Deepika.com Nri News :ട്രംപിന്‍റെ വിരട്ടൽ ഫലം കണ്ടു; മരുന്നു കന്പനികളുടെ ഓഹരി വില ഇടിഞ്ഞു.......

Europe

ട്രംപിന്‍റെ വിരട്ടൽ ഫലം കണ്ടു; മരുന്നു കന്പനികളുടെ ഓഹരി വില ഇടിഞ്ഞു

Back To NRI Home Forward This News Click here for detailed news of all items

സൂറിച്ച്: അമേരിക്കൻ പ്രസിഡന്‍റ്് ട്രംപുമായി പ്രമുഖ മരുന്നു കന്പനികളുടെ മേധാവികൾ നടത്തിയ കൂടികാഴ്ചയെ തുടർന്നു യുഎസിൽ ബിസിനസുള്ള മരുന്നു കന്പനികളുടെ ഓഹരി വിലയിൽ വൻ ഇടിവ് രേഖപ്പെടുത്തി. സ്വിറ്റ്സർലൻഡ് ആസ്ഥാനമായ ബഹുരാഷ്ട്ര മരുന്നു കന്പനി നൊവാരിറ്റിസിന്‍റെ ഓഹരി വിലയിലും കനത്ത നഷ്ടം രേഖപ്പെടുത്തി. കന്പനിയുടെ ചീഫ് ജോസഫ് ജിമെനെസും ട്രംപിനെ സന്ദർശിച്ച സംഘത്തിൽ ഉണ്ടായിരുന്നു.

നേരത്തെ വാഹന നിർമാതാക്കളെ വിരട്ടിയ അതേ സമീപനമാണ് ബഹുരാഷ്ട്ര മരുന്നു കന്പനികളുടെ മേധാവികളുടെ അടുത്തും ട്രംപ് എടുത്തതെന്ന് ധനകാര്യ വിദഗധർ നിരീക്ഷിക്കുന്നു. മരുന്നു വില കുറയ്ക്കുക, യുഎസിൽ ഉദ്പാദനം കൂട്ടുക, ഗവേഷണങ്ങൾക്ക് കൂടുതൽ ഫണ്ട് ചെലവിടുക തുടങ്ങിയ ആവശ്യങ്ങളായിരുന്നു ട്രംപിന്േ‍റത്. വാഹന നിർമാതാക്കളോട് യുഎസിൽ തൊഴിൽ അവസരങ്ങൾ സൃഷ്ടിക്കാനായിരുന്നു പ്രധാനമായി ആവശ്യപ്പെട്ടതെങ്കിൽ, മരുന്നിന് വില കൂടുതലാണെന്നും ഉടനടി കുയ്ക്കണമെന്നുമായിരുന്നു മുഖ്യാവശ്യം.

നൊവാരിറ്റ്സ് കൂടാതെ മെർക്, ജോണ്‍സൻ ആൻഡ് ജോണ്‍സൻ, സെലെൻ, ഏലി ലില്ലി, അംഗൻ എന്നീ ബഹുരാഷ്ട്ര മരുന്ന് കന്പനികളുടെ മേധാവികളെയാണ് ട്രംപ് വിളിച്ചു വരുത്തിയത്.

ട്രംപ് അധികാരം ഏറ്റെടുക്കുന്നതിനു മുന്പു തന്നെ മരുന്നു കന്പനികൾക്കെതിരെ കർശന നിലപാട് സ്വീകരിച്ചതിനെത്തുടർന്ന് ഇവയുടെ ഓഹരി വിലയിൽ കുറവുരേഖപ്പെടുത്തിയിരുന്നു. ഈ കന്പനികളുടെ വരുമാനത്തിലെ 40 ശതമാനത്തോളം യുഎസിൽ നിന്നാവുന്പോൾ മരുന്ന് കന്പനികൾക്ക് ട്രംപിനെ അനുസരിക്കാതിരിക്കാൻ പറ്റാത്ത സ്ഥിതിയാണ്.

റിപ്പോർട്ട്: ടിജി മറ്റം

ഗ്രേറ്റ് ബ്രിട്ടൻ രൂപത ബൈബിൾ ക്വിസ് മത്സരം; പേരുകൾ രജിസ്റ്റർ ചെയ്യാനുള്ള അവസരം ഞായറാഴ്ച വരെ.

ബർമിംഗ്ഹാം: ഗ്രേറ്റ് ബ്രിട്ടൻ സീറോമലബാർ രൂപതയുടെ ആഭിമുഖ്യത്തിൽ സംഘടിപ്പിക്കുന്ന സുവാറ 2024 ബൈബിൾ ക്വിസ് മത്സരങ്ങൾക്

യുകെയിൽ മലയാളി നഴ്സ് മരിച്ചനിലയിൽ.

ലണ്ടൻ: യുകെയിൽ മലയാളി നഴ്സിനെ വീടിനുള്ളിൽ മരിച്ചനിലയിൽ കണ്ടെത്തി.

സ്കോട്‌ലൻഡിൽ ഇന്ത്യൻ വിദ്യാർഥികൾ മുങ്ങിമരിച്ചു.

ലണ്ടൻ: സ്കോട്‌ലൻഡിലെ വെള്ളച്ചാട്ടത്തിൽ വീണ് രണ്ട് ഇന്ത്യൻ വിദ്യാർഥികൾ മുങ്ങിമരിച്ചു.

റഷ്യയ്ക്ക് വേണ്ടി ചാരപ്രവൃത്തി നടത്തി; ജര്‍മനിയിൽ രണ്ട് പേർ അറസ്റ്റിൽ.

ബെര്‍ലിന്‍: റഷ്യയ്ക്ക് വേണ്ടി ചാരപ്രവൃത്തി നടത്തിയെന്ന് സംശയിക്കുന്ന രണ്ട് പേരെ ജര്‍മന്‍ പോലീസ് അറസ്റ്റ് ചെയ്തു.

യുകെയിലെ ക്നാനായ കുടുംബങ്ങൾ ബർമിംഗ്ഹാമിലേക്ക്; കുടുംബ സംഗമം ഇന്ന്.

ബർമിംഗ്ഹാം: ക്നാനായ കാത്തലിക് മിഷൻ യുകെയുടെ നേതൃത്വത്തിൽ നടക്കുന്ന കുടുംബ സംഗമം " വാഴ്‌വ് 24' ഇന്ന് ബർമിംഗ്ഹാമിൽ നട