Deepika.com Nri News :മാർ ജോസഫ് സ്രാമ്പിക്കൽ നോർത്താംപ്ടൺ, നോട്ടിംഗ്ഹാം രൂപതകളിൽ സന്ദർശനം നടത്തി.......

Europe

മാർ ജോസഫ് സ്രാമ്പിക്കൽ നോർത്താംപ്ടൺ, നോട്ടിംഗ്ഹാം രൂപതകളിൽ സന്ദർശനം നടത്തി

Back To NRI Home Forward This News Click here for detailed news of all items

ലണ്ടൻ: പ്രസ്റ്റൺ ആസ്‌ഥാനമാക്കി ഗ്രേറ്റ് ബ്രിട്ടൺ സീറോ മലബാർ രൂപതയുടെ നിയുക്‌ത മെത്രാൻ മാർ ജോസഫ് സ്രാമ്പിക്കലിന്റെ യുകെ പര്യടനം വിജയകരമായി തുടരുന്നു. നോട്ടിംഗ്ഹാം, നോർത്താംപ്ടൺ രൂപതകളിൽ കഴിഞ്ഞ ദിവസം നടത്തിയ സന്ദർശനം വൻ വിജയമായിരുന്നു.

നോർത്താംപ്ടൺ രൂപത സന്ദർശനാർഥം ഡെസ്റ്റണിലെത്തിയ മാർ സ്രാമ്പിക്കലിനെ ഫാ. ബെന്നി വലിയവീട്ടിൽ എംഎസ്എഫ്എസ്, ഫാ. പ്രിൻസ് എംഎസ്എഫ്എസ്, ഫാ. ബെന്നി മരങ്ങോലിൽ എംഎസ്എഫ്എസ്, ഫാ. ഷൈജു എന്നിവരുടെ നേതൃത്വത്തിൽ സ്വീകരിച്ചു. രൂപതയിലെ സീറോ മലബാർ സഭാ പ്രവർത്തനങ്ങൾ അദ്ദേഹം ചോദിച്ചറിഞ്ഞു.

ഉച്ചകഴിഞ്ഞ് നോട്ടിംഗ്ഹാമിലെത്തിയ മാർ സ്രാമ്പിക്കലിനെ സീറോ മലബാർ ചാപ്ലിൻ ഫാ. ബിജു കുന്നയ്ക്കാട്ടും കമ്മിറ്റിയംഗങ്ങളും വിശ്വാസികളും ചേർന്ന് സ്വീകരിച്ചു. ഡർബി കത്തോലിക്കാ കമ്യൂണിറ്റിയെ പ്രതിനിധീകരിച്ചും പ്രതിനിധികൾ നിയുക്‌ത മെത്രാനെ സന്ദർശിച്ചു. തുടർന്നു നോട്ടിംഗ്ഹാം ബിഷപ് പാട്രിക് മക്കിനിയുമായി മാർ സ്രാമ്പിക്കൽ കൂടിക്കാഴ്ച നടത്തി. തുടർന്ന് നോട്ടിംഗ്ഹാം ഗുഡ്ഷെപ്പേർഡ്, അർനോൾഡ് ഇടവക ദേവാലയം സന്ദർശിച്ച് വികാരി ഫാ. ഫിലിപ്പ് ഷോമെക്കുമായും ആശയവിനിമയം നടത്തി. വൈകുന്നേരം ലെസ്റ്റർ മദർ ഓഫ് ഗോഡ് പള്ളിയിലെത്തിയ മാർ സ്രാമ്പിക്കലിനെ ഇടവക വികാരി ഫാ. പോൾ നെല്ലിക്കുളവും ഇടവകാംഗങ്ങളും ചേർന്ന് സ്വീകരിച്ചു. ഇടവക ജനങ്ങളുമായി ആശയവിനിമയത്തിനു സമയം കണ്ടെത്തിയശേഷം ഇന്നലെ നടന്ന ചാപ്ലൈൻസി ഡേയിൽ പങ്കെടുക്കുന്നതിനായി ബർമിംഗ്ഹാമിലേക്ക് തിരിച്ചു.

പെട്ടെന്നുള്ളതാണെങ്കിലും അതാതു രൂപതകളിലെ പിതാക്കന്മാരെ കാണുവാനും സീറോ മലബാർ സഭയുടെ പ്രവർത്തനങ്ങൾ നേരിട്ടു മനസിലാക്കാൻ സാധിക്കുന്നതും തന്റെ തുടർന്നുള്ള പ്രവർത്തനങ്ങൾക്ക് വലിയ മുതൽക്കൂട്ടാവുമെന്ന് നിയുക്‌ത മെത്രാൻ പ്രത്യാശ പ്രകടിപ്പിച്ചു. വെള്ളിയാഴ്ച ലീഡ്സ് രൂപതയിൽ നടത്തിയ സന്ദർശനവും ഏറെ ഉന്മേഷം പകരുന്നതായിരുന്നുവെന്ന് മാർ സ്രാമ്പിക്കൽ സൂചിപ്പിച്ചു.

അതേസമയം ഈ വരുന്ന ആഴ്ചകളിൽ ദേവാലയത്തിൽ വായിക്കുന്നതിനായി കർദ്ദിനാൾ ജോർജ് ആലഞ്ചേരി പുതിയ ഇടയലേഖനം നൽകിയിട്ടുണ്ട്. പുതിയ രൂപത സ്‌ഥാപനത്തെക്കുറിച്ചും മെത്രാന്മാരുടെ നിയമനങ്ങളെക്കുറിച്ചുമാണ് മുഖ്യമായും പ്രതിപാദിക്കുന്നത്. വിവിധ കമ്മിറ്റികളുടെ നേതൃത്വത്തിൽ മെത്രാഭിഷേകത്തിന്റെ ഒരുക്കങ്ങൾ പുരോഗമിക്കുന്നതായി ജനറൽ കൺവീനർ ഫാ. തോമസ് പാറയടിയിലും ജോയിന്റ് കൺവീനർ ഫാ. മാത്യു ചൂരപ്പൊയ്കയിലും അറിയിച്ചു.

റിപ്പോർട്ട്: ഷൈമോൻ തോട്ടുങ്കൽ

ഐഒസി യുകെ സംഘടിപ്പിക്കുന്ന പ്രചാരണ കാമ്പയിൻ ശനിയാഴ്ച; ഉദ്ഘാടകൻ എം. ലിജു.

ലണ്ടൻ: യുഡിഎഫ് സ്ഥാനാർഥികളുടെ പ്രചാരണാർഥം ഐഒസി യുകെ സംഘടിപ്പിക്കുന്ന മുഴുദിന പ്രചാരണ കാമ്പയിൻ "എ ഡേ ഫോർ ഇന്ത്യ' ശന

അയര്‍ലൻഡിലെ സത്ഗമയ വിഷു ആഘോഷം പ്രൗഢഗംഭീരമായി.

ഡബ്ലിൻ: വിഷുദിനത്തിൽ പരമ്പരാഗത രീതിയിൽ ഒട്ടുരുളിയിൽ ഒരുക്കിയ സമൃദ്ധിയേയും കണ്ണനാം ഉണ്ണിയേയും കൺനിറയെ കണ്ട്, കൈപ

ഗ്രീസില്‍ മഹാസമുദ്രം സമ്മേളനം നടന്നു.

ആഥന്‍സ്: മനുഷ്യപ്രവര്‍ത്തനങ്ങള്‍ മൂലമുണ്ടാകുന്ന നാശനഷ്ടങ്ങളില്‍ നിന്ന് ലോക സമുദ്രങ്ങളെ സംരക്ഷിക്കാന്‍ യൂറോപ്യന്‍

ബേസിംഗ്സ്റ്റോക്ക് നൈറ്റ് വിജിൽ "എഫാത്താ' വെള്ളിയാഴ്ച; ഫാ. ജോസഫ് കണ്ടത്തിപ്പറമ്പിൽ ശുശ്രൂഷകൾ നയിക്കും.

ബേസിംഗ് സ്റ്റോക്ക്: ഗ്രേറ്റ് ബ്രിട്ടൻ സീറോ മലബാർ രൂപതയുടെ കീഴിലുള്ള സെന്‍റ് അഗസ്റ്റിൻസ് പ്രൊപ്പോസ്ഡ് മിഷൻ ആതിഥേയത്വം വഹ

ജപ്പാൻ അന്തരാഷ്ട്ര കരാട്ടെ മത്സരത്തിൽ യുകെയ്ക്ക് ചാമ്പ്യൻഷിപ്പ്; സ്വർണ മെഡൽ ജേതാവായി മലയാളിതാരം ടോം ജേക്കബ്.

ഗ്ലാസ്ഗോ: ജപ്പാനിൽ നടന്ന അന്തരാഷ്ട്ര കരാട്ടെ മത്സരത്തിൽ യുകെയ്ക്ക് ചാമ്പ്യൻ പട്ടം.