Deepika.com Nri News :ഡിജിറ്റലൈസേഷൻ: സ്വിറ്റ്സർലൻഡിൽ ബാങ്ക്, പോസ്റ്റ് ശാഖകൾക്ക് പൂട്ടു വീഴുന്നു.......

Europe

ഡിജിറ്റലൈസേഷൻ: സ്വിറ്റ്സർലൻഡിൽ ബാങ്ക്, പോസ്റ്റ് ശാഖകൾക്ക് പൂട്ടു വീഴുന്നു

Back To NRI Home Forward This News Click here for detailed news of all items

സൂറിച്ച്: അടുത്ത അഞ്ചു വർഷത്തിനുള്ളിൽ ഒട്ടനവധി ബാങ്ക്, പോസ്റ്റ് ഓഫീസ് ശാഖകൾ സ്വിറ്റസർലൻഡിൽ നിന്നും അപ്രത്യക്ഷമാകും. 2020 ആകുമ്പോഴേക്കും 600 പോസ്റ്റ് ബ്രാഞ്ചുകൾ പൂട്ടുമെന്ന പ്രഖ്യാപനം വന്നതിനുപുറകെ, വരുന്ന അഞ്ചു വർഷത്തിനുള്ളിൽ 170 ശാഖകൾ നിർത്തലാക്കുമെന്ന് പ്രമുഖ ബാങ്ക് ശൃംഖലയായ റൈഫ്അയിസനും പ്രഖ്യാപിച്ചു. ഇഎഫ്ജി ഇൻവെസ്റ്റ്മെന്റ് പോലുള്ള ഇൻവെസ്റ്റ്മെന്റ് ബാങ്കുകളും ബ്രാഞ്ചുകൾ പൂട്ടുമെന്ന് മുന്നറിയിപ്പ് നൽകിയിട്ടുണ്ട്.

നിലവിലുള്ള 1400 പോസ്റ്റ് ഓഫീസുകളുടെ സ്‌ഥാനത്ത് 2020ൽ 800 എണ്ണം മാത്രമേ കാണൂ എന്നാണ് സ്വിസ് പോസ്റ്റ് പറയുന്നത്. 1200 ഓളം പേർക്ക് തൊഴിൽ നഷ്‌ടമാവും. രണ്ടായിരത്തിനുശേഷം പോസ്റ്റ് ഓഫീസ് കൗണ്ടറുകളിൽ തിരക്ക് ഓരോ വർഷവും കുറഞ്ഞുകൊണ്ടിരിക്കുന്നു. തപാൽ 63 ശതമാനം പാക്കറ്റ് 42 ശതമാനം, പണമിടപാട് 37 ശതമാനം എന്നിങ്ങനെയാണ് കച്ചവടം കുറഞ്ഞതിന്റെ കണക്കുകൾ.

ബാങ്ക് കൗണ്ടറുകളിലും സ്‌ഥിതി വ്യത്യസ്തമല്ല. ഇടപാടിൽ 40 ശതമാനത്തിന്റെ കുറവുണ്ടായെന്നും പണം എടുക്കുന്നത് 90 ശതമാനവും ബാങ്ക് ഓട്ടോമാറ്റിക് മെഷീനിൽനിന്നാണെന്നും വിവിധ ബാങ്കുകൾ കണക്കുകൾ നിരത്തി സാക്ഷ്യപ്പെടുത്തുന്നു. 970 ബ്രാഞ്ചുകൾ ഉള്ളത്, അടുത്ത അഞ്ചു വർഷം കൊണ്ട് 800 ലേക്ക് കുറക്കുമ്പോൾ, 500 ൽ അധികം റൈഫ്ഐസൻ ബാങ്ക് ജീവനക്കാർക്ക് തൊഴിൽ നഷ്‌ടപ്പെടും. വിവിധ കൺടോനാൽ ബാങ്കുകളും ക്രെഡിറ്റ് സുയിസിയും ശാഖകളുടെ എണ്ണം കുറയ്ക്കുമെന്ന് പ്രഖ്യാപിച്ചിട്ടുണ്ട്.

ഇടപാടുകൾ മിക്കതും ഡിജിറ്റൽവൽക്കരിക്കപ്പെട്ടതോടെ കൗണ്ടറുകളുടെ എണ്ണം കുറയ്ക്കുമെങ്കിലും ലോൺ, നിക്ഷേപ ബിസിനസ് ലക്ഷ്യമാക്കി കൺസൾട്ടിംഗ് വിഭാഗം സ്റ്റാഫിനെ നിലനിർത്തും. സ്വിസ് നാഷണൽ ബാങ്കിന്റെ കണക്ക് അനുസരിച്ച് 3213 ബാങ്ക് ശാഖകളാണ് രാജ്യത്ത് പ്രവർത്തിക്കുന്നത്. 2002–14 കാലഘട്ടത്തിൽ 13 ശതമാനം ബ്രാഞ്ചുകൾ പൂട്ടി. ഇൻവെസ്റ്റ്മെന്റ് ബാങ്കുകളും പരമ്പരാഗത ബാങ്കുകളുടെ പാതയിലാണ്. ഇഎഫ്ജി ഇൻവെസ്റ്റ്മെന്റിൽ മുന്നൂറ് പേർക്ക് തൊഴിൽ നഷ്‌ടപ്പെടും.

റിപ്പോർട്ട്: ടിജി മറ്റം

യുകെയിലെ ക്നാനായ കുടുംബങ്ങൾ ബർമിംഗ്ഹാമിലേക്ക്; കുടുംബ സംഗമം ഇന്ന്.

ബർമിംഗ്ഹാം: ക്നാനായ കാത്തലിക് മിഷൻ യുകെയുടെ നേതൃത്വത്തിൽ നടക്കുന്ന കുടുംബ സംഗമം " വാഴ്‌വ് 24' ഇന്ന് ബർമിംഗ്ഹാമിൽ നട

റോഡപകടങ്ങൾ കുത്തനെ ഉയർന്നു; അയർലൻഡിൽ വാഹനപരിശോധന കർശനമാക്കി.

ഡബ്ലിൻ: റോഡപകടങ്ങൾ കുത്തനെ ഉയർന്ന സാഹചര്യത്തിൽ അയർലൻഡിൽ അധികൃതർ വാഹന പരിശോധന കർശനമാക്കി.

ഐഒസി യുകെ സംഘടിപ്പിക്കുന്ന പ്രചാരണ കാമ്പയിൻ ശനിയാഴ്ച; ഉദ്ഘാടകൻ എം. ലിജു.

ലണ്ടൻ: യുഡിഎഫ് സ്ഥാനാർഥികളുടെ പ്രചാരണാർഥം ഐഒസി യുകെ സംഘടിപ്പിക്കുന്ന മുഴുദിന പ്രചാരണ കാമ്പയിൻ "എ ഡേ ഫോർ ഇന്ത്യ' ശന

അയര്‍ലൻഡിലെ സത്ഗമയ വിഷു ആഘോഷം പ്രൗഢഗംഭീരമായി.

ഡബ്ലിൻ: വിഷുദിനത്തിൽ പരമ്പരാഗത രീതിയിൽ ഒട്ടുരുളിയിൽ ഒരുക്കിയ സമൃദ്ധിയേയും കണ്ണനാം ഉണ്ണിയേയും കൺനിറയെ കണ്ട്, കൈപ

ഗ്രീസില്‍ മഹാസമുദ്രം സമ്മേളനം നടന്നു.

ആഥന്‍സ്: മനുഷ്യപ്രവര്‍ത്തനങ്ങള്‍ മൂലമുണ്ടാകുന്ന നാശനഷ്ടങ്ങളില്‍ നിന്ന് ലോക സമുദ്രങ്ങളെ സംരക്ഷിക്കാന്‍ യൂറോപ്യന്‍