് നനച്ചു, എന്നാൽ ദൈവമാണ് വളർത്തിയത്(1 കോറിന്തോസ് 3:6) എന്ന തിരുവചനം പോലെ, വണ്ടാലക്കുന്നേലച്ചൻ നട്ട് ഈസ്റ്റ് ആംഗ്ലീയ രൂപത നനച്ചു ദൈവം വടവൃക്ഷമായി വളർത്തിയ ഈ വാൽസിംഹാം തീർത്ഥാടനത്തിലേക്ക് എല്ലാവരേയും സ്നേഹപൂർവം സ്വാഗതം ചെയ്യുന്നു.

ഫാ. ബിജു കുന്നയ്ക്കാട്ട്

ബിഎംകെഎ സംഘടിപ്പിക്കുന്ന ഈസ്റ്റർ വിഷു ആഘോഷം ശനിയാഴ്ച.

ബെഡ്ഫോർഡ്: ബെഡ്‌ഫോർഡ്ഷയറിലെ പ്രമുഖ മലയാളി സംഘടനയായ "ബെഡ്ഫോർഡ് മാസ്റ്റൺ കേരള അസോസിയേഷൻ' ഒരുക്കുന്ന ഈസ്റ്റർ വിഷ

വാട്ടർഫോർഡിൽ മേയ് ദിനാഘോഷം സംഘടിപ്പിക്കുന്നു.

ഡബ്ലിൻ: വാട്ടർഫോർഡിൽ മേയ് ദിനാഘോഷ പരിപാടി സംഘടിപ്പിക്കുന്നു.

ഫാ. ജോ ജോൺ ചെട്ടിയാകുന്നേൽ ലാസലെറ്റ് സന്യാസസഭ സുപ്പീരിയർ ജനറൽ.

അൻസിറാബെ (മഡഗാസ്കർ): 178 വർഷം പഴക്കമുള്ള ലാസലെറ്റ് സന്യാസ സഭയുടെ പുതിയ സുപ്പീരിയർ ജനറലായി മലയാളിയായ ഫാ.

ലണ്ടൻ മേയർ തെരഞ്ഞെടുപ്പ്: ഇന്ത്യൻ വംശജൻ തരുൺ ഗുലാത്തിയും മത്സരരംഗത്ത്.

ലണ്ടൻ: അടുത്ത മാസം രണ്ടിനു നടക്കുന്ന ലണ്ടൻ മേയർ തെരഞ്ഞെടുപ്പിൽ ഇന്ത്യൻ വംശജനായ വ്യവസായ പ്രമുഖൻ തരുൺ ഗുലാത്തിയും മ

ഗ്രേറ്റ് ബ്രിട്ടൻ രൂപത ബൈബിൾ ക്വിസ് മത്സരം; പേരുകൾ രജിസ്റ്റർ ചെയ്യാനുള്ള അവസരം ഞായറാഴ്ച വരെ.

ബർമിംഗ്ഹാം: ഗ്രേറ്റ് ബ്രിട്ടൻ സീറോമലബാർ രൂപതയുടെ ആഭിമുഖ്യത്തിൽ സംഘടിപ്പിക്കുന്ന സുവാറ 2024 ബൈബിൾ ക്വിസ് മത്സരങ്ങൾക്