Deepika.com Nri News :ബെര്‍ലിന്‍ ചലച്ചിത്രമേളയില്‍ 'ഒറ്റാല്‍' മികച്ച കുട്ടികളുടെ ചിത്രം.......

Europe

ബെര്‍ലിന്‍ ചലച്ചിത്രമേളയില്‍ 'ഒറ്റാല്‍' മികച്ച കുട്ടികളുടെ ചിത്രം

Back To NRI Home Forward This News Click here for detailed news of all items

ബെര്‍ലിന്‍: ലോകത്തെ ഏറ്റവും വലിയ ചലച്ചിത്രമേളകളിലൊന്നായ ബെര്‍ലിനില്‍ കേരളത്തിന്റെ അഭിമാനമായ 'ഒറ്റാലി'നു പുരസ്കാരം. കുട്ടികളെയും ചെറുപ്പക്കാരെയും പ്രതിനിധീകരിക്കുന്ന ചിത്രങ്ങളുടെ വിഭാഗമായ ജനറേഷന്‍ കെ പ്ളസിലെ മികച്ച ചിത്രത്തിനുള്ള ക്രിസ്റല്‍ ബിയര്‍ അവാര്‍ഡാണ് ഒറ്റാലിനു ലഭിച്ചത്. മികച്ച ചിത്രത്തിനുള്ള സംസ്ഥാന ചലച്ചിത്ര പുരസ്കാരവും മികച്ച തിരക്കഥ,പരിസ്ഥിതി സംരക്ഷണത്തിനുള്ള ചിത്രം എന്നിങ്ങനെ ദേശീയ ചലച്ചിത്ര പുരസ്കാരങ്ങളും ഒറ്റാല്‍ നേടിയിരുന്നു.ഡിസംബറില്‍ നടന്ന കേരള രാജ്യാന്തര ചലച്ചിത്രമേളയില്‍ ഉന്നത പുരസ്കാരങ്ങളെല്ലാം നേടി കേരളത്തിന് അഭിമാനമായ ചിത്രം സംവിധാനം ചെയ്തത് ദേശീയ പുരസ്കാര ജേതാവായ ജയരാജാണ്. കുട്ടനാടിന്റെ പശ്ചാത്തലത്തില്‍ ഒരു കുട്ടിയും അവന്റെ മുത്തച്ഛനും തമ്മിലുള്ള ബന്ധം ആവിഷ്കരിക്കുന്ന ചിത്രം റഷ്യന്‍ സാഹിത്യകാരനായ ആന്റണ്‍ ചെക്കോവിന്റെ വാങ്ക എന്ന ചെറുകഥയുടെ ചലച്ചിത്രാവിഷ്കാരമാണ്.

പ്രകൃതിയുടെയും സംഗീതത്തിന്റെയും പ്രഗല്ഭ അഭിനേതാക്കളുടെയും അപ്രതിരോധ്യ ബിംബങ്ങളാല്‍ ചിത്രം തങ്ങളെ സ്പര്‍ശിച്ചെന്ന് പുരസ്കാരം പ്രഖ്യാപിച്ചുകൊണ്ട് ജൂറി വിലയിരുത്തി. ചില വിവരങ്ങളുടെ അതുല്യ ചിത്രീകരണവും തങ്ങളെ സ്പര്‍ശിച്ചു. ഒരു ചലച്ചിത്രരൂപത്തിലൂടെ സങ്കടമുണര്‍ത്തുന്ന,ഗൌരവമുള്ള വിഷയം കൈകാര്യം ചെയ്തത് വളരെ പ്രാധാന്യത്തോടെ കാണേണ്ടതാണ്. ഇതിനൊപ്പം തന്നെ ജീവിതത്തിലെ തമാശകളും സന്തോഷവും ചിത്രീകരിക്കാനും ഒറ്റാലിനായി ജൂറി വിലയിരുത്തല്‍ കുറിപ്പില്‍ പറഞ്ഞു. കുട്ടികള്‍ക്കായുള്ള സിനിമകളെ രണ്ടുവിഭാഗങ്ങളാക്കിയാണു ബെര്‍ലിന്‍ മേളയില്‍ പ്രദര്‍ശിപ്പിക്കാറ്. ജനറേഷന്‍ കെ പ്ളസ് കൂടാതെ ജനറേഷന്‍ 14 പ്ളസ് എന്ന വിഭാഗമാണുള്ളത്.

അശാന്ത് കെ. ഷാ, കുമരകം വാസുദേവന്‍, ഷൈന്‍ ടോം ചാക്കോ, സബിത ജയരാജ് എന്നിവരാണു ചിത്രത്തില്‍ മുഖ്യവേഷത്തിലെത്തിയത്. തിയറ്റര്‍ റിലീസിനൊപ്പം ഓണ്‍ലൈനിലും റിലീസ് ചെയ്ത ഇന്ത്യയിലെ ആദ്യ സിനിമയെന്ന ഖ്യാതിയും ഒറ്റാലിന് സ്വന്തമാണ്. ദേശീയ രാജ്യാന്തര ചലച്ചിത്രമേളയില്‍ ഇന്ത്യന്‍ പനോരമ വിഭാഗത്തിലും ചിത്രം പ്രദര്‍ശിപ്പിച്ചിരുന്നു. മുംബയ് ചലച്ചിത്രമേളയിലും പുരസ്കാരങ്ങള്‍ നേടി.

റിപ്പോര്‍ട്ട്: ജോണ്‍ കൊച്ചുകണ്ടത്തില്‍

റോഡപകടങ്ങൾ കുത്തനെ ഉയർന്നു; അയർലൻഡിൽ വാഹനപരിശോധന കർശനമാക്കി.

ഡബ്ലിൻ: റോഡപകടങ്ങൾ കുത്തനെ ഉയർന്ന സാഹചര്യത്തിൽ അയർലൻഡിൽ അധികൃതർ വാഹന പരിശോധന കർശനമാക്കി.

ഐഒസി യുകെ സംഘടിപ്പിക്കുന്ന പ്രചാരണ കാമ്പയിൻ ശനിയാഴ്ച; ഉദ്ഘാടകൻ എം. ലിജു.

ലണ്ടൻ: യുഡിഎഫ് സ്ഥാനാർഥികളുടെ പ്രചാരണാർഥം ഐഒസി യുകെ സംഘടിപ്പിക്കുന്ന മുഴുദിന പ്രചാരണ കാമ്പയിൻ "എ ഡേ ഫോർ ഇന്ത്യ' ശന

അയര്‍ലൻഡിലെ സത്ഗമയ വിഷു ആഘോഷം പ്രൗഢഗംഭീരമായി.

ഡബ്ലിൻ: വിഷുദിനത്തിൽ പരമ്പരാഗത രീതിയിൽ ഒട്ടുരുളിയിൽ ഒരുക്കിയ സമൃദ്ധിയേയും കണ്ണനാം ഉണ്ണിയേയും കൺനിറയെ കണ്ട്, കൈപ

ഗ്രീസില്‍ മഹാസമുദ്രം സമ്മേളനം നടന്നു.

ആഥന്‍സ്: മനുഷ്യപ്രവര്‍ത്തനങ്ങള്‍ മൂലമുണ്ടാകുന്ന നാശനഷ്ടങ്ങളില്‍ നിന്ന് ലോക സമുദ്രങ്ങളെ സംരക്ഷിക്കാന്‍ യൂറോപ്യന്‍

ബേസിംഗ്സ്റ്റോക്ക് നൈറ്റ് വിജിൽ "എഫാത്താ' വെള്ളിയാഴ്ച; ഫാ. ജോസഫ് കണ്ടത്തിപ്പറമ്പിൽ ശുശ്രൂഷകൾ നയിക്കും.

ബേസിംഗ് സ്റ്റോക്ക്: ഗ്രേറ്റ് ബ്രിട്ടൻ സീറോ മലബാർ രൂപതയുടെ കീഴിലുള്ള സെന്‍റ് അഗസ്റ്റിൻസ് പ്രൊപ്പോസ്ഡ് മിഷൻ ആതിഥേയത്വം വഹ