കൊളോൺ: ജർമനിയിലെ ഇന്ത്യൻ ഓർത്തഡോക്സ് സഭ കൊളോൺ ബോൺ ഇടവകയുടെ ആഭിമുഖ്യത്തിൽ പരിശുദ്ധ പരുമല തിരുമേനിയുടെ 114ാം ഓർമപെരുന്നാൾ നവംബർ 5, 6 (ശനി,ഞായർ) തീയതികളിൽ കൊളോണിലെ സെന്റ് അഗസ്റ്റിനർ ആശുപത്രി ദേവാലയത്തിൽ ആഘോഷിക്കുന്നു.
ആഘോഷങ്ങൾക്ക് മലങ്കര ഓർത്തഡോക്സ് സുറിയാനി സഭയുടെ ചെന്നൈ ഭദ്രാസന മെത്രാപ്പോലീത്ത ഡോ. യൂഹാനോൻ മാർ ദിയസ്കോറസ് മുഖ്യകാർമികത്വം വഹിക്കും.
ശനി വൈകുന്നേരം 5.30ന് സന്ധ്യാപ്രാർഥന, പരിശുദ്ധന്റെ നാമത്തിലുള്ള മധ്യസ്‌ഥപ്രാർഥന, ധ്യാനപ്രസംഗം എന്നിവ നടക്കും.
ഞായർ രാവിലെ 9.30 ന് പ്രഭാതനമസ്കാരവും 10.30ന് ഡോ.യൂഹാനോൻ മാർ ദിയസ്കോറസ് മുഖ്യകാർമികത്വത്തിൽ ആഘോഷമായ വിശുദ്ധ കുർബാനയും രോഗികൾക്കും വാങ്ങിപ്പോയവർക്കും വേണ്ടി പ്രത്യേകം മധ്യസ്‌ഥപ്രാർഥന, റാസ, ധൂപപ്രാർഥന, ആശീർവാദം, കൈമുത്ത്, നേർച്ചവിളമ്പ്, സമൂഹവിരുന്ന് എന്നിവ നടക്കും.
ആത്മീയ ശുശ്രൂഷകളിൽ പങ്കുചേർന്ന് വിശുദ്ധന്റെ മധ്യസ്‌ഥതയാൽ അനുഗ്രഹങ്ങൾ പ്രാപിക്കുവാൻ ഏവരെയും വികാരി ഫാ. വിൽസൺ ഏബ്രഹാം സ്വാഗതം ചെയ്തു.
വിവരങ്ങൾക്ക്: തോമസ് പഴമണ്ണിൽ (ട്രസ്റ്റി) 0221 962000, 0173 1017700, ജോൺ കൊച്ചുകണ്ടത്തിൽ (സെക്രട്ടറി) 02205 82915, 0163 7339681, രാജൻ കണ്ണംമണലിൽ 0228 549205, ജിത്തു കുര്യൻ 0202 69358510, ശോശാമ്മ മത്തായി 0228 680710, കാണ്ടമ്മ ഐസക് 02232 941815.
റിപ്പോർട്ട്: ജോസ് കുമ്പിളുവേലിൽ
|