Deepika.com Nri News :അച്ഛന്‍റെ പ്ലാനുകൾ തെറ്റിച്ച് മകൻ ഫെഡറർ.......

Europe

അച്ഛന്‍റെ പ്ലാനുകൾ തെറ്റിച്ച് മകൻ ഫെഡറർ

Back To NRI Home Forward This News Click here for detailed news of all items

സൂറിച്ച്: റോജർ ഫെഡറർ ഓസ്ട്രേലിയൻ ഓപ്പണിന്‍റെ ഫൈനലിൽ കളിക്കുമെന്ന് പിതാവ് ഒരിക്കലും സ്വപ്നം കണ്ടിട്ടേയില്ല. നേരത്തെയുള്ള പ്ലാൻ അനുസരിച്ചായിരുന്നെങ്കിൽ അച്ഛൻ റോബെർട്ടും (70) മകൻ റോജറും (35) ഈ ഞായറാഴ്ച സ്വിറ്റസർലൻഡിലെ ഗ്രേവ്ബുണ്ടനിലെ ലെൻസാർഹൈഡെയിൽ മഞ്ഞിൽ അടിച്ചു പൊളിക്കേണ്ടതായിരുന്നു.

പരിക്കിനെ തുടർന്ന് ആറ് മാസത്തെ വിശ്രമത്തിനുശേഷം റോജർ ഫെഡറർ പങ്കെടുക്കുന്ന ആദ്യത്തെ ഗ്രാൻഡ്സ് ലാമാണ് ഓസ്ട്രേലിയൻ ഓപ്പണ്‍. സാധാരണ മകൻ കളിക്കുന്പോൾ പ്ലെയേഴ്സ് ബോക്സിലെ സ്ഥിരം സാന്നിധ്യമാണ് പിതാവ് റോബർട്ടും മാതാവ് ലിനറ്റും. ഒരു ടെന്നീസ് വിദഗ്ധനും വാതുവയ്പുകാരനും ഫെഡറർക്ക് സാധ്യത കണ്ടില്ല. അവരെപോലെത്തന്നെ ഏറിയാൽ രണ്ട് അല്ലെങ്കിൽ മൂന്ന് കളി കഴിയുന്പോൾ മകൻ സിഡ്നിയിൽ നിന്നും തിരിച്ചുവരുമെന്ന് പ്രതീക്ഷിച്ചാണ് താൻ ഇത്തവണ പോകാതിരുന്നതെന്നു റോബർട്ട് ഫെഡറർ റേഡിയോ എനർജിയോട് പറഞ്ഞു. അതനുസരിച്ചാണ് ഈ ഞായറാഴ്ച മകനുമായി സ്കീയിംഗിനു പോകാൻ നേരത്തെ പ്ലാൻ ചെയ്തിരുന്നത്.

മാതാപിതാക്കൾ നാട്ടിൽ ഇരുന്നു ടിവിയിൽ മകന്‍റെ കളി കാണുന്പോൾ ഭാര്യ മിർക്കയും നാല് മക്കളും ഫെഡററോടൊപ്പം സിഡ്നിയിലുണ്ട്. ഭാര്യ മിർക്ക പ്ലെയേഴ്സ് ബോക്സിൽ എപ്പോഴും ഉണ്ടെങ്കിലും ഇരട്ട പെണ്‍മക്കളായ മിലയും ചാർലിനും ഇരട്ട ആണ്‍മക്കളായ ലിയോയും ലെന്നിയും ടൂർണമെന്‍റിൽ ഇതേവരെ പിതാവിന്‍റെ കളി കാണാൻ കോർട്ടിൽ എത്തിയിട്ടില്ല. നിഷിക്കോറിയുമായുള്ള ക്വർട്ടർ മത്സരത്തിനുശേഷം കമന്േ‍ററ്റർ ജിം കുറിയരുടെ ചോദ്യത്തിന്, പെണ്‍മക്കളിൽ ഒരാൾ നമുക്ക് നാട്ടിൽ പോയി സ്കീയിംഗിനു പോകാമെന്നു പറഞ്ഞപ്പോൾ, കുറച്ചു ദിവസം കൂടി ക്ഷമിക്കാൻ പറഞ്ഞു സമാധാനിപ്പിച്ചെന്ന് ഫെഡറർ പറഞ്ഞിരുന്നു.

കുടുംബം വിട്ടൊരു കളി ടെന്നിസല്ലാതെ ഫെഡറർക്കില്ല. എവിടെപ്പോയാലും കുടുംബവും കൂട്ടുണ്ടാവും. ഒരു സ്വിസ് ബ്രാൻഡ് ആയിട്ടാണ് അറിയപ്പെടുന്നതെങ്കിലും റോജർ ഫെഡററിന്േ‍റത് വാസ്തവത്തിൽ ഒരു അന്താരാഷ്ട്ര കുടുംബമാണ്. അച്ഛൻ റോബർട് സ്വിറ്റ്സർലൻഡുകാരനാണെങ്കിൽ, അമ്മ ലിനറ്റ് സൗത്ത് ആഫ്രിക്കക്കാരിയാണ്. അമ്മ വഴി സൗത്ത് ആഫ്രിക്കയുടെ പാസ്പോർട്ടും ഫെഡറർക്ക് ഉണ്ട്. ഭാര്യ മിർക്ക സ്വിറ്റ്സർലൻഡിൽ ചെറുപ്പത്തിൽ കുടിയേറിയ സ്ലോവാക്യകാരിയുമാണ്. മുൻ ടെന്നീസ് തരാം കൂടിയായ മിർക്കയും ഫെഡററും മിക്സഡ് ഡബിൾസിൽ സ്വിസിനുവേണ്ടി ഒളിംപിക്സിൽ ഒരുമിച്ചു കളിച്ചിട്ടുമുണ്ട്.

ഫാമിലി കണക്ഷനല്ലെങ്കിലും ഇന്ത്യയുമായും ഫെഡററിനു ബന്ധമുണ്ട്. ക്രിക്കറ്റിൽ സച്ചിൻ തെണ്ടുൽക്കർ എങ്ങനെയോ അതുപോലാണ് ടെന്നിസിൽ റോജർ ഫെഡററും. അടിമുടി ക്ലാസിക്കും മാന്യരും. റോജറിന്‍റെ കളികാണാൻ എല്ലാ വർഷവും വിന്പിൾഡണിൽ സച്ചിൻ എത്താറുമുണ്ട്. കഴിഞ്ഞ ക്രിക്കറ്റ് വേൾഡ് കപ്പിന്‍റെ സമയത്തു ഇന്ത്യയുടെ നീല ജേഴ്സിയും പിടിച്ചു നീലയിൽ കുളിച്ചു ഇന്ത്യ എന്ന ക്യാപ്ഷ്യനോടെ ഫെഡറർ ഫോട്ടോ ഫേസ്ബുക്കിൽ പോസ്റ്റ് ചെയ്തിരുന്നു.

റിപ്പോർട്ട് ടിജി മറ്റം

റോഡപകടങ്ങൾ കുത്തനെ ഉയർന്നു; അയർലൻഡിൽ വാഹനപരിശോധന കർശനമാക്കി.

ഡബ്ലിൻ: റോഡപകടങ്ങൾ കുത്തനെ ഉയർന്ന സാഹചര്യത്തിൽ അയർലൻഡിൽ അധികൃതർ വാഹന പരിശോധന കർശനമാക്കി.

ഐഒസി യുകെ സംഘടിപ്പിക്കുന്ന പ്രചാരണ കാമ്പയിൻ ശനിയാഴ്ച; ഉദ്ഘാടകൻ എം. ലിജു.

ലണ്ടൻ: യുഡിഎഫ് സ്ഥാനാർഥികളുടെ പ്രചാരണാർഥം ഐഒസി യുകെ സംഘടിപ്പിക്കുന്ന മുഴുദിന പ്രചാരണ കാമ്പയിൻ "എ ഡേ ഫോർ ഇന്ത്യ' ശന

അയര്‍ലൻഡിലെ സത്ഗമയ വിഷു ആഘോഷം പ്രൗഢഗംഭീരമായി.

ഡബ്ലിൻ: വിഷുദിനത്തിൽ പരമ്പരാഗത രീതിയിൽ ഒട്ടുരുളിയിൽ ഒരുക്കിയ സമൃദ്ധിയേയും കണ്ണനാം ഉണ്ണിയേയും കൺനിറയെ കണ്ട്, കൈപ

ഗ്രീസില്‍ മഹാസമുദ്രം സമ്മേളനം നടന്നു.

ആഥന്‍സ്: മനുഷ്യപ്രവര്‍ത്തനങ്ങള്‍ മൂലമുണ്ടാകുന്ന നാശനഷ്ടങ്ങളില്‍ നിന്ന് ലോക സമുദ്രങ്ങളെ സംരക്ഷിക്കാന്‍ യൂറോപ്യന്‍

ബേസിംഗ്സ്റ്റോക്ക് നൈറ്റ് വിജിൽ "എഫാത്താ' വെള്ളിയാഴ്ച; ഫാ. ജോസഫ് കണ്ടത്തിപ്പറമ്പിൽ ശുശ്രൂഷകൾ നയിക്കും.

ബേസിംഗ് സ്റ്റോക്ക്: ഗ്രേറ്റ് ബ്രിട്ടൻ സീറോ മലബാർ രൂപതയുടെ കീഴിലുള്ള സെന്‍റ് അഗസ്റ്റിൻസ് പ്രൊപ്പോസ്ഡ് മിഷൻ ആതിഥേയത്വം വഹ