Deepika.com Nri News :കൊളോണ്‍ കത്തീഡ്രലിൽ സുരക്ഷാ ക്രമീകരണങ്ങൾ ശക്തമാക്കുന്നു.......

Europe

കൊളോണ്‍ കത്തീഡ്രലിൽ സുരക്ഷാ ക്രമീകരണങ്ങൾ ശക്തമാക്കുന്നു

Back To NRI Home Forward This News Click here for detailed news of all items

കൊളോണ്‍: യൂറോപ്പിലെ പഴക്കമേറിയതും ജർമനിയിലെ പ്രശസ്തമായ കൊളോണ്‍ കത്തീഡ്രലിൽ (ഡോം) സുരക്ഷാ ക്രമീകരണങ്ങൾ കുറ്റമറ്റതാക്കുന്നു. മാർച്ചു ഒന്നു മുതൽ പുതിയ നിയന്ത്രണങ്ങൾ പ്രാബല്യത്തിൽ വരും.

ഇതനുസരിച്ച് ഇതുവരെയുണ്ടായിരുന്ന നിയന്ത്രണങ്ങൾക്കു പുറമെ സന്ദർശകരുടെ വലിയ ബാഗുകൾ, ട്രാവൽ ബാഗുകൾ, തോൾ സഞ്ചികൾ തുടങ്ങിയവ അനുവദിക്കില്ല. എന്നാൽ ഹാൻഡ് ബാഗുകൾ അനുവദനീയമാണ്. അതുപോലെ മടക്കിയെടുത്തുകൊണ്ടുപോകാവുന്ന മൊബൈൽ കസേരകൾക്കും വിലക്കേർപ്പെടുത്തിയിട്ടുണ്ട്. ഇത്തരം സാധങ്ങൾ സെക്യൂരിറ്റിയെ ഏൽപ്പിച്ചു മാത്രമേ സന്ദർശകർക്ക് അകത്തേയ്ക്കു പ്രവേശനം സാധ്യമാവൂ.

നിലവിൽ കത്തീഡ്രൽ സുരക്ഷയ്ക്കായി നിരവധി ഗാർഡുകൾ സേവനനിരതരാണ്. ഇതിനു പുറമെ സെക്യൂരിറ്റി ജോലിക്കാരെ അധികമായി നിയമിക്കുമെന്നും ഡോം മേലധികാരി ഗേർഡ് ബാഹ്നർ അറിയിച്ചു. ഡോമിന്‍റെ സുരക്ഷാ സംബന്ധമായി 2015 മധ്യത്തിൽ ഒരു കമ്മീഷനെ നിയോഗിച്ചിരുന്നു.കമ്മീഷന്‍റെ ആവശ്യപ്രകാരമാണ് കൊളോണ്‍ പോലീസുമായി ചേർന്ന് കുറ്റമറ്റ സുരക്ഷാ സംവിധാനങ്ങൾ കൊണ്ടുവരുന്നതെന്ന് കൊളോണ്‍ പോലീസ് മേധാവി യൂർഗൻ മത്തിയാസ് അറിയിച്ചു.
കൂടാതെ നിലവിലുള്ള നിരീക്ഷണ കാമറകൾക്കു പുറമെ ഏപ്രിൽ ഒന്നു മുതൽ കത്തീഡ്രലിലും പരിസരങ്ങളിലും പുതിയ വീഡിയോ കാമറകൾ സ്ഥാപിക്കുമെന്നും മേധാവി അറിയിച്ചു.

1248 ൽ ഗോഥിക് വാസ്തുവിദ്യയിൽ നിർമാണം ആരംഭിച്ച ഡോം 1322 ലാണ് പൊതുജനങ്ങൾക്കായി തുറന്നുകൊടുത്തത്. ഡോമിന്‍റ ഉയരം 157.38 മീറ്ററാണ്. 144 മീറ്റർ നീളവും 86 മീറ്റർ വീതിയുമുണ്ട്. കൊളോണ്‍ നഗരത്തിന്‍റെ മുഖമുദ്രയായി നിലകൊള്ളുന്ന ഡോം റൈൻനദിയുടെയും മെയിൻ റെയിൽവേസ്റ്റേഷന്‍റെ സമീപത്തായുമാണ് സ്ഥിതി ചെയ്യുന്നത്. ഇതിന്‍റെ മുകളിൽ കയറുവാൻ 500 പടികൾ നിർമിച്ചിട്ടുണ്ട്. 1996 മുതൽ യുനെസ്കോയുടെ വേൾഡ് കൾച്ചറൽ ഹെറിട്ടേജ് സെന്‍ററുകളുടെ പട്ടികയിൽ കൊളോണ്‍ കത്തീഡ്രലിനെ ഉൾപ്പെടുത്തിയിട്ടുണ്ട്. പൂജരാജാക്കന്മാരുടെ നാമത്തിലാണ് ഈ ദേവാലയം അറിയപ്പെടുന്നത്. പ്രതിദിനം അരലക്ഷത്തോളം പേർ സന്ദർശകരായി ഇവിടെ എത്തുന്നുണ്ട്.

2016 ഡിസംബർ 19 ലെ ബെർലിൻ ക്രിസ്മസ് മാർക്കറ്റ് ആക്രമണത്തെത്തുടർന്ന് ഡോമിൽ പരിശോധന ശക്തമാക്കിയിരുന്നു. 2015 ലെ സിൽവസ്റ്റർ രാത്രിയിൽ ഡോമിന്‍റ മുറ്റത്താണ് ലൈംഗിക അതിക്രമങ്ങൾ അരങ്ങേറിയത്.

റിപ്പോർട്ട്: ജോസ് കുന്പിളുവേലിൽ

ഡിലന്‍ സിനോയിയുടെ സംസ്കാരം വെള്ളിയാഴ്ച ഡബ്ലിനില്‍.

ഡബ്ലിന്‍: കഴിഞ്ഞ ദിവസം അയര്‍ലൻഡില്‍ അന്തരിച്ച ഡിലന്‍ സിനോയിയുടെ(10) സംസ്കാരം വെള്ളിയാഴ്ച ഡബ്ലിനില്‍ നടക്കും.

യുഡിഎഫ് സ്ഥാനാർഥികൾക്ക് പിന്തുണയുമായി ഐഒസി യുകെ; തെരഞ്ഞെടുപ്പ് കമ്മിറ്റി പ്രവർത്തനമാരംഭിച്ചു.

ലണ്ടൻ: ലോക്സഭാ തെരഞ്ഞെടുപ്പിൽ യുഡിഎഫ് സ്ഥാനാർഥികൾക്ക് പിന്തുണയുമായി ഇന്ത്യൻ ഓവർസീസ് കോൺഗ്രസ്‌ യുകെ കേരള ചാപ്റ്റർ.

ഗ്രേറ്റ് ബ്രിട്ടൻ രൂപത കുടുംബക്കൂട്ടായ്മാ വാർഷിക സമ്മേളനം.

ലെസ്റ്റർ: ഗ്രേറ്റ് ബ്രിട്ടൻ രൂപതയിലെ കുടുംബക്കൂട്ടായ്മ ലീഡർമാരുടെ രൂപതാതല വാർഷിക സമ്മേളനം നടത്തി.

സർഗം സ്റ്റീവനേജ്’ ഈസ്റ്റർ വിഷു ഈദ് ആഘോഷം സംഘ‌ടിപ്പിച്ചു.

സ്റ്റീവനേജ്: ഹർട്ഫോർഡ്ഷയറിലെ പ്രമുഖ മലയാളി സംഘടനായ സർഗം സ്റ്റീവനേജ്’ സംഘടിപ്പിച്ച ഈസ്റ്റർ, വിഷു, ഈദ് ആഘോഷം മത

കോപ്പൻഹേഗനിലെ ഓൾഡ് സ്റ്റോക്ക് എക്സ്ചേഞ്ച് കെട്ടിടത്തിനു തീപിടിച്ചു.

കോപ്പൻഹേഗ്: ഡാനിഷ് തലസ്ഥാനത്തെ ഏറ്റവും പ്രശസ്തമായ കെട്ടിടങ്ങളിലൊന്നായ കോപ്പൻഹേഗനിലെ ഓൾഡ് സ്റ്റോക്ക് എക്‌സ്‌ചേഞ്ചി