Deepika.com Nri News :അയർക്കുന്നം - മറ്റക്കര സംഗമം; അനിശ്ചിതത്വത്തിന് വിരാമമിട്ട് ഉമ്മൻ ചാണ്ടി മനസു തുറന്നു.......

Europe

അയർക്കുന്നം മറ്റക്കര സംഗമം; അനിശ്ചിതത്വത്തിന് വിരാമമിട്ട് ഉമ്മൻ ചാണ്ടി മനസു തുറന്നു

Back To NRI Home Forward This News Click here for detailed news of all items

ലണ്ടൻ: അയർക്കുന്നം മറ്റക്കര പ്രദേശങ്ങളിൽ നിന്നും സമീപ സ്ഥലങ്ങളിൽ നിന്നുമായി യുകെയിൽ താമസിക്കുന്ന കുടുംബങ്ങളുടെ ആദ്യ സംഗമത്തിൽ പങ്കെടുക്കാമെന്ന് അറിയിച്ച സ്ഥലം എംഎൽഎയും മുൻ മുഖ്യമന്ത്രിയുമായ ഉമ്മൻ ചാണ്ടി അനദ്യോഗികരമായ കാരണത്താൽ സംഗമം നടക്കുന്ന ഏപ്രിൽ 29 ന് നാട്ടിൽ ഉണ്ടാവേണ്ടതിനാൽ ഇത്തവണത്തെ സംഗമത്തിൽ സംബന്ധിക്കുവാൻ സാധിക്കുകയില്ലെന്ന് സംഘാടകരെ അറിയിച്ചു. താമസിയാതെ യുകെ സന്ദർശിക്കുമെന്നും ആ അവസരത്തിൽ കൂട്ടായ്മയിൽ പങ്കെടുക്കുമെന്ന് അദ്ദേഹം ഉറപ്പ് നൽകുകയും ചെയ്തു. സംഗമത്തിന് എല്ലാവിധ വിജയങ്ങളും ആശംസിച്ചു നൽകിയ വീഡിയോ സന്ദേശത്തിലാണ് ഉമ്മൻ ചാണ്ടി മനസു തുറന്നത്.

അയർക്കുന്നം മറ്റക്കര സംഗമത്തിന്‍റെ മുഖ്യാതിഥിയായി എത്തുന്ന ജോസ് കെ. മാണി എംപിയും സംഗമത്തിന്‍റെ വിജയത്തിന് എല്ലാവിധ ഭാവുകങ്ങളും നേർന്നു. അയർക്കുന്നം പഞ്ചായത്ത് പ്രസിഡന്‍റ് മോനിമോൾ ജയ്മോൻ, മറ്റക്കര പ്രദേശങ്ങളടങ്ങുന്ന അകലക്കുന്നം പഞ്ചായത്ത് പ്രസിഡന്‍റ് സണ്ണി ഏബ്രഹാം, അയർക്കുന്നം സർവീസ് സഹകരണ ബാങ്ക് പ്രസിഡന്‍റും ദീർഘനാൾ അയർക്കുന്നം സ്കൂളിൽ അധ്യാപകനുമായിരുന്ന ജയിംസ് കുന്നപ്പള്ളി എന്നിവരും യുകെയിലെ അയർക്കുന്നം മറ്റക്കര പ്രഥമ കുടുംബ സംഗമത്തിന് സർവവിധ ഭാവുകങ്ങളും വിജയങ്ങളും ആശംസിച്ചു.

അയർക്കുന്നത്തും മറ്റക്കരയിലും സമീപപ്രദേശങ്ങളിലും താമസിക്കുന്നവർക്കും ഈപ്രദേശങ്ങളുമായി ആത്മബന്ധമുള്ളവർക്കും വിവാഹ ബന്ധമുള്ളവർക്കും കുടുംബത്തോടൊപ്പം സംഗമത്തിൽ പങ്കെടുക്കാവുന്നതാണ്. ജിസിഎസ്ഇ / എ ലെവൽ പരീക്ഷകളിൽ ഉന്നതവിജയം നേടിയ സംഗമത്തിലെ അംഗങ്ങളുടെ കുട്ടികളെ ചടങ്ങിൽ ആദരിക്കും. ഓരോ വർഷവും കലാകായിക വിനോദ പരിപാടികൾ ഉൾപ്പെടുത്തി കൂട്ടായ്മകളും സംഗമങ്ങളും സംഘടിപ്പിച്ച് ചാരിറ്റി പ്രവർത്തനങ്ങൾ ഉൾപ്പെടെയുള്ള കർമ്മപദ്ധതികൾ ആവിഷ്കരിച്ച് നടപ്പിലാക്കുവാനുള്ള പ്രവർത്തനങ്ങളാണ് സംഘാടകർ വിഭാവന ചെയ്യുന്നത്.

വിവരങ്ങൾക്ക്: സി.എ. ജോസഫ് (ജനറൽ കണ്‍വീനർ) 07846747602, ജോജി ജോസഫ് 07809770943, ഷൈനു ക്ലയർ മാത്യൂസ് 07872514619, ബാലസജീവ് കുമാർ 07500777681.

വേദിയുടെ വിലാസം: UKKCA Hall, Woodcross Lane, Wolverhampton WV14 9BW.

റിപ്പോർട്ട്: ജോയൽ ചെറുപ്ലാക്കിൽ

റോഡപകടങ്ങൾ കുത്തനെ ഉയർന്നു; അയർലൻഡിൽ വാഹനപരിശോധന കർശനമാക്കി.

ഡബ്ലിൻ: റോഡപകടങ്ങൾ കുത്തനെ ഉയർന്ന സാഹചര്യത്തിൽ അയർലൻഡിൽ അധികൃതർ വാഹന പരിശോധന കർശനമാക്കി.

ഐഒസി യുകെ സംഘടിപ്പിക്കുന്ന പ്രചാരണ കാമ്പയിൻ ശനിയാഴ്ച; ഉദ്ഘാടകൻ എം. ലിജു.

ലണ്ടൻ: യുഡിഎഫ് സ്ഥാനാർഥികളുടെ പ്രചാരണാർഥം ഐഒസി യുകെ സംഘടിപ്പിക്കുന്ന മുഴുദിന പ്രചാരണ കാമ്പയിൻ "എ ഡേ ഫോർ ഇന്ത്യ' ശന

അയര്‍ലൻഡിലെ സത്ഗമയ വിഷു ആഘോഷം പ്രൗഢഗംഭീരമായി.

ഡബ്ലിൻ: വിഷുദിനത്തിൽ പരമ്പരാഗത രീതിയിൽ ഒട്ടുരുളിയിൽ ഒരുക്കിയ സമൃദ്ധിയേയും കണ്ണനാം ഉണ്ണിയേയും കൺനിറയെ കണ്ട്, കൈപ

ഗ്രീസില്‍ മഹാസമുദ്രം സമ്മേളനം നടന്നു.

ആഥന്‍സ്: മനുഷ്യപ്രവര്‍ത്തനങ്ങള്‍ മൂലമുണ്ടാകുന്ന നാശനഷ്ടങ്ങളില്‍ നിന്ന് ലോക സമുദ്രങ്ങളെ സംരക്ഷിക്കാന്‍ യൂറോപ്യന്‍

ബേസിംഗ്സ്റ്റോക്ക് നൈറ്റ് വിജിൽ "എഫാത്താ' വെള്ളിയാഴ്ച; ഫാ. ജോസഫ് കണ്ടത്തിപ്പറമ്പിൽ ശുശ്രൂഷകൾ നയിക്കും.

ബേസിംഗ് സ്റ്റോക്ക്: ഗ്രേറ്റ് ബ്രിട്ടൻ സീറോ മലബാർ രൂപതയുടെ കീഴിലുള്ള സെന്‍റ് അഗസ്റ്റിൻസ് പ്രൊപ്പോസ്ഡ് മിഷൻ ആതിഥേയത്വം വഹ