Deepika.com Nri News :ഉഗാണ്ടയിൽ വേൾഡ് മലയാളി ഫെഡറേഷന് ഉജ്‌ജ്വല തുടക്കം.......

Africa

ഉഗാണ്ടയിൽ വേൾഡ് മലയാളി ഫെഡറേഷന് ഉജ്‌ജ്വല തുടക്കം

Back To NRI Home Forward This News Click here for detailed news of all items

കംപാല: ആഗോള മലയാളികളെ സൗഹൃദത്തിന്റെയും കാരുണ്യത്തിന്റെയും ഒരുമയുടെയും കുടകീഴിൽ അണിനിരത്തുക എന്ന ലക്ഷ്യത്തോടെ രൂപീകൃതമായ വേൾഡ് മലയാളി ഫെഡറേഷന് (ഡബ്ല്യുഎംഎഫ്) ഉഗാണ്ടയുടെ മണ്ണിൽ മികച്ച തുടക്കം. നിലവിൽ കേരളസമാജം എന്ന ഒരേ ഒരു പ്രാദേശിക സംഘടന മാത്രമാണ് രാജ്യത്ത് മലയാളികൾക്ക് വേണ്ടി പ്രവർത്തിക്കുന്നത്. കേരളസമാജവുമായി സഹകരിച്ച് ഡബ്ല്യുഎംഎഫ് എത്തുന്നത് ഉഗാണ്ട മലയാളികളെ ആഗോള മലയാളി സമൂഹവുമായിട്ടു നേരിട്ട് ബന്ധിപ്പിക്കുക എന്ന ലക്ഷ്യത്തോടെയാണ്.

രാജ്യ തലസ്‌ഥാനമായ കമ്പാലയിൽ കൂടിയ യോഗത്തിൽ ഡബ്ല്യുഎംഎഫ് ഗ്ലോബൽ കോഓർഡിനേറ്റർ പ്രിൻസ് പള്ളിക്കുന്നേൽ വിശിഷ്‌ടാതിഥിയായിരുന്നു. കേരളസമാജം സെക്രട്ടറി കെ.എസ്. ഷൈൻ അധ്യക്ഷത വഹിച്ചു. സുധീഷ് സുരേന്ദ്രൻ, സുരേന്ദ്ര ബാബു എന്നിവർ പ്രസംഗിച്ചു. തുടർന്ന് ഡബ്ല്യുഎംഎഫ് ഉഗാണ്ട പ്രൊവിൻസിനുവേണ്ടി കെ.എസ്. ഷൈൻ കൺവീനറായി ഒരു അഡ്ഹോക് കമ്മിറ്റിയെ തെരഞ്ഞെടുത്തു. രണ്ടു മാസങ്ങൾക്കകം നിയുക്‌ത കമ്മിറ്റി രാജ്യത്തെ മലയാളികളെ ഒരുമിച്ചു ചേർത്ത് പ്രാധാന ഭാരവാഹികളെ തെരഞ്ഞെടുക്കും. നിലവിലെ കോഓർഡിനേറ്റർ സുധീഷ് സുരേന്ദ്രൻ (ജോയിന്റ് കൺവീനർ), പി.കെ. കൃഷ്ണദാസ്, പി. സുരേന്ദ്രൻ ബാബു, കെ.പി. ഹരീഷ്കുമാർ, പിയൂഷ് പിള്ള, ദീപു മാത്തുക്കുട്ടി ജോൺ, വർഗീസ് ഫിലിപ്പോസ്, മുഹമ്മദ് നിസാം എന്നിവരടങ്ങിയ കമ്മിറ്റി അംഗങ്ങളേയും യോഗത്തിൽ തെരഞ്ഞെടുത്തു.

റിപ്പോർട്ട്: ജോബി ആന്റണി

ബ്രിക്സ് മന്ത്രിതല യോഗത്തില്‍ പങ്കെടുക്കാൻ ജയശങ്കര്‍ ദക്ഷിണാഫ്രിക്കയിൽ.

കേപ്ടൗൺ: കേപ്ടൗണില്‍ നടക്കുന്ന ബ്രിക്സ് വിദേശകാര്യ മന്ത്രിമാരുടെ യോഗത്തില്‍ പങ്കെടുക്കാൻ ഇന്ത്യൻ വിദേശകാര്യ മന്ത്രി എസ

ഒടുവിൽ മോചനം! നൈജീരിയന്‍ നാവികസേന തടവിലാക്കിയ കപ്പല്‍ ജീവനക്കാരെ വിട്ടയച്ചു.

അബുജ: നൈജീരിയന്‍ നാവികസേന തടവിലാക്കിയ എണ്ണക്കപ്പല്‍ ജീവനക്കാരെ മോചിപ്പിച്ചു.

ദക്ഷിണാഫ്രിക്കയിൽ കോളറ പടരുന്നു; 15 പേർ മരിച്ചു.

പ്രിട്ടോറിയ: ദക്ഷിണാഫ്രിക്കയിലെ ഗുവാത്തെംഗ് പ്രവിശ്യയിൽ കോളറ ബാധിച്ച് 15 പേർ മരിച്ചു.

മലാവി ബോട്ട് അപകടം: മരണം ഏഴായി.

ലിലോംഗ്‌വെ: മലാവിയിൽ ഹിപ്പൊപൊട്ടാമസിനെ ഇടിച്ചുണ്ടായ ബോട്ട് അപകടത്തിൽ മരിച്ചവരുടെ എണ്ണം ഏഴായി.

മലാവിയിൽ ഹിപ്പൊപൊട്ടാമസിനെ ഇടിച്ച് ബോട്ട് മറിഞ്ഞു; ഒരു മരണം, 23 പേരെ കാണാതായി.

ലിലോംഗ്‌വെ: മലാവിയിൽ ബോട്ട് ഹിപ്പൊപൊട്ടാമസിന്‍റെ ശരീരത്തിൽ തട്ടിമറിഞ്ഞ് ഒരു വയസുകാരനായ കുട്ടി മരിച്ചു.