![]()
ബെർമിംഗ്ഹാം: ഇംഗ്ലണ്ടിലെ പുതുപ്പള്ളി എന്നു അറിയപ്പെടുന്ന ബെർമിംഗ്ഹാം സെന്‍റ് ജോർജ് യാക്കോബായ സുറിയാനി ഓർത്തഡോക്സ് പള്ളിയിലെ പീഡാനുഭവവാര ശുശ്രൂഷകൾ ഏപ്രിൽ എട്ടു (ശനി) മുതൽ 15 (ശനി) വരെ നടക്കും. എട്ടിന് രാവിലെ 10ന് അൾബെർട്ട് റോഡിലുള്ള ഓൾ സെയിന്‍റ്സ് പള്ളിയിൽ പ്രഭാത നമസ്കാരം, തുടർന്നു ഓശാനയുടെ ശുശ്രൂഷകളും പ്രദക്ഷിണം, വിശുദ്ധ കുർബാന, അനുഗ്രഹ പ്രഭാഷണം എന്നിവ നടക്കും. ശുശ്രൂഷകൾക്ക് ഫാ. ഫിലിപ്പ് തോമസ് മുഖ്യകർമികത്വം വഹിക്കും.
12ന് (ബുധൻ) വൈകുന്നേരം നാലിന് പെസഹായുടെ ശുശ്രൂഷകൾ ആരംഭിക്കും. സന്ധ്യ പ്രാർഥന, പെസഹ കുർബാന, അപ്പം മുറിക്കൽ എന്നിവ നടക്കും.
14ന് (ദുഃഖവെള്ളി) രാവിലെ ഒന്പതിന് (St.Cyprins Hall, Birmingham,B25 8DL) ദുഃഖവെള്ളിയുടെ ശുശ്രൂഷകൾ ആരംഭിക്കും. പ്രഭാത നമസ്കാരം, തുടർന്നു സ്ലീബാ ആരാധനയുടെ പ്രത്യേക ശുശ്രൂഷ, സ്ലീബാവന്ദനം, സ്ലീബാ ആഘോഷം, കബറടക്ക ശുശ്രൂഷ എന്നിവ നടക്കും.
15ന് (ദുഃഖശനി) വൈകുന്നേരം നാലിന് ഉയിർപ്പിന്‍റെ ശുശ്രൂഷകൾ നടക്കും. സന്ധ്യാ പ്രാർഥന, വിശുദ്ധ കുർബാന, സ്ലീബാ ആഘോഷം, സ്നേഹ വിരുന്ന് എന്നിവയോടുകൂടി ഈ വർഷത്തെ പീഡാനുഭവവാരം അവസാനിക്കും.
ഈ വർഷത്തെ പീഡാനുഭവവാരം ശുശ്രൂഷകൾക്ക് ഫാ. ഫിലിപ്പ് തോമസ് നേതൃത്വം നൽകും.
പള്ളിയുടെ വിലാസം: All saints Church, Alberts Road, Stechford, Brimingham, B33 8 UA.
വിവരങ്ങൾക്ക്: ഫാ. പീറ്റർ കുര്യാക്കോസ് (വികാരി) 07397048734 ,07411932075,
മാത്യു ജോണ്‍ (സെക്രട്ടറി) 07714516271, ബിജു കുര്യാക്കോസ് (ട്രഷറർ) 07817680434.
|