Deepika.com Nri News :ഫൈൻ ആർട്സ് ഇന്ത്യ വിയന്നയുടെ ഉത്സവ് 2016ന് ഉജ്‌ജ്വല സമാപനം.......

Europe

ഫൈൻ ആർട്സ് ഇന്ത്യ വിയന്നയുടെ ഉത്സവ് 2016ന് ഉജ്‌ജ്വല സമാപനം

Back To NRI Home Forward This News Click here for detailed news of all items

വിയന്ന: ഓസ്ട്രിയയിലെ മലയാളി സംഘടനയായ ഫൈൻ ആർട്സ് ഇന്ത്യ വിയന്നയുടെ ‘ഉത്സവ് 2016’ സാംസകാരിക പരിപാടികൾക്കും ഓണാഘോഷങ്ങൾക്കും ഉജ്‌ജ്വല സമാപനം.

വിയന്നയിലെ കഗ്രാനിലുള്ള ഹൗസ് ദേർ ബെഗെഗ്നുങിൽ നടന്ന സംസ്കാരിക സമ്മേളനം ആർട്സ് ക്ലബ് സെക്രട്ടറി ബിൻസി അഞ്ചേരിയുടെ ആമുഖത്തോടുകൂടി ആരംഭിച്ചു. പ്രസിഡന്റ് ജോൺസൺ ചേലപ്പുറത്ത്, തോമസ് കാരയ്ക്കാട്ട് എന്നിവർ സംസാരിച്ചു. കലാ സന്ധ്യക്ക് മുന്നോടിയായി വിശുദ്ധ മദർ തെരേസയെ അനുസ്മരിക്കുകയും മദറിന്റെ പ്രവർത്തനങ്ങളെ സൂചിപ്പിക്കുന്ന അവതരണവും ഭാരതത്തിന്റെ എഴുപതാമത് സ്വാതന്ത്ര്യദിനാചരണവും നടത്തി. അതേസമയം മൺമറഞ്ഞ മലയാളത്തിന്റെ പ്രിയ കലാകാരൻ കലാഭവൻ മണിയുടെ സിനിമ ജീവിതത്തെ ആസ്പദമാക്കിയുള്ള പ്രദർശനവും അനുസ്മരണവും നടന്നു.

ഇന്ത്യൻ എംബസിയിലെ ഡെപ്യൂട്ടി ചീഫ് ഓഫ് മിഷൻ സുഹൈൽ അജാസ് ഖാൻ മുഖ്യാതിഥിയായിരുന്നു. വിയന്ന നഗരത്തിൽ നിന്നുള്ള എംഎൽഎ സഫക് ആക്കെ പ്രഭാഷണം നടത്തി.

തുടർന്നു നടന്ന കലാ സന്ധ്യ ഭരതനാട്യവും തിരുവാതിരയും കേരളത്തിൽ നിന്നുള്ള സംഗീത ശില്പവും സമന്വയിപ്പിച്ച് ആരംഭിച്ചു. ഓസ്ട്രിയയിൽ നിന്നുള്ള കലാകാരന്മാരുടെ നൃത്തവും തായ്ലൻഡ് നേപ്പാൾ എന്നീ രാജ്യങ്ങളിൽ നിന്നുള്ള യുവതികളുടെ പരമ്പരാഗത നൃത്തവും അരങ്ങേറി. സംഘടനയിലെ കുട്ടികളും യുവാക്കളും ചേർന്ന് അവതരിപ്പിച്ച കലാപരിപാടികളും മലയാളികളുടെ രണ്ടാം തലമുറയിൽ നിന്നുള്ള കുട്ടികൾ സംഘടിപ്പിച്ച നൃത്തനൃത്യങ്ങളും ഏറെ ശ്രദ്ധ പിടിച്ചുപറ്റി. ജൻസീറും ഓസ്ട്രിയക്കാരിയായ മിറിയവും അവതാരകരായിരുന്നു. നിരവധി സമ്മാനങ്ങൾ ഉൾകൊള്ളിച്ചു നടത്തിയ തമ്പോല മത്സരവും ആഘോഷത്തിന്റെ മാറ്റുകൂട്ടി. പോയ വർഷങ്ങളിൽ നിന്ന് വ്യത്യസ്തമായി ഫൈൻ ആർട്സ് ഇന്ത്യ ഈ വർഷം ആദ്യമായി നാടകം അവതരിപ്പിച്ചു. ഷാജി ചേലപ്പുറത്തും ജി. ബിജുവും സംയുക്‌തമായി സംവിധാനം ചെയ്ത പൊയ്മുഖങ്ങൾ നല്ലൊരു സന്ദേശത്തോടെയാണ് അവസാനിച്ചത്. ജനറൽ സെക്രട്ടറി സോജി മതുപ്പുറത്ത് നന്ദി പറഞ്ഞു. മലയാള സിനിമയുടെ വളർച്ച പ്രതിപാദിക്കുന്ന ഫൈൻ ആർട്സ് മെഗാ മിക്സിനുശേഷം ദേശിയ ഗാനത്തോടുകൂടി ഉത്സവ് 2016ന് തിരശീല വീണു.

റിപ്പോർട്ട്: ജോബി ആന്റണി

ബിഎംകെഎ സംഘടിപ്പിക്കുന്ന ഈസ്റ്റർ വിഷു ആഘോഷം ശനിയാഴ്ച.

ബെഡ്ഫോർഡ്: ബെഡ്‌ഫോർഡ്ഷയറിലെ പ്രമുഖ മലയാളി സംഘടനയായ "ബെഡ്ഫോർഡ് മാസ്റ്റൺ കേരള അസോസിയേഷൻ' ഒരുക്കുന്ന ഈസ്റ്റർ വിഷ

വാട്ടർഫോർഡിൽ മേയ് ദിനാഘോഷം സംഘടിപ്പിക്കുന്നു.

ഡബ്ലിൻ: വാട്ടർഫോർഡിൽ മേയ് ദിനാഘോഷ പരിപാടി സംഘടിപ്പിക്കുന്നു.

ഫാ. ജോ ജോൺ ചെട്ടിയാകുന്നേൽ ലാസലെറ്റ് സന്യാസസഭ സുപ്പീരിയർ ജനറൽ.

അൻസിറാബെ (മഡഗാസ്കർ): 178 വർഷം പഴക്കമുള്ള ലാസലെറ്റ് സന്യാസ സഭയുടെ പുതിയ സുപ്പീരിയർ ജനറലായി മലയാളിയായ ഫാ.

ലണ്ടൻ മേയർ തെരഞ്ഞെടുപ്പ്: ഇന്ത്യൻ വംശജൻ തരുൺ ഗുലാത്തിയും മത്സരരംഗത്ത്.

ലണ്ടൻ: അടുത്ത മാസം രണ്ടിനു നടക്കുന്ന ലണ്ടൻ മേയർ തെരഞ്ഞെടുപ്പിൽ ഇന്ത്യൻ വംശജനായ വ്യവസായ പ്രമുഖൻ തരുൺ ഗുലാത്തിയും മ

ഗ്രേറ്റ് ബ്രിട്ടൻ രൂപത ബൈബിൾ ക്വിസ് മത്സരം; പേരുകൾ രജിസ്റ്റർ ചെയ്യാനുള്ള അവസരം ഞായറാഴ്ച വരെ.

ബർമിംഗ്ഹാം: ഗ്രേറ്റ് ബ്രിട്ടൻ സീറോമലബാർ രൂപതയുടെ ആഭിമുഖ്യത്തിൽ സംഘടിപ്പിക്കുന്ന സുവാറ 2024 ബൈബിൾ ക്വിസ് മത്സരങ്ങൾക്