Deepika.com Nri News :ജർമനിയിൽ കൊടുങ്കാറ്റും വെള്ളപ്പൊക്കവും മഞ്ഞുവീഴ്ചയും ശക്‌തമായി.......

Europe

ജർമനിയിൽ കൊടുങ്കാറ്റും വെള്ളപ്പൊക്കവും മഞ്ഞുവീഴ്ചയും ശക്‌തമായി

Back To NRI Home Forward This News Click here for detailed news of all items

ബർലിൻ: ശക്‌തമായ കൊടുങ്കാറ്റിനെത്തുടർന്ന് ജർമനിയിൽ ആകമാനം പ്രതികൂല കാലാവസ്‌ഥ. രാജ്യത്തിന്റെ വടക്കൻ പ്രദേശങ്ങൾ പ്രളയക്കെടുതിയിലായപ്പോൾ, തെക്കൻ ഭാഗങ്ങളിൽ മഞ്ഞു വീഴ്ച കനത്തു.

ആക്സൽ കൊടുങ്കാറ്റാണ് പൊടുന്നനെ കാലാവസ്‌ഥ ദുഷ്കരമാകാൻ കാരണം. ബുധനാഴ്ച മുഴുവൻ രാജ്യത്തുടനീളം ഈ അവസ്‌ഥ തുടർന്നു. ഹാംബുർഗ് ഹാർബറിൽ നേരത്തെ തന്നെ വെള്ളപ്പൊക്കമായിരുന്നത് ഇതോടെ രൂക്ഷമായി.ബാൾട്ടിക് സമുദ്രത്തിൽ വേലിയേറ്റം അതിരൂക്ഷമാണ്. രണ്ട് മീറ്ററോളം ഉയരത്തിൽ ജലനിരപ്പ് ഉയർന്നിട്ടുണ്ട്.

123 കിലോ മീറ്റർ വേഗതയിലാണ് കൊടുംങ്കാറ്റ് ആഞ്ഞടിച്ചത്. താഴ്ന്ന പ്രദേശങ്ങളിൽ വെള്ളം കയറി. വീടുകൾ, വാഹനങ്ങൾ തുടങ്ങിയവ വെള്ളത്തിലായി. നിരവധി വാഹനങ്ങൾ വെള്ളത്തിൽ ഒലിച്ചു പോയി. കോടികളുടെ നഷ്‌ടമുണ്ടായതായി കണക്കാക്കപ്പെടുന്നു.

കഴിഞ്ഞ പത്തു വർഷത്തിനിടയിലെ ഏറ്റവും രൂക്ഷമായ പ്രളയമാണിതെന്നാണ് ഫെഡറൽ മാരിടൈം ഏജൻസിയുടെ അറിയിപ്പിൽ പറയുന്നത്. മധ്യജർമനിയിലെ ഏറ്റവും ഉയർന്ന പർവതമായ ബ്രോക്കനിൽ ചുഴലിക്കാറ്റും റിപ്പോർട്ട് ചെയ്തു.

പുതുവർഷത്തെ വരവേറ്റ് ജർമനിയിൽ മഞ്ഞു വീഴ്ച ശക്‌തമായി. നോർത്ത് റൈൻ വെസ്റ്റ്ഫാലിയ, സാക്സണി, സാക്സണി–അൻഹാൾട്ട്, തുരിംഗൻ ബർലിൻ, ബ്രാൻഡൻബുർഗ് എന്നിവിടങ്ങളിലാണ് മഞ്ഞു വീഴ്ച ഏറ്റവും കനത്തത്. ജർമനിയിൽ മഞ്ഞുവീഴ്ചയെ തുടർന്നുള്ള അപകടത്തിൽ ഇതിനോടകം അഞ്ചു പേർക്ക് ജീവഹാനി സംഭവിച്ചതായാണ് റിപ്പോർട്ട്.

ജനുവരി ഒന്നുമുൽ മഞ്ഞു പെയ്യുന്ന സ്‌ഥിതിയാണ് പലടിയങ്ങളിലും. നോർത്ത്റൈൻ വെസ്റ്റ്ഫാലിയയിൽ ഇതു റോഡ് ഗതാഗതം അപകടകരമാക്കുകയും ചെയ്തു. ഇത്ര വലിയ മഞ്ഞുവീഴ്ച പ്രതീക്ഷിക്കാതെയാണ് പലരും വാഹനങ്ങളുമായി നിരത്തിലിറങ്ങിയത്. മൂടൽമഞ്ഞുമൂലം വാഹനാപകടങ്ങളും നിത്യ സംഭവമായി മാറുന്നു.

വരുന്ന ദിവസങ്ങളിലും ഇവിടെ കനത്ത മഞ്ഞുവീഴ്ച തുടരുമെന്നാണ് കാലാവസ്‌ഥാ നിരീക്ഷകരുടെ മുന്നറിയിപ്പ്. വാരാന്ത്യത്തിൽ താപനില ജർമനിയിൽ മൈനസ് 26 വരെ താഴാൻ ഇടയുണ്ടെന്നാണ് പ്രവചനം.

മറ്റു യൂറോപ്യൻ രാജ്യങ്ങളിലും കനത്ത മഞ്ഞുവീഴ്ചയുണ്ട്. ഓസ്ട്രിയ, സ്വിറ്റ്സർലൻഡ് സ്വീഡൻ, ഡെൻമാർക്ക് തുടങ്ങിയ രാജ്യങ്ങളും ശൈത്യത്തിന്റെ പിടിയിലായി.

റിപ്പോർട്ട്: ജോസ് കുമ്പിളുവേലിൽ

റെയിൽവേ സ്റ്റേഷനുകളിൽ കഞ്ചാവ് ഉപയോഗം നിരോധിച്ച് ജർമനി.

ബെര്‍ലിന്‍: ജർമനിയിൽ കഞ്ചാവ് ഉപയോഗം നിയമവിധേയമാക്കിയെങ്കിലും റെയിൽവേ സ്റ്റേഷനുകളിൽ കഞ്ചാവ് ഉപയോഗം നിരോധിച്ച് റെ

ഗ്രേറ്റ് ബ്രിട്ടൻ രൂപത സംയുക്ത പാസ്റ്ററൽ കൗൺസിൽ സമ്മേളനം ശനിയാഴ്ച ലെസ്റ്ററിൽ.

ബർമിംഗ്ഹാം: ഗ്രേറ്റ് ബ്രിട്ടൻ സീറോമലബാർ രൂപതയിലെ മുൻപുണ്ടായിരുന്ന അഡ്‌ഹോക് പാസ്റ്ററൽ കൗൺസിൽ അംഗങ്ങളുടെയും പുതുതാ

പ്രവാസികൾക്കുവേണ്ടിയുള്ള യൂറോപ്യൻ ഡാന്‍സ് ഫെസ്റ്റ് ജൂൺ ഒന്നിന് വിയന്നയിൽ.

വിയന്ന: കൈരളി നികേതന്‍ വിയന്നയുടെ ആഭിമുഖ്യത്തില്‍ പ്രവാസി മലയാളികൾക്ക് വേണ്ടി സംഘടിപ്പിക്കുന്ന യൂറോപ്യൻ ഗ്രൂപ്പ് ഡാ

ബിഎംകെഎ സംഘടിപ്പിക്കുന്ന ഈസ്റ്റർ വിഷു ആഘോഷം ശനിയാഴ്ച.

ബെഡ്ഫോർഡ്: ബെഡ്‌ഫോർഡ്ഷയറിലെ പ്രമുഖ മലയാളി സംഘടനയായ "ബെഡ്ഫോർഡ് മാസ്റ്റൺ കേരള അസോസിയേഷൻ' ഒരുക്കുന്ന ഈസ്റ്റർ വിഷ

വാട്ടർഫോർഡിൽ മേയ് ദിനാഘോഷം സംഘടിപ്പിക്കുന്നു.

ഡബ്ലിൻ: വാട്ടർഫോർഡിൽ മേയ് ദിനാഘോഷ പരിപാടി സംഘടിപ്പിക്കുന്നു.