Deepika.com Nri News :മാർട്ടിൻ ഷുൾസ് എസ്പിഡി അധ്യക്ഷൻ.......

Europe

മാർട്ടിൻ ഷുൾസ് എസ്പിഡി അധ്യക്ഷൻ

Back To NRI Home Forward This News Click here for detailed news of all items

ബെർലിൻ: ജർമനിയിലെ സോഷ്യലിസ്റ്റ് ഡമോക്രാറ്റിക് പാർട്ടി (എസ്പിഡി)അധ്യക്ഷനായി മാർട്ടിൻ ഷുൾസ്(61) തെരഞ്ഞെടുക്കപ്പെട്ടു. ബെർലിനിൽ കൂടിയ പാർട്ടിയുടെ അസാധാരണ യോഗത്തിലാണ് ഷുൾസ് തെരഞ്ഞെടുക്കപ്പെട്ടത്. 99 ശതമാനം വോട്ടുനേടിയാണ് ഷുൾസ് തെരഞ്ഞെടുക്കപ്പെട്ടത്. നിലവിലെ പാർട്ടി പ്രസിഡന്‍റ് സിഗ്മാർ ഗാബ്രിയേൽ അധ്യക്ഷപദവി ഒഴിഞ്ഞ സ്ഥാനത്തേയ്ക്കാണ് ഷുൾസിനെ തെരഞ്ഞെടുത്തത്. 150 വർഷം പഴക്കുള്ള പാർട്ടിയാണ് എസ്പിഡി.

സെപ്റ്റംബർ 24 ന് നടക്കുന്ന പൊതുതെരഞ്ഞെടുപ്പിൽ മെർക്കലിനെതിരെ ചാൻസലർ സ്ഥാനാർഥിയായി പാർട്ടി നിയോഗിച്ച ഷുൾസിന്‍റെ ജർമൻ രാഷ്ട്രീയത്തിലേയ്ക്കുള്ള വരവ് സോഷ്യലിസ്റ്റുകൾക്ക് ഏറെ ഉണർവേകിയിരിക്കുകയാണ്. ഷുൾസാണ് ഇപ്പോൾ ജർമനിയിലെ ഏവരുടെയും ആകർഷണകേന്ദ്രം. യൂറോപ്യൻ യൂണിയൻ പാർലമെന്‍റ് പ്രസിഡന്‍റ് പദവി രാജിവച്ചശേഷമാണ് ഷുൾസ് ജർമൻ തട്ടകത്തിലേയ്ക്കു അങ്കത്തിനെത്തിയത്.

പാർട്ടിയുടെ അധ്യക്ഷസ്ഥാനം ഏറ്റെടുത്തശേഷം പാർട്ടിയുടെ ഒൗദ്യോഗിക ചാൻസലർ സ്ഥാനാർഥിയായി ഷുൾസിനെ പ്രഖ്യാപിച്ചു. ഏറ്റവും ഒടുവിലത്തെ അഭിപ്രായ സർവേയിൽ ചാൻസലർ മെർക്കലിനെക്കാൾ മുൻതൂക്കം ഷുൾസിനാണ്.

തീവ്ര ദേശീയതയ്ക്കെതിരേ പോരാടും: ഷൂൾസ്

ബെർലിൻ: തന്‍റെ പാർട്ടി തെരഞ്ഞെടുപ്പിൽ വിജയിച്ചാൽ തീവ്ര ദേശീയതയ്ക്കെതിരേ ശക്തമായ പോരാട്ടം നടത്തുമെന്ന് എസ്പിഡിയുടെ പ്രസിഡന്‍റ് സ്ഥാനാർഥി മാർട്ടിൻ ഷൂൾസ്. എസ്പിഡി സംഘടിപ്പിച്ച യോഗത്തിൽ സംസാരിക്കുകയായിരുന്നു അദ്ദേഹം. യൂറോവിരുദ്ധരെയും യുഎസ് പ്രസിഡന്‍റ് ഡോണൾഡ് ട്രംപിന്‍റെ വംശീയ നിലപാടുകളെയും അദ്ദേഹം വിമർശിച്ചു.

2013 മുതൽ ജർമനിയിലെ ഭരണസഖ്യത്തിൽ പങ്കാളികളാണ് എസ്പിഡി. മെർക്കലിനു പറ്റിയ എതിരാളിയാകാൻ യൂറോപ്യൻ പാർലമെന്‍റ് പ്രസിഡന്‍റായിരുന്ന ഷൂൾസിനു സാധിക്കുമെന്നാണ് പാർട്ടിയുടെ പ്രതീക്ഷ. അഭിപ്രായ വോട്ടെടുപ്പുകളിൽ എസ്പിഡി മെർക്കലിന്‍റെ സിഡിയുവിനെക്കാൾ പിന്നിലാണെങ്കിലും ഷൂൾസ് മെർക്കലിനെക്കാൾ ലീഡ് നേടിയട്ടുണ്ട്.

റിപ്പോർട്ട്: ജോസ് കുന്പിളുവേലിൽ

ഗ്രേറ്റ് ബ്രിട്ടൻ രൂപത ബൈബിൾ ക്വിസ് മത്സരം; പേരുകൾ രജിസ്റ്റർ ചെയ്യാനുള്ള അവസരം ഞായറാഴ്ച വരെ.

ബർമിംഗ്ഹാം: ഗ്രേറ്റ് ബ്രിട്ടൻ സീറോമലബാർ രൂപതയുടെ ആഭിമുഖ്യത്തിൽ സംഘടിപ്പിക്കുന്ന സുവാറ 2024 ബൈബിൾ ക്വിസ് മത്സരങ്ങൾക്

യുകെയിൽ മലയാളി നഴ്സ് മരിച്ചനിലയിൽ.

ലണ്ടൻ: യുകെയിൽ മലയാളി നഴ്സിനെ വീടിനുള്ളിൽ മരിച്ചനിലയിൽ കണ്ടെത്തി.

സ്കോട്‌ലൻഡിൽ ഇന്ത്യൻ വിദ്യാർഥികൾ മുങ്ങിമരിച്ചു.

ലണ്ടൻ: സ്കോട്‌ലൻഡിലെ വെള്ളച്ചാട്ടത്തിൽ വീണ് രണ്ട് ഇന്ത്യൻ വിദ്യാർഥികൾ മുങ്ങിമരിച്ചു.

റഷ്യയ്ക്ക് വേണ്ടി ചാരപ്രവൃത്തി നടത്തി; ജര്‍മനിയിൽ രണ്ട് പേർ അറസ്റ്റിൽ.

ബെര്‍ലിന്‍: റഷ്യയ്ക്ക് വേണ്ടി ചാരപ്രവൃത്തി നടത്തിയെന്ന് സംശയിക്കുന്ന രണ്ട് പേരെ ജര്‍മന്‍ പോലീസ് അറസ്റ്റ് ചെയ്തു.

യുകെയിലെ ക്നാനായ കുടുംബങ്ങൾ ബർമിംഗ്ഹാമിലേക്ക്; കുടുംബ സംഗമം ഇന്ന്.

ബർമിംഗ്ഹാം: ക്നാനായ കാത്തലിക് മിഷൻ യുകെയുടെ നേതൃത്വത്തിൽ നടക്കുന്ന കുടുംബ സംഗമം " വാഴ്‌വ് 24' ഇന്ന് ബർമിംഗ്ഹാമിൽ നട