Deepika.com Nri News :ഇന്ത്യ–യുകെ ആരോഗ്യ ഉച്ചകോടിയിൽ ഇന്ത്യൻ പ്രതിനിധിയായി മലയാളി ഡോക്ടർ.......

Europe

ഇന്ത്യ–യുകെ ആരോഗ്യ ഉച്ചകോടിയിൽ ഇന്ത്യൻ പ്രതിനിധിയായി മലയാളി ഡോക്ടർ

Back To NRI Home Forward This News Click here for detailed news of all items

കണ്ണൂർ: ഈ മാസം ലണ്ടനിൽ നടക്കുന്ന ഇന്ത്യ–യുകെ ഉന്നത ആരോഗ്യ ഉച്ചകോടിയിൽ ഇന്ത്യയെ പ്രതിനിധീകരിച്ചു മലയാളിയായ ഡോ.സുദിൻകുമാർ പങ്കെടുക്കും. ആരോഗ്യ ഉച്ചകോടിയുടെ ഭാഗമായി ബ്രിട്ടീഷ് പാർലമെന്റിൽ 20ന് ഡോ.സുദിൻകുമാർ ഹോമിയോപ്പതിക് ചികിത്സാ മേഖലയെക്കുറിച്ചു പ്രസംഗിക്കും. കോഴിക്കോട് ജില്ലയിലെ വടകര ചോമ്പാല തട്ടോളിക്കര സ്വദേശിയാണ് ഡോ. സുദിൻകുമാർ. ബ്രിട്ടീഷ് പാർലമെന്റിൽ ഹോമിയോപ്പതിയെക്കുറിച്ചു പ്രസംഗിക്കുന്ന ആദ്യ വ്യക്‌തിയായി ഈ മലയാളി ചരിത്രത്തിലിടം നേടുകയാണ്. ഹോമിയോപ്പതിയുടെ പിതാവായ ഡോ.സാമുവൽ ഹാനിമാന്റെ 261–ാം ജന്മദിനത്തോടനുബന്ധിച്ചു കഴിഞ്ഞ ഏപ്രിലിൽ ജർമനിയിൽ നടന്ന ലോക ഹോമിയോപ്പതിക് ഡോക്ടർമാരുടെ ആഗോള സമ്മേളനത്തിൽ ഇന്ത്യയിൽനിന്നുള്ള 50 അംഗസംഘത്തെ നയിച്ചത് ഡോ. സുദിൻകുമാറായിരുന്നു. ജർമനിയിലെ ടോർഗോ നഗരത്തിലെ ഡോ. ഹാനിമാന്റെ വസതിയിൽ നടന്ന സെനിനാറിൽ ഇന്ത്യയെ പ്രതിനിധീകരിച്ച് പ്രബന്ധം അവതരിപ്പിച്ചിരുന്നു. നിലവിൽ ഇന്ത്യൻ ഹോമിയോപ്പതിക് മെഡിക്കൽ അസോസിയേഷന്റെ ദേശീയ സെക്രട്ടറി ജനറലാണ് ഡോ.സുദിൻകുമാർ. ഹോമിയോപ്പതിക് മെഡിക്കൽ പനോരമ എന്ന മെഡിക്കൽ ജേർണലിന്റെ എഡിറ്റർ ഇൻ ചീഫ് ആയും പ്രവർത്തിച്ചിരുന്നു. ഇന്ത്യൻ ഹോമിയോപ്പതിക് മെഡിക്കൽ അസോസിയേഷന്റെ സ്‌ഥാപക ട്രഷററായിരുന്നു. കോഴിക്കോട് ഹോമി യോ മെഡിക്കൽ കോളജിലെ പത്താം ബാച്ച് വിദ്യാർഥിയായ ഇദ്ദേഹം വടകര മുക്കാളിയിൽ പ്രാക്ടീസ് ചെയ്തു വരികയാണ്. തട്ടോളിക്കരയിലെ പരേതനായ വട്ടക്കണ്ടി ബാലൻ മാസ്റ്റർ–കമലാക്ഷി ദമ്പതികളുടെ മകനാണ്. അധ്യാപികയായ ഷെറിൻ തിലകാണ് ഭാര്യ. വിദ്യാർഥിനികളായ നിധി, ദിയ എന്നിവർ മക്കൾ.

ത്രേസ്യാമ്മ രാജു ജർമനിയിൽ അന്തരിച്ചു.

ബോണ്‍: ജര്‍മനിയിലെ ബോണ്‍ നഗരത്തിനടുത്തുള്ള ബാഡ് ഹൊന്നഫില്‍ താമസിക്കുന്ന ത്രേസ്യമ്മ രാജു(84) അന്തരിച്ചു.

കുടുംബങ്ങളെ തിരുസഭയുമായി ബന്ധിപ്പിക്കുന്ന കണ്ണി കുടുംബ കൂട്ടായ്മകൾ: മാർ ജോസഫ് സ്രാമ്പിക്കൽ.

ലെസ്റ്റർ: ഗാർഹിക സഭകളായ കുടുംബങ്ങളെ തിരുസഭയുമായി ബന്ധിപ്പിക്കുന്ന കണ്ണിയാണ് കുടുംബ കൂട്ടായ്മകൾ എന്ന് ഗ്രേറ്റ് ബ്രിട

മഞ്ഞുമലയിൽ കുടുങ്ങിയ മലയാളി യുവാവിനെ രക്ഷപ്പെടുത്തി ഇറ്റാലിയൻ വ്യോമസേന.

റോം: ഇറ്റലിയിൽ മഞ്ഞുമലയിൽ കുടുങ്ങിയ മലയാളി യുവാവിനെ രാജ്യത്തെ വ്യോമസേനയുടെ സമയോചിതമായ ഇടപെടലിലൂടെ രക്ഷപ്പെടു

ഇറാനിലേക്കുള്ള വിമാന സർവീസുകൾ നിർത്തിവച്ച് ലുഫ്താൻസയും ഓസ്ട്രിയൻ എയർലൈൻസും.

ബെർലിൻ: ഇറാന്‍റെ തലസ്ഥാനമായ ടെഹ്റാനിലേക്കുള്ള വിമാനങ്ങൾ ലുഫ്താൻസയും ഓസ്ട്രിയൻ എയർലൈൻസും താത്കാലികമായി നിർത്തിവ

ഹാപ്പി ബർത്ത്ഡേ ഫാറ്റു! ലോകത്തിലെ ഏറ്റവും പ്രായമേറിയ ഗോറില്ലയുടെ പിറന്നാൾ ആഘോഷമാക്കി ബർലിൻ.

ബെർലിൻ: ലോകത്തിലെ ഏറ്റവും പ്രായം കൂടിയ ഗൊറില്ലയായ ഫാറ്റുവിന് 67 വയസ് തികഞ്ഞു.