Deepika.com Nri News :ജർമൻ ഇടവകയിൽ മലയാളി വൈദികൻ ഒരുക്കിയ ഉയിർപ്പുതിരുനാൾ നവ്യാനുഭവമായി.......

Europe

ജർമൻ ഇടവകയിൽ മലയാളി വൈദികൻ ഒരുക്കിയ ഉയിർപ്പുതിരുനാൾ നവ്യാനുഭവമായി

Back To NRI Home Forward This News Click here for detailed news of all items

ഷ്വൊൾനാഹ്: ജർമനിയിലെ പാസാവു നഗരത്തിനടുത്തുള്ള ഷ്വൊൾനാഹിലെ വിശുദ്ധ സ്നാപകയോഹന്നാന്‍റെ നാമധേയത്തിലുള്ള ജർമൻ ഇടവക ദേവാലയത്തിൽ മലയാളി വൈദികനായ വികാരി ഫാ. ജസ്റ്റിൻ മാണിക്കത്താൻ സിഎംഐ ഒരുക്കിയ ഉയിർപ്പുതിരുനാൾ ആഘോഷം ജർമൻകാരായ ഇടവകക്കാർക്ക് വിശ്വാസത്തിന്‍റെ ദൃശ്യവിരുന്ന് നവ്യാനുഭവമായി.

ഇരുപത്തിയഞ്ച് മിനിറ്റ് ദൈർഘ്യമുള്ള ഉയിർപ്പുതിരുനാൾ കർമങ്ങൾ ഉൾപ്പെടുത്തി അവതരിപ്പിച്ച ദൃശ്യാവിഷ്കാരങ്ങളാണ് ഏവരുടേയും പ്രശംസ പിടിച്ചുപറ്റിയത്.

യേശുവിന്‍റെ മരണത്തേയും പുന:രുത്ഥാനത്തേയും കുറിച്ച് നാലു സുവിശേഷകരും പ്രതിപാദിക്കുന്നതിന്‍റെ സംക്ഷിപ്തരൂപം ദൃശ്യാവിഷ്ക്കാരങ്ങൾ ആരംഭിക്കുന്നതിനു മുന്പ് വിശദമാക്കിയിരുന്നു. യേശുവിന്‍റെ മരണത്തിനു തൊട്ടുമുന്പു മുതൽ മാലാഖാമാർ വന്ന് കല്ലറയുടെ വലിയ കല്ല് ഉരുട്ടി മാറ്റുന്നതുവരെയുള്ള സംഭവങ്ങളിൽ 15 കഥാപാത്രങ്ങളെ ഉൾപ്പെടുത്തിയാണ് ദൃശ്യത്തിന് ജീവൻ നൽകിയത്.

ദൃശ്യാവിഷ്ക്കാരങ്ങൾക്ക് കൂടുതൽ മികവും മൗലികതയും കൈവരുന്നതിനുവേണ്ടി ഡിജിറ്റൽ സാങ്കേതിക വിദ്യയാണ് ഉപയോഗിച്ചത്. 5:1 ഡിജിറ്റൽ സൗണ്ട് സിസ്റ്റത്തിൽ കംപ്യൂട്ടർ സഹായത്തോടെ പ്രകൃതിയുടെ ശബ്ദശകലങ്ങളും പ്രകാശ ധ്രുവീകരണവും സമ്മിശ്രമായി സമന്വയിപ്പിച്ചത് ലൈവ് പ്രോഗാമിന്‍റെ മികവുപോലെ ആസ്വദിക്കാനായി.

ഫാ. ജസ്റ്റിൻ ഇത് രണ്ടാം തവണയാണ് ഡിജിറ്റൽ ശബ്ദസംവിധാനത്തിൽ ഉയിർപ്പിന്‍റെ ദൃശ്യാവിഷ്ക്കാരം അവതരിപ്പിക്കുന്നത്. ആദ്യത്തേതിൽ നിന്നുള്ള പാഠവും ഉൾക്കൊണ്ടതിനാൽ ഇത്തവണ അവതരണം മികവിന്‍റെ പര്യായമായി.

പുതിയ യുഗത്തിന്‍റെ സാങ്കേതികവിദ്യകൾ കൂട്ടുപിടിച്ച് കത്തോലിക്കാ സഭാവിശ്വാസം ഒന്നുകൂടി അരയ്ക്കിട്ടുറപ്പിക്കാൻ ജസ്റ്റിനച്ചന്‍റെ ഇത്തരത്തിലൊരു ഉദ്യമം ജർമനിയിലെ മലയാളികൾക്കും അഭിമാനമായി. രണ്ടര മണിക്കൂർ നീണ്ടുനിന്ന തിരുക്കർമങ്ങളിൽ സാധാരണയിൽക്കവിഞ്ഞ് യുവജനങ്ങളും കുട്ടികളും ഉൾപ്പടെ ഏതാണ്ട് 650 ഓളം പേർ തിരുക്കർമങ്ങളിൽ പങ്കെടുത്തു.

എറണാകുളം ജില്ലയിലെ താന്നിപ്പുഴ സദേശിയും സിഎംഐ സഭാംഗവുമായ (കൊച്ചി പ്രൊവിൻസ്) ഫാ.ജസ്റ്റിൻ മാണിക്കത്താൻ കഴിഞ്ഞ 10 വർഷമായി ജർമനിയിലെ പസ്സാവു രൂപതയിൽ സേവനം ചെയ്യുന്നു.

ഫാ.ജസ്റ്റിൻ ഒരുക്കിയ ഉയിർപ്പു തിരുനാൾ അവതരണം വേറിട്ട അനുഭവവും കാഴ്ചയും വിശേഷവുമായി പാസാവുവിലെ പ്രാദേശിക മാധ്യമങ്ങളും റിപ്പോർട്ട് ചെയ്തിരുന്നു.

റിപ്പോർട്ട്: ജോസ് കുന്പിളുവേലിൽ

ത്രേസ്യാമ്മ രാജു ജർമനിയിൽ അന്തരിച്ചു.

ബോണ്‍: ജര്‍മനിയിലെ ബോണ്‍ നഗരത്തിനടുത്തുള്ള ബാഡ് ഹൊന്നഫില്‍ താമസിക്കുന്ന ത്രേസ്യമ്മ രാജു(84) അന്തരിച്ചു.

കുടുംബങ്ങളെ തിരുസഭയുമായി ബന്ധിപ്പിക്കുന്ന കണ്ണി കുടുംബ കൂട്ടായ്മകൾ: മാർ ജോസഫ് സ്രാമ്പിക്കൽ.

ലെസ്റ്റർ: ഗാർഹിക സഭകളായ കുടുംബങ്ങളെ തിരുസഭയുമായി ബന്ധിപ്പിക്കുന്ന കണ്ണിയാണ് കുടുംബ കൂട്ടായ്മകൾ എന്ന് ഗ്രേറ്റ് ബ്രിട

മഞ്ഞുമലയിൽ കുടുങ്ങിയ മലയാളി യുവാവിനെ രക്ഷപ്പെടുത്തി ഇറ്റാലിയൻ വ്യോമസേന.

റോം: ഇറ്റലിയിൽ മഞ്ഞുമലയിൽ കുടുങ്ങിയ മലയാളി യുവാവിനെ രാജ്യത്തെ വ്യോമസേനയുടെ സമയോചിതമായ ഇടപെടലിലൂടെ രക്ഷപ്പെടു

ഇറാനിലേക്കുള്ള വിമാന സർവീസുകൾ നിർത്തിവച്ച് ലുഫ്താൻസയും ഓസ്ട്രിയൻ എയർലൈൻസും.

ബെർലിൻ: ഇറാന്‍റെ തലസ്ഥാനമായ ടെഹ്റാനിലേക്കുള്ള വിമാനങ്ങൾ ലുഫ്താൻസയും ഓസ്ട്രിയൻ എയർലൈൻസും താത്കാലികമായി നിർത്തിവ

ഹാപ്പി ബർത്ത്ഡേ ഫാറ്റു! ലോകത്തിലെ ഏറ്റവും പ്രായമേറിയ ഗോറില്ലയുടെ പിറന്നാൾ ആഘോഷമാക്കി ബർലിൻ.

ബെർലിൻ: ലോകത്തിലെ ഏറ്റവും പ്രായം കൂടിയ ഗൊറില്ലയായ ഫാറ്റുവിന് 67 വയസ് തികഞ്ഞു.