Deepika.com Nri News :ലോകത്തിലെ ഏറ്റവും മികച്ച ആഢംബര ഹോട്ടലിന്റെ ദിവസ വാടക 14 ലക്ഷം രൂപ.......

Europe

ലോകത്തിലെ ഏറ്റവും മികച്ച ആഢംബര ഹോട്ടലിന്റെ ദിവസ വാടക 14 ലക്ഷം രൂപ

Back To NRI Home Forward This News Click here for detailed news of all items

ഫ്രാങ്ക്ഫർട്ട്–മിലാൻ: ഒരു രാത്രി ഹോട്ടലിൽ അന്തിയുറങ്ങാൻ 14 ലക്ഷം രൂപ. ഇറ്റലിയിലെ മിലാനിലുള്ള ഇക്സെൽസീർ ഹോട്ടൽ ഗാലിയയിൽ ആണ് ഒരു ദിവസത്തെ ആഡംബര താമസത്തിന് ഇത്രയും തുക ഇടാക്കുന്നത്. ലോക ട്രാവൽ അവാർഡിന്റെ 2016 വർഷത്തെ ഏറ്റവും മികച്ച ഹോട്ടൽ വിഭാഗത്തിനുള്ള അവാർഡ് നേടിയ ഹോട്ടൽ ആണ് മിലാൻ ഇക്സെൽസീർ.

തുടർച്ചയായ രണ്ടാം തവണയാണ് ലോകത്തിലെ ഏറ്റവും മികച്ച ഹോട്ടലിനുള്ള പുരസ്കാരം ഇക്സെൽസീർ സ്വന്തമാക്കുന്നത്. ഇവിടുത്തെ ഏറ്റവും ഉയർന്ന സ്യൂട്ടായ ഗ്രാൻഡ് ലക്ഷ്വറി സ്യൂട്ടിൽ ഒരു ദിവസത്തിന് പതിനാല് ലക്ഷം രൂപയാണ് ഇടാക്കുന്നത്. ഇവിടുത്തെ സാധാരണ മുറിക്ക് ഒരു ദിവസത്തെ വാടക 17,000 രുപയാണ് ചാർജ്. സ്വകാര്യത ആവശ്യമുള്ള സന്ദർശകർക്ക് ലക്ഷ്വറി സ്യൂട്ടിൽ സ്വകാര്യ ലിഫ്റ്റ് സൗകര്യം ഒരുക്കിയിട്ടുണ്ട്.

നാല് മുറികൾ ആണ് ഒരു സ്യൂട്ടിൽ ഉള്ളത്, ഒരു സ്വകാര്യ മട്ടുപ്പാവ്, സ്വകാര്യ സ്പാ എന്നിവയുമുണ്ട്. ലക്ഷ്വറി സ്യൂട്ടായ കത്താറ സ്യൂട്ടിലെ ജാലകങ്ങൾ എല്ലാം ബുള്ളറ്റ് പ്രൂഫാണ്. ഇറ്റാലിയൻ ശൈലിയിലുള്ള ഇന്റീരിയർ ഡിസൈനുകളാണ് ഹോട്ടലിൽ നിർമിച്ചിരിക്കുന്നത്. യോഗങ്ങൾ നടത്താനുള്ള കോൺഫറൻസ് മുറി, 10 മീറ്റർ തീൻമേശ എന്നീ സൗകര്യങ്ങളും ഹോട്ടലിലുണ്ട്. സ്യൂട്ട് പാക്കേജുകൾ ഉൾപ്പെടെ 24 മണിക്കൂറും സേവനം ലഭ്യമാണ്. സ്യൂട്ടുകളിൽ രണ്ട് മട്ടുപ്പാവുകളും ഡൈനിംഗ് ഏരിയയും ഒരുക്കിയിട്ടുണ്ട്. ഇവയ്ക്കു പുറമെ സ്വകാര്യ സ്പാ, ടർക്കിഷ് ബാത്ത് എന്നീ സൗകര്യങ്ങളും ഉണ്ട്.

ഒരിക്കൽ തങ്ങളുടെ രാജകീയവിരുന്നു ആസ്വദിക്കുന്നവർക്ക് അത് ജീവിതത്തിൽ ഒരിക്കലും മറക്കാൻ കഴിയാത്ത അനുഭവം ആയിരിക്കുമെന്നാണ് ഹോട്ടൽ അധികൃതർ അവകാശപ്പെടുന്നത്.

റിപ്പോർട്ട്: ജോർജ് ജോൺ

റോഡപകടങ്ങൾ കുത്തനെ ഉയർന്നു; അയർലൻഡിൽ വാഹനപരിശോധന കർശനമാക്കി.

ഡബ്ലിൻ: റോഡപകടങ്ങൾ കുത്തനെ ഉയർന്ന സാഹചര്യത്തിൽ അയർലൻഡിൽ അധികൃതർ വാഹന പരിശോധന കർശനമാക്കി.

ഐഒസി യുകെ സംഘടിപ്പിക്കുന്ന പ്രചാരണ കാമ്പയിൻ ശനിയാഴ്ച; ഉദ്ഘാടകൻ എം. ലിജു.

ലണ്ടൻ: യുഡിഎഫ് സ്ഥാനാർഥികളുടെ പ്രചാരണാർഥം ഐഒസി യുകെ സംഘടിപ്പിക്കുന്ന മുഴുദിന പ്രചാരണ കാമ്പയിൻ "എ ഡേ ഫോർ ഇന്ത്യ' ശന

അയര്‍ലൻഡിലെ സത്ഗമയ വിഷു ആഘോഷം പ്രൗഢഗംഭീരമായി.

ഡബ്ലിൻ: വിഷുദിനത്തിൽ പരമ്പരാഗത രീതിയിൽ ഒട്ടുരുളിയിൽ ഒരുക്കിയ സമൃദ്ധിയേയും കണ്ണനാം ഉണ്ണിയേയും കൺനിറയെ കണ്ട്, കൈപ

ഗ്രീസില്‍ മഹാസമുദ്രം സമ്മേളനം നടന്നു.

ആഥന്‍സ്: മനുഷ്യപ്രവര്‍ത്തനങ്ങള്‍ മൂലമുണ്ടാകുന്ന നാശനഷ്ടങ്ങളില്‍ നിന്ന് ലോക സമുദ്രങ്ങളെ സംരക്ഷിക്കാന്‍ യൂറോപ്യന്‍

ബേസിംഗ്സ്റ്റോക്ക് നൈറ്റ് വിജിൽ "എഫാത്താ' വെള്ളിയാഴ്ച; ഫാ. ജോസഫ് കണ്ടത്തിപ്പറമ്പിൽ ശുശ്രൂഷകൾ നയിക്കും.

ബേസിംഗ് സ്റ്റോക്ക്: ഗ്രേറ്റ് ബ്രിട്ടൻ സീറോ മലബാർ രൂപതയുടെ കീഴിലുള്ള സെന്‍റ് അഗസ്റ്റിൻസ് പ്രൊപ്പോസ്ഡ് മിഷൻ ആതിഥേയത്വം വഹ