Deepika.com Nri News :തുർക്കിയുടെ യൂറോപ്യൻ യൂണിയൻ പ്രവേശനം തടയും, ഓസ്ട്രിയൻ വിദേശകാര്യ മന്ത്രി.......

Europe

തുർക്കിയുടെ യൂറോപ്യൻ യൂണിയൻ പ്രവേശനം തടയും, ഓസ്ട്രിയൻ വിദേശകാര്യ മന്ത്രി

Back To NRI Home Forward This News Click here for detailed news of all items

വിയന്ന: തുർക്കിയുടെ യൂറോപ്യൻ യൂണിയൻ അംഗത്വ അപേക്ഷയ്ക്കെതിരെ ഓസ്ട്രിയ. തുർക്കിയുടെ യൂറോപ്യൻ യൂണിയൻ അംഗത്വ അപേക്ഷ പരിഗണിക്കുമ്പോൾ വീറ്റോ ചെയ്യുമെന്നു ഓസ്ട്രിയൻ വിദേശകാര്യ മന്ത്രി സെബാസ്റ്റ്യൻ കുർസ് വിയന്നയിൽ വ്യക്‌തമാക്കി.

അവസാന ആറു മാസങ്ങളിലെ തുർക്കിയിലെ സംഭവ വികാസങ്ങൾ ശ്രദ്ധിക്കേണ്ടതാണെന്നും ഒന്നും സംഭവിച്ചിട്ടില്ലെന്ന മട്ടിലുള്ള തുർക്കിയുടെ പ്രചാരണങ്ങൾ ജനാധിപത്യത്തിനു നിരക്കുന്നതല്ലെന്നും തന്മൂലം തുർക്കിയുടെ അംഗത്വ അപേക്ഷ ഉടനടി മരവിപ്പിക്കണമെന്ന ആവശ്യം ചൊവ്വാഴ്ച വിദേശകാര്യ മന്ത്രിമാരുടെ യോഗത്തിൽ ഉന്നയിക്കുമെന്നും, ഉടനടി തുർക്കിയുമായുള്ള ചർച്ചകൾ നിർത്തിവയ്ക്കണമെന്നാവശ്യപ്പെടുമെന്നും അദ്ദേഹം വ്യക്‌തമാക്കി.

യൂണിയൻ മന്ത്രിമാർ അതിനോട് യോജിക്കുന്നില്ലെങ്കിൽ തങ്ങൾ വീറ്റോ ചെയ്യുമെന്നും അദ്ദേഹം പറഞ്ഞു. ഓസ്ട്രിയൻ വിദേശകാര്യ മന്ത്രി സെബാസ്റ്റ്യൻ കുർസ് യൂറോപ്യൻ യൂണിയൻ തുർക്കിയുമായുള്ള അംഗത്വ ചർച്ചകൾ തുടരുകയാണെങ്കിൽ ഓസ്ട്രിയ ഇതിനെ വീറ്റോ ചെയ്യുമെന്ന കാര്യം വ്യക്‌തമാക്കിയത്.

പട്ടാള അട്ടിമറി ശ്രമത്തിനു ശേഷം തുർക്കിയിൽ നടക്കുന്ന മനുഷ്യാവകാശ ലംഘനങ്ങൾ തങ്ങൾ കണ്ടില്ലെന്നു നടിക്കുന്നില്ലെന്നും പടിഞ്ഞാറൻ ബാൽക്കൻ രാജ്യങ്ങളുമായി ഇതിനകം ഇക്കാര്യത്തിൽ ആശയവിനിമയം നടത്തിക്കഴിഞ്ഞുവെന്നും അദ്ദേഹം കൂട്ടിച്ചേർത്തു.

യൂറോപ്യൻ പാർലമെന്റ് തുർക്കിയുമായുള്ള ചർച്ചയ്ക്ക് നവംബറിൽ നിർത്തിവയ്ക്കുന്ന പ്രമേയം പാസാക്കിയിരുന്നു. ഇത് തുടരണമെന്ന ആവശ്യം മന്ത്രിതല സമ്മേളനത്തിൽ ആവശ്യപ്പെടുമെന്ന് അദ്ദേഹം വ്യക്‌തമാക്കി. ഇപ്പോൾ ചർച്ചകളുടെ ആവശ്യമില്ല. എന്നാൽ ഓസ്ട്രിയയുടെ നിർദേശത്തെ വളരെ കുറച്ചു മന്ത്രിമാരെ പിന്തുണയ്ക്കുന്നുള്ളൂ. ബൾഗേറിയയും നെധർലാൻഡും പിന്തുണ നൽകുന്നവരിൽപെടും.

ഓസ്ട്രിയ വിറ്റോ ചെയ്താൽ അത് ഒരു പ്രതീകാത്മക നടപടി മാത്രമാകും. പ്രത്യേകിച്ച് ഒരു പരിണിത ഫലവും ഉണ്ടാക്കില്ല. യൂറോപ്യൻ കമ്മീഷനോ യൂണിയൻ അംഗങ്ങളിൽ മൂന്നിലൊന്നോ അനുകൂല നിലപാടെടുത്തെങ്കിലെ ഇത് തടയാനാകൂ.

റിപ്പോർട്ട്: ഷിജി ചീരംവേലിൽ

ഐഒസി യുകെ സംഘടിപ്പിക്കുന്ന പ്രചാരണ കാമ്പയിൻ ശനിയാഴ്ച; ഉദ്ഘാടകൻ എം. ലിജു.

ലണ്ടൻ: യുഡിഎഫ് സ്ഥാനാർഥികളുടെ പ്രചാരണാർഥം ഐഒസി യുകെ സംഘടിപ്പിക്കുന്ന മുഴുദിന പ്രചാരണ കാമ്പയിൻ "എ ഡേ ഫോർ ഇന്ത്യ' ശന

അയര്‍ലൻഡിലെ സത്ഗമയ വിഷു ആഘോഷം പ്രൗഢഗംഭീരമായി.

ഡബ്ലിൻ: വിഷുദിനത്തിൽ പരമ്പരാഗത രീതിയിൽ ഒട്ടുരുളിയിൽ ഒരുക്കിയ സമൃദ്ധിയേയും കണ്ണനാം ഉണ്ണിയേയും കൺനിറയെ കണ്ട്, കൈപ

ഗ്രീസില്‍ മഹാസമുദ്രം സമ്മേളനം നടന്നു.

ആഥന്‍സ്: മനുഷ്യപ്രവര്‍ത്തനങ്ങള്‍ മൂലമുണ്ടാകുന്ന നാശനഷ്ടങ്ങളില്‍ നിന്ന് ലോക സമുദ്രങ്ങളെ സംരക്ഷിക്കാന്‍ യൂറോപ്യന്‍

ബേസിംഗ്സ്റ്റോക്ക് നൈറ്റ് വിജിൽ "എഫാത്താ' വെള്ളിയാഴ്ച; ഫാ. ജോസഫ് കണ്ടത്തിപ്പറമ്പിൽ ശുശ്രൂഷകൾ നയിക്കും.

ബേസിംഗ് സ്റ്റോക്ക്: ഗ്രേറ്റ് ബ്രിട്ടൻ സീറോ മലബാർ രൂപതയുടെ കീഴിലുള്ള സെന്‍റ് അഗസ്റ്റിൻസ് പ്രൊപ്പോസ്ഡ് മിഷൻ ആതിഥേയത്വം വഹ

ജപ്പാൻ അന്തരാഷ്ട്ര കരാട്ടെ മത്സരത്തിൽ യുകെയ്ക്ക് ചാമ്പ്യൻഷിപ്പ്; സ്വർണ മെഡൽ ജേതാവായി മലയാളിതാരം ടോം ജേക്കബ്.

ഗ്ലാസ്ഗോ: ജപ്പാനിൽ നടന്ന അന്തരാഷ്ട്ര കരാട്ടെ മത്സരത്തിൽ യുകെയ്ക്ക് ചാമ്പ്യൻ പട്ടം.