Deepika.com Nri News :സൂറിച്ചിലെ ഇസ്ലാമിക് സെന്ററിൽ വെടിവെപ്പ്: മുന്നു പേർക്ക് ഗുരുതര പരിക്ക്.......

Europe

സൂറിച്ചിലെ ഇസ്ലാമിക് സെന്ററിൽ വെടിവെപ്പ്: മുന്നു പേർക്ക് ഗുരുതര പരിക്ക്

Back To NRI Home Forward This News Click here for detailed news of all items

സൂറിച്ച്: നഗര പരിസരത്തെ ഇസ്ലാമിക് സെന്ററിൽ നിസ്കാരത്തിനിടയിൽ അജ്‌ഞാതൻ നടത്തിയ വെടിവയ്പിൽ മുന്നു പേർക്ക് ഗുരുതരമായി പരുക്കേറ്റു. അക്രമി ഒളിവിലാണ്. അപകടസ്‌ഥലത്തു നിന്നും 300 മീറ്റർ അകലെ ഒരു പുരുഷ ജഡവും കണ്ടെത്തി. രക്‌തം പുരണ്ട റിവോൾവറും ജഡത്തിനു സമീപത്തു നിന്നും കണ്ടെത്തിയെങ്കിലും, ഇതിനു വെടിവയ്പുമായി എന്തെങ്കിലും ബന്ധമുണ്ടോന്ന് പോലീസ് സ്‌ഥിരീകരിച്ചിട്ടില്ല.

സോമാലിയ, ഏറിറ്റീരിയ, മഗ്രെബ് എന്നി ആഫ്രിക്കൻ രാജ്യങ്ങളിൽനിന്നുള്ള കുടിയേറ്റക്കാരായ ഇസ്ലാം മതവിശ്വാസികൾ, ഇസ്ലാമിക് കൾച്ചറൽ സെന്ററും, മോസ്കുമായി ഉപയോഗിച്ച് വരുന്ന കെട്ടിടത്തിൽ തിങ്കളാഴ്ച വൈകിട്ട് അഞ്ചരയ്ക്കു നിസ്കാരം നടന്നുകൊണ്ടിരിക്കുമ്പോളായിരുന്നു വെടിവയ്പ്പ്.

നിസ്കാര ഹാളിലേക്കു കടന്നുവന്ന ഏകദേശം 30 വയസുള്ള ആയുധധാരി നിരത്തി വെടിവെക്കുകയായിരുന്നു എന്ന് സൂറിച്ച് സിറ്റി പോലീസ് പറഞ്ഞു. പല റൗണ്ട് വെടിവെച്ച ശേഷം കടന്നുകളഞ്ഞ അക്രമിയെ കണ്ടുപിടിക്കാൻ പോലീസ് പ്രദേശം മുഴുവൻ വളഞ്ഞു ശ്രമിച്ചെങ്കിലും ഇതുവരെ കഴിഞ്ഞിട്ടില്ല. ദേഹം മുഴുവൻ മൂടിയ ഇരുണ്ട വസ്ത്രവും, തലയിൽ രോമത്തൊപ്പിയും ധരിച്ചു വന്ന അക്രമി വെളുത്ത വർഗക്കാരനാണോ, ആഫ്രിക്കൻ സ്വദേശിയൊ എന്നും വ്യക്‌തമല്ല. പുറമെനിന്നും ഉള്ള ആളെന്നാണു ഇസ്ലാമിക് സെന്ററിലുള്ളവർ പറയുന്നത്.

വെടിവയ്പ്പിൽ ഗുരുതരമായി പരിക്കേറ്റ ആഫ്രിക്കൻ സ്വദേശികളായ മുന്നു പുരുഷന്മാരെ ആശുപത്രിയിൽ പ്രവേശിപ്പിച്ചു. ഇവർക്ക് 30,35,56 എന്നിങ്ങനെയാണ് പ്രായം. അത്യാസന്ന നില ഇവർ തരണം ചെയ്യുമോ എന്ന് പറയാറായിട്ടില്ല. സമീപത്തു നിന്നും പോലീസ് ആയുധവുമായി കണ്ടെടുത്ത പുരുഷ ജഡത്തെ ചുറ്റിപ്പറ്റിയും അന്വേഷണം നടക്കുന്നു. ഇതു ഇസ്ലാമിക് സെന്റർ ആക്രമിച്ച വ്യക്‌തിയുടേതാണോ എന്നാണു പ്രധാനമായും പോലീസ് അന്വേഷിക്കുന്നത്.

റിപ്പോർട്ട്: ടിജി മറ്റം

യുകെയിൽ മലയാളി നഴ്സ് മരിച്ചനിലയിൽ.

ലണ്ടൻ: യുകെയിൽ മലയാളി നഴ്സിനെ വീടിനുള്ളിൽ മരിച്ചനിലയിൽ കണ്ടെത്തി.

സ്കോട്‌ലൻഡിൽ ഇന്ത്യൻ വിദ്യാർഥികൾ മുങ്ങിമരിച്ചു.

ലണ്ടൻ: സ്കോട്‌ലൻഡിലെ വെള്ളച്ചാട്ടത്തിൽ വീണ് രണ്ട് ഇന്ത്യൻ വിദ്യാർഥികൾ മുങ്ങിമരിച്ചു.

റഷ്യയ്ക്ക് വേണ്ടി ചാരപ്രവൃത്തി നടത്തി; ജര്‍മനിയിൽ രണ്ട് പേർ അറസ്റ്റിൽ.

ബെര്‍ലിന്‍: റഷ്യയ്ക്ക് വേണ്ടി ചാരപ്രവൃത്തി നടത്തിയെന്ന് സംശയിക്കുന്ന രണ്ട് പേരെ ജര്‍മന്‍ പോലീസ് അറസ്റ്റ് ചെയ്തു.

യുകെയിലെ ക്നാനായ കുടുംബങ്ങൾ ബർമിംഗ്ഹാമിലേക്ക്; കുടുംബ സംഗമം ഇന്ന്.

ബർമിംഗ്ഹാം: ക്നാനായ കാത്തലിക് മിഷൻ യുകെയുടെ നേതൃത്വത്തിൽ നടക്കുന്ന കുടുംബ സംഗമം " വാഴ്‌വ് 24' ഇന്ന് ബർമിംഗ്ഹാമിൽ നട

റോഡപകടങ്ങൾ കുത്തനെ ഉയർന്നു; അയർലൻഡിൽ വാഹനപരിശോധന കർശനമാക്കി.

ഡബ്ലിൻ: റോഡപകടങ്ങൾ കുത്തനെ ഉയർന്ന സാഹചര്യത്തിൽ അയർലൻഡിൽ അധികൃതർ വാഹന പരിശോധന കർശനമാക്കി.