Deepika.com Nri News :കൊളോണിൽ ഇന്ത്യൻ കൂട്ടായ്മ ക്രിസ്മസ് ആഘോഷിച്ചു.......

Europe

കൊളോണിൽ ഇന്ത്യൻ കൂട്ടായ്മ ക്രിസ്മസ് ആഘോഷിച്ചു

Back To NRI Home Forward This News Click here for detailed news of all items

കൊളോൺ: ജർമനിയിലെ കൊളോൺ അതിരൂപതയിലെയും എസൻ, ആഹൻ എന്നീ രൂപതകളിലെയും ഇന്ത്യക്കാരുടെ കൂട്ടായ്മയായ കൊളോണിലെ ഇന്ത്യൻ കമ്യൂണിറ്റിയുടെ ആഭിമുഖ്യത്തിൽ ഉണ്ണിയേശുവിന്റെ ജനനത്തിരുനാൾ ആഘോഷിച്ചു. ഡിസംബർ 25ന് വൈകുന്നേരം നാലിന് കൊളോൺ മ്യൂൾഹൈമിലെ ലീബ്ഫ്രൗവൻ ദേവാലയത്തിൽ നടന്ന തിരുക്കർമങ്ങൾക്ക് കമ്യൂണിറ്റി ചാപ്ളെയിൻ ഫാ.ഇഗ്നേഷ്യസ് ചാലിശേരി സിഎംഐ മുഖ്യകാർമികത്വം വഹിച്ച് സന്ദേശം നൽകി. യൂത്ത്കൊയറിന്റെ ഭക്‌തിനിർഭരമായ ഗാനാലാപനം ദിവ്യബലിയെ സജീവമാക്കി. ഫാ. ചാൾസ്(ചെന്നൈ), ജിം ജോർജ് വടക്കിനേത്ത്, ജെൻസ്, ജോയൽ കുമ്പിളുവേലിൽ, ജോയി കാടൻകാവിൽ എന്നിവർ ദിവ്യബലിയിൽ ശുശ്രൂഷികളായി.

തുടർന്ന് പാരീഷ് ഹാളിൽ മധുരം പങ്കുവയ്ക്കലും വിവിധ കലാപരിപാടികളും നടന്നു. കൊച്ചുകുരുന്നുകൾ അവതരിപ്പിച്ച നേറ്റിവിറ്റിപ്ളേ, യംഗ് ഫാമിലി ടീം അവതരിപ്പിച്ച കരോൾ ഗാനം, ഗെസാങ് ഗ്രൂപ്പിന്റെ സംഘഗാനം, ആൺകുട്ടികളുടെ ബ്രേക്ക് ഡാൻസ്, ഇഷാനി, മായ, നേഹ, അഡോണ, പ്രാർഥന എന്നിവരുടെ ബോളിവുഡ് നൃത്തം തുടങ്ങിയവ ആഘോഷത്തിന്റെ ഭാഗമായിരുന്നു. ക്രിസ്മസ് പപ്പയായി വേഷമിട്ട തോമസ് അറമ്പൻകുടി കുട്ടികൾക്ക് സമ്മാനങ്ങൾ നൽകി. ഹാനോ മൂർ നേതൃത്വം നൽകി നടത്തിയ തംബോലയിൽ വിജയികളായവർക്കും പരിപാടിയിൽ പങ്കെടുത്ത കുരുന്നുകൾക്കും ഫാ. ഇഗ്നേഷ്യസ് സമ്മാനങ്ങൾ വിതരണം ചെയ്തു.

ജോസ്ന വെമ്പാനിക്കൽ, സോൾജി പുത്തൻപുരയ്ക്കൽ എന്നിവർ പരിപാടികൾ മോഡറേറ്റ് ചെയ്തു. കമ്യൂണിറ്റിയിലെ യംഗ് ഫാമിലി ഗ്രൂപ്പിന്റെ നേതൃത്വത്തിലാണ് ക്രിസ്മസ് പരിപാടികൾ കോഓർഡിനേറ്റു ചെയ്തത്. ഷീബ കല്ലറയ്ക്കൽ, തോമസ് അറമ്പൻകുടി, ആന്റു സഖറിയ, സൂസി കോലത്ത് എന്നിവർ പരിപാടികൾക്ക് നേതൃത്വം നൽകി.

റിപ്പോർട്ട്: ജോസ് കുമ്പിളുവേലിൽ

മഞ്ഞുമലയിൽ കുടുങ്ങിയ മലയാളി യുവാവിനെ രക്ഷപ്പെടുത്തി ഇറ്റാലിയൻ വ്യോമസേന.

റോം: ഇറ്റലിയിൽ മഞ്ഞുമലയിൽ കുടുങ്ങിയ മലയാളി യുവാവിനെ രാജ്യത്തെ വ്യോമസേനയുടെ സമയോചിതമായ ഇടപെടലിലൂടെ രക്ഷപ്പെടു

ഇറാനിലേക്കുള്ള വിമാന സർവീസുകൾ നിർത്തിവച്ച് ലുഫ്താൻസയും ഓസ്ട്രിയൻ എയർലൈൻസും.

ബെർലിൻ: ഇറാന്‍റെ തലസ്ഥാനമായ ടെഹ്റാനിലേക്കുള്ള വിമാനങ്ങൾ ലുഫ്താൻസയും ഓസ്ട്രിയൻ എയർലൈൻസും താത്കാലികമായി നിർത്തിവ

ഹാപ്പി ബർത്ത്ഡേ ഫാറ്റു! ലോകത്തിലെ ഏറ്റവും പ്രായമേറിയ ഗോറില്ലയുടെ പിറന്നാൾ ആഘോഷമാക്കി ബർലിൻ.

ബെർലിൻ: ലോകത്തിലെ ഏറ്റവും പ്രായം കൂടിയ ഗൊറില്ലയായ ഫാറ്റുവിന് 67 വയസ് തികഞ്ഞു.

ഡെൽറ്റസിനെ റോമിൽ ആദരിച്ചു.

റോം: ഇന്ത്യ ഇറ്റാലിയൻ സാംസ്കരിക സംഘടനയായ "തിയത്രോ ഇന്ത്യനോ റോമാ' ലോകനാടകദിനത്തിന്‍റെ ഭാഗമായി നടത്തിയ പരിപാടിയിൽ

കോഴി കൂവട്ടെ, പശു അമറട്ടെ; ഫ്രാന്‍സിൽ ഇനി കേസില്ല.

പാരീസ്: പശുക്കൾ അമറുന്നതിനും കോഴികള്‍ കൂവുന്നതിനുമെതിരേ കേസെടുക്കാൻ പറ്റില്ലെന്ന നിയമം പാസാക്കി ഫ്രാൻസ്.