Deepika.com Nri News :മെർക്കൽ രാജ്യത്തെ നശിപ്പിക്കുന്നുവെന്നു പ്രക്ഷോഭകർ.......

Europe

മെർക്കൽ രാജ്യത്തെ നശിപ്പിക്കുന്നുവെന്നു പ്രക്ഷോഭകർ

Back To NRI Home Forward This News Click here for detailed news of all items

ബെർലിൻ: ജർമനിയിൽ ഒരാഴ്ചയ്ക്കിടെ നാല് ആക്രമണങ്ങളുണ്ടായ പശ്ചാത്തലത്തിൽ ചാൻസലർ ആംഗല മെർക്കലിനെതിരേ ജനരോഷം ഇരമ്പുന്നു. എല്ലാത്തിനും കാരണം രാജ്യത്തിന്റെ വാതിലുകൾ മലർക്കെ തുറന്നിട്ട അവരുടെ അഭയാർഥിത്വ നയമാണെന്ന വിമർശനം എന്നത്തെക്കാളും രൂക്ഷമാകുന്നു.

ആക്രമണങ്ങളെത്തുടർന്നു രാജ്യത്തു സംഘടിപ്പിക്കപ്പെട്ട പ്രതിഷേധ പ്രകടനങ്ങളിലെല്ലാം അലയടിച്ചത് മെർക്കൽ വിരുദ്ധ മുദ്രാവാക്യങ്ങളും വികാരങ്ങളും തന്നെ.

നിരന്തരമായ ആക്രമണങ്ങളുടെ പശ്ചാത്തലത്തിൽ ജർമനിയിൽ അതീവ ജാഗ്രത പ്രഖ്യാപിച്ചിരിക്കുകയാണ് സർക്കാർ. രാജ്യത്ത് ആക്രമണങ്ങൾ നടത്തുന്നതെല്ലാം അഭയാർഥികളായി വന്നവരാണെന്ന ധാരണയും നാട്ടിൽ പരന്നിരിക്കുന്നു.

അഭയാർഥിത്വ അപേക്ഷ നിരസിക്കപ്പെട്ട രണ്ടു ലക്ഷത്തോളം പേരാണ് ഇപ്പോഴും ജർമനിയിൽ കഴിയുന്നത്. തീവ്ര വലതുപക്ഷക്കാരും കുടിയേറ്റവിരുദ്ധരുമെല്ലാം ഇനി രോഷം ഇവർക്കെതിരേ തിരിക്കുകയും ചെയ്യും.

എന്നാൽ, ആക്രമണങ്ങളുടെ പശ്ചാത്തലത്തിൽ ജനങ്ങളുടെയോ സർക്കാരിന്റെയോ പ്രതികരണങ്ങൾ കണ്ണും പൂട്ടിയുള്ളതാവരുതെന്നും കാര്യങ്ങൾ സമചിത്തതയോടെയും ശാന്തമായും കൈകാര്യം ചെയ്യണമെന്നും വിവിധ മനുഷ്യാവകാശ സംഘടനകളും ആഹ്വാനം ചെയ്യുന്നു.

അഭയാർഥികളെ തിരികെ നാടുകടത്തണമെന്ന മട്ടിൽ സിഎസ്യുവിനെപ്പോലുള്ള പാർട്ടികൾ പ്രതികരിക്കുന്നതിനെ ആംനസ്റ്റി ഇന്റർനാഷണൽ വിമർശിക്കുന്നു. സംഘർഷബാധിത പ്രദേശങ്ങളിലേക്ക് ഒരാളെപ്പോലും തിരിച്ചയയ്ക്കരുതെന്നാണ് അവരുടെ വാദം.

<ആ>റിപ്പോർട്ട്: ജോസ് കുമ്പിളുവേലിൽ

അയര്‍ലൻഡിലെ സത്ഗമയ വിഷു ആഘോഷം പ്രൗഢഗംഭീരമായി.

ഡബ്ലിൻ: വിഷുദിനത്തിൽ പരമ്പരാഗത രീതിയിൽ ഒട്ടുരുളിയിൽ ഒരുക്കിയ സമൃദ്ധിയേയും കണ്ണനാം ഉണ്ണിയേയും കൺനിറയെ കണ്ട്, കൈപ

ഗ്രീസില്‍ മഹാസമുദ്രം സമ്മേളനം നടന്നു.

ആഥന്‍സ്: മനുഷ്യപ്രവര്‍ത്തനങ്ങള്‍ മൂലമുണ്ടാകുന്ന നാശനഷ്ടങ്ങളില്‍ നിന്ന് ലോക സമുദ്രങ്ങളെ സംരക്ഷിക്കാന്‍ യൂറോപ്യന്‍

ബേസിംഗ്സ്റ്റോക്ക് നൈറ്റ് വിജിൽ "എഫാത്താ' വെള്ളിയാഴ്ച; ഫാ. ജോസഫ് കണ്ടത്തിപ്പറമ്പിൽ ശുശ്രൂഷകൾ നയിക്കും.

ബേസിംഗ് സ്റ്റോക്ക്: ഗ്രേറ്റ് ബ്രിട്ടൻ സീറോ മലബാർ രൂപതയുടെ കീഴിലുള്ള സെന്‍റ് അഗസ്റ്റിൻസ് പ്രൊപ്പോസ്ഡ് മിഷൻ ആതിഥേയത്വം വഹ

ജപ്പാൻ അന്തരാഷ്ട്ര കരാട്ടെ മത്സരത്തിൽ യുകെയ്ക്ക് ചാമ്പ്യൻഷിപ്പ്; സ്വർണ മെഡൽ ജേതാവായി മലയാളിതാരം ടോം ജേക്കബ്.

ഗ്ലാസ്ഗോ: ജപ്പാനിൽ നടന്ന അന്തരാഷ്ട്ര കരാട്ടെ മത്സരത്തിൽ യുകെയ്ക്ക് ചാമ്പ്യൻ പട്ടം.

ഡിലന്‍ സിനോയിയുടെ സംസ്കാരം ഇന്ന് ഡബ്ലിനില്‍.

ഡബ്ലിൻ: ഡബ്ലിനിൽ കഴിഞ്ഞ ദിവസം അന്തരിച്ച 10 വയസുകാരനായ ഡിലൻ സിനോയിയുടെ സംസ്കാര ചടങ്ങുകൾ വെള്ളിയാഴ്ച നടക്കും.