Deepika.com Nri News :ഫ്രഞ്ച് മാഗസിൻ ചാർലി എബ്ദോയുടെ ജർമൻ എഡിഷൻ വരുന്നു.......

Europe

ഫ്രഞ്ച് മാഗസിൻ ചാർലി എബ്ദോയുടെ ജർമൻ എഡിഷൻ വരുന്നു

Back To NRI Home Forward This News Click here for detailed news of all items

ബർലിൻ: ഫ്രാൻസിൽനിന്നു പ്രസിദ്ധീകരിക്കുന്ന പ്രശസ്തവും വിവാദസമൃദ്ധവുമായ ചാർലി എബ്ദോ സറ്റയർ മാഗസിൻ ജർമൻ എഡിഷൻ ആരംഭിക്കാൻ തീരുമാനിച്ചു. അടുത്ത മാസം പ്രസിദ്ധീകരണം തുടങ്ങാനാണ് ഉദ്ദേശിക്കുന്നത്.

2015ൽ പ്രവാചകന്റെ കാർട്ടൂൺ പ്രസിദ്ധീകരിച്ചതിനെത്തുടർന്ന് ഭീകരാക്രമണം നേരിട്ടതോടെയാണ് മാഗസിൻ ലോക പ്രശസ്തമാകുന്നത്. അതിനു ശേഷം മാഗസിന്റെ വില്പനയും കുതിച്ചുയർന്നു. ഡിസംബർ ഒന്നിനു തന്നെ ജർമൻ പതിപ്പ് പുറത്തിറക്കാനുള്ള ഊർജിത ശ്രമത്തിലാണ് അധികൃതർ. നാലു യൂറോ ആയിരിക്കും വില.

ജർമനിയിലെ ആദ്യ എഡിഷൻ തന്നെ രണ്ടു ലക്ഷം കോപ്പി അച്ചടിക്കാനാണ് ഉദ്ദേശിക്കുന്നത്. ഫ്രഞ്ചിൽനിന്നു പരിഭാഷപ്പെടുത്തിയ കാർട്ടൂണുകളും ലേഖനങ്ങളുമായിരിക്കും കൂടുതലായും ഉൾപ്പെടുത്തുക. വായനക്കാരെ തൃപ്തിപ്പെടുത്താൻ ആവശ്യമായ ജർമൻ ഉള്ളടക്കവും ഉണ്ടാവുമെന്ന് മാഗസിൻ വക്‌താവ്.

മാഗസിനെതിരേയുണ്ടായ ഭീകരാക്രമണത്തിൽ 12 പേർ കൊല്ലപ്പെട്ടിരുന്നു. ഇതിനുശേഷം ജർമനിയിലും മാഗസിന് ആവശ്യക്കാർ ഏറി എന്ന വിലയിരുത്തലിന്റെ അടിസ്‌ഥാനത്തിലാണ് പുതിയ പതിപ്പ് തുടങ്ങുന്നത്.

റിപ്പോർട്ട്: ജോസ് കുമ്പിളുവേലിൽ

റോഡപകടങ്ങൾ കുത്തനെ ഉയർന്നു; അയർലൻഡിൽ വാഹനപരിശോധന കർശനമാക്കി.

ഡബ്ലിൻ: റോഡപകടങ്ങൾ കുത്തനെ ഉയർന്ന സാഹചര്യത്തിൽ അയർലൻഡിൽ അധികൃതർ വാഹന പരിശോധന കർശനമാക്കി.

ഐഒസി യുകെ സംഘടിപ്പിക്കുന്ന പ്രചാരണ കാമ്പയിൻ ശനിയാഴ്ച; ഉദ്ഘാടകൻ എം. ലിജു.

ലണ്ടൻ: യുഡിഎഫ് സ്ഥാനാർഥികളുടെ പ്രചാരണാർഥം ഐഒസി യുകെ സംഘടിപ്പിക്കുന്ന മുഴുദിന പ്രചാരണ കാമ്പയിൻ "എ ഡേ ഫോർ ഇന്ത്യ' ശന

അയര്‍ലൻഡിലെ സത്ഗമയ വിഷു ആഘോഷം പ്രൗഢഗംഭീരമായി.

ഡബ്ലിൻ: വിഷുദിനത്തിൽ പരമ്പരാഗത രീതിയിൽ ഒട്ടുരുളിയിൽ ഒരുക്കിയ സമൃദ്ധിയേയും കണ്ണനാം ഉണ്ണിയേയും കൺനിറയെ കണ്ട്, കൈപ

ഗ്രീസില്‍ മഹാസമുദ്രം സമ്മേളനം നടന്നു.

ആഥന്‍സ്: മനുഷ്യപ്രവര്‍ത്തനങ്ങള്‍ മൂലമുണ്ടാകുന്ന നാശനഷ്ടങ്ങളില്‍ നിന്ന് ലോക സമുദ്രങ്ങളെ സംരക്ഷിക്കാന്‍ യൂറോപ്യന്‍

ബേസിംഗ്സ്റ്റോക്ക് നൈറ്റ് വിജിൽ "എഫാത്താ' വെള്ളിയാഴ്ച; ഫാ. ജോസഫ് കണ്ടത്തിപ്പറമ്പിൽ ശുശ്രൂഷകൾ നയിക്കും.

ബേസിംഗ് സ്റ്റോക്ക്: ഗ്രേറ്റ് ബ്രിട്ടൻ സീറോ മലബാർ രൂപതയുടെ കീഴിലുള്ള സെന്‍റ് അഗസ്റ്റിൻസ് പ്രൊപ്പോസ്ഡ് മിഷൻ ആതിഥേയത്വം വഹ