Deepika.com Nri News :അഭയാർഥികളെ കാൽവച്ചു വീഴ്ത്തിയ മാധ്യമപ്രവർത്തകയ്ക്ക് നല്ലനടപ്പ്.......

Europe

അഭയാർഥികളെ കാൽവച്ചു വീഴ്ത്തിയ മാധ്യമപ്രവർത്തകയ്ക്ക് നല്ലനടപ്പ്

Back To NRI Home Forward This News Click here for detailed news of all items

സൂറിച്ച്: അഭയാർഥികളെ കാൽവച്ചു വീഴ്ത്തിയ ഹംഗേറിയൻ മാധ്യമപ്രവർത്തകയെ കോടതി ശിക്ഷിച്ചു. സ്വകാര്യ ചാനലിലെ ജീവനക്കാരിയായ പേട്ര ലാസ്ലോ (41) യെയാണ് കോടതി ശിക്ഷിച്ചത്. ഹംഗേറിയൻ നഗരമായ സെഗെഡിലെ കോടതി മൂന്നു വർഷം നല്ലനടപ്പാണ് വിധിച്ചത്. ശിക്ഷാ കാലയളവിൽ പേട്രയിൽനിന്നും കുറ്റകരമായ പ്രവർത്തികൾ ഉണ്ടാകാൻപാടില്ലെന്ന് കോടതി ഉത്തരവിട്ടു. അഭയാർഥികൾ കൂട്ടത്തോടെ കുതിച്ചുവന്നപ്പോൾ പേടികൊണ്ട് സ്വയരക്ഷക്ക് ചെയ്തതാണെന്ന് പേട്ര കോടതിയിൽ വാദിച്ചത് വിശ്വാസയോഗ്യമല്ലെന്ന് കോടതി വ്യക്തമാക്കി. സംഭവത്തിൽ ക്ഷമ പറഞ്ഞത് അംഗീകരിച്ച കോടതി നല്ല നടപ്പ് വിധിക്കുകയായിരുന്നു. ബുഡാപെസ്റ്റ്് ഇന്റർനെറ്റ് പോർട്ടലായ ഇൻഡക്സ് ഡോട്ട് ഹു ആണ് ഇക്കാര്യം റിപ്പോർട്ട് ചെയ്തത്.

2015 നായിരുന്നു കേസിനാസ്പദമായ സംഭവം. ഹംഗറിയുടെ അതിർത്തിയായ റോയ്സ്കെയിൽ ആഴ്ചകളായി തമ്പടിച്ച അഭയാർഥികളെ, അതിർത്തി തുറന്ന് ഓസ്ട്രിയയിലേക്ക് പോകാൻ ഹംഗേറിയൻ പോലീസ് അനുവദിച്ചപ്പോഴായിരുന്നു വിവാദമായ സംഭവം അരങ്ങേറിയത്. അതിർത്തി തുറന്നപ്പോൾ ഓടിക്കയറിയ അഭയാർഥികളെ, ഹൃദയഭേദകമായ രംഗം ചിത്രീകരിക്കാൻവേണ്ടി പേട്ര ലാസ്ലോ കാൽവച്ച് വീഴ്ത്തുകയായിരുന്നു. തോളിൽ ഒരു കുട്ടിയുമായി നീങ്ങുന്ന പിതാവിനെയും പിതാവിനൊപ്പം നീങ്ങുന്ന മറ്റൊരു കുട്ടിയേയുമാണ് ഒരു കൈയിൽ കാമറയും പിടിച്ച് കാലുകൊണ്ട് പേട്ര വീഴ്ത്തിയത്. ഈ സംഭവം അവിടെയുണ്ടായിരുന്ന മറ്റ് മാധ്യമപ്രവർത്തകർ പകർത്തുകയും പുറംലോകത്തെത്തിക്കുകയും ചെയ്തു. സംഭവം വിവാദമായതിനെ തുടർന്ന് ലാസ്ലോ ജോലി ചെയ്തിരുന്ന ഹങ്കറിയിലെ തീവ്ര വലതുപക്ഷ പാർട്ടിയായ ജോബിക്കിന്റെ നിയന്ത്രണത്തിലുള്ള എൻ വൺ ടിവി അവരെ പിരിച്ചുവിട്ടിരുന്നു.

റിപ്പോർട്ട്: ടിജി മറ്റം

റോഡപകടങ്ങൾ കുത്തനെ ഉയർന്നു; അയർലൻഡിൽ വാഹനപരിശോധന കർശനമാക്കി.

ഡബ്ലിൻ: റോഡപകടങ്ങൾ കുത്തനെ ഉയർന്ന സാഹചര്യത്തിൽ അയർലൻഡിൽ അധികൃതർ വാഹന പരിശോധന കർശനമാക്കി.

ഐഒസി യുകെ സംഘടിപ്പിക്കുന്ന പ്രചാരണ കാമ്പയിൻ ശനിയാഴ്ച; ഉദ്ഘാടകൻ എം. ലിജു.

ലണ്ടൻ: യുഡിഎഫ് സ്ഥാനാർഥികളുടെ പ്രചാരണാർഥം ഐഒസി യുകെ സംഘടിപ്പിക്കുന്ന മുഴുദിന പ്രചാരണ കാമ്പയിൻ "എ ഡേ ഫോർ ഇന്ത്യ' ശന

അയര്‍ലൻഡിലെ സത്ഗമയ വിഷു ആഘോഷം പ്രൗഢഗംഭീരമായി.

ഡബ്ലിൻ: വിഷുദിനത്തിൽ പരമ്പരാഗത രീതിയിൽ ഒട്ടുരുളിയിൽ ഒരുക്കിയ സമൃദ്ധിയേയും കണ്ണനാം ഉണ്ണിയേയും കൺനിറയെ കണ്ട്, കൈപ

ഗ്രീസില്‍ മഹാസമുദ്രം സമ്മേളനം നടന്നു.

ആഥന്‍സ്: മനുഷ്യപ്രവര്‍ത്തനങ്ങള്‍ മൂലമുണ്ടാകുന്ന നാശനഷ്ടങ്ങളില്‍ നിന്ന് ലോക സമുദ്രങ്ങളെ സംരക്ഷിക്കാന്‍ യൂറോപ്യന്‍

ബേസിംഗ്സ്റ്റോക്ക് നൈറ്റ് വിജിൽ "എഫാത്താ' വെള്ളിയാഴ്ച; ഫാ. ജോസഫ് കണ്ടത്തിപ്പറമ്പിൽ ശുശ്രൂഷകൾ നയിക്കും.

ബേസിംഗ് സ്റ്റോക്ക്: ഗ്രേറ്റ് ബ്രിട്ടൻ സീറോ മലബാർ രൂപതയുടെ കീഴിലുള്ള സെന്‍റ് അഗസ്റ്റിൻസ് പ്രൊപ്പോസ്ഡ് മിഷൻ ആതിഥേയത്വം വഹ