Deepika.com Nri News :കൊളോണ്‍ കൂട്ട മാനഭംഗം: പോലീസ് മേധാവിയുടെ കസേര തെറിച്ചു.......

Europe

കൊളോണ്‍ കൂട്ട മാനഭംഗം: പോലീസ് മേധാവിയുടെ കസേര തെറിച്ചു

Back To NRI Home Forward This News Click here for detailed news of all items

കൊളോണ്‍: പുതുവര്‍ഷത്തലേന്ന് കൊളോണില്‍ സ്ത്രീകളെ അറുനൂറോളം പേര്‍ ചേര്‍ന്ന കൂട്ടമായി മാനഭംഗം ചെയ്ത സംഭവത്തില്‍ നഗരത്തിലെ പോലീസ് മേധാവിയുടെ കസേര തെറിച്ചു.

പൊതുജനങ്ങള്‍ക്ക് പോലീസിലുള്ള വിശ്വാസം വീണ്ടെടുക്കുന്നതിനാണ് നടപടിയെന്ന് മേലധികാരികളുടെ വിശദീകരണം. സിറ്റി പോലീസ് ചീഫ് വോള്‍ഫ്ഗാങ് ആല്‍ബേഴ്സിന് ടെമ്പററി റിട്ടയര്‍മെന്റില്‍ വച്ചിരിക്കുകയാണെന്ന് സ്റേറ്റ് ആഭ്യന്തര മന്ത്രി അറിയിച്ചു.

അക്രമ സംഭവങ്ങള്‍ക്കു കാരണം പോലീസിന്റെ വീഴ്ചയാണെന്നും സംഭവത്തിനു പിന്നില്‍ പ്രവര്‍ത്തിച്ചവരെക്കുറിച്ചുള്ള വിവരങ്ങള്‍ മറച്ചുവയ്ക്കാന്‍ പോലീസ് ശ്രമിച്ചുവെന്നും ആരോപണമുയര്‍ന്നിരുന്നു. സംഭവത്തെക്കുറിച്ച് വ്യക്തമായ വിവരം നല്‍കുന്നതില്‍ പോലീസ് പരാജയപ്പെട്ടെന്ന് മേയറും ആരോപിച്ചിരുന്നു.

ഇതിനിടെ, കൊളോണ്‍ അതിക്രമത്തില്‍ പ്രതിഷേധിക്കാന്‍ മിലോ മോയര്‍ എന്ന കലാകാരി നഗ്നയായി തെരുവിലിറങ്ങിയതും കൌതുകമായി. ഒരു സാഹചര്യത്തിലും സ്ത്രീകള്‍ക്കെതിരേ അതിക്രമം പാടില്ല എന്ന സന്ദേശമാണത്രെ അവര്‍ നല്‍കാന്‍ ശ്രമിച്ചത്.

ലൈംഗിക അതിക്രമവുമായി ബന്ധപ്പെട്ട് രണ്ടു പേരെ മാത്രമാണ് ഇതിനകം അറസ്റ് ചെയ്തിരിക്കുന്നത്. അക്രമികള്‍ സ്ത്രീകള്‍ക്കു നല്‍കിയ ചില കുറിപ്പുകളും പോലീസ് കണ്ടെടുത്തു.

കൊളോണിലെ സംഭവത്തിന്റെ അലയൊലികള്‍ യൂറോപ്പില്‍ ആകമാനം പ്രതിഫലിക്കുന്നതായും റിപ്പോര്‍ട്ട്. പലയിടങ്ങളിലും സ്ത്രീകള്‍ ഒറ്റയ്ക്ക് രാത്രി പുറത്തിറങ്ങരുതെന്ന് നിര്‍ദേശങ്ങള്‍ നല്‍കുന്നു. സ്വീഡന്‍, ഫിന്‍ലന്‍ഡ്, ഓസ്ട്രിയ, സ്വിറ്റ്സര്‍ലന്‍ഡ് എന്നിവിടങ്ങളിലും പുതുവര്‍ഷത്തലേന്ന് കൊളോണിലേതിനു സമാനമായ സംഭവങ്ങള്‍ അരങ്ങേറിയതായി സൂചനയുണ്ട്.

സ്വീഡനില്‍ പതിനഞ്ച് സ്ത്രീകള്‍ അതിക്രമത്തെപ്പറ്റി പരാതി നല്‍കിയിട്ടുണ്ട്. അക്രമ സംഭവങ്ങള്‍ മൂടിവച്ചു എന്ന ആരോപണം ഓസ്ട്രിയന്‍ പോലീസിനെതിരേയും ഉയരുന്നു. അക്രമം ആസൂത്രിതമായിരുന്നു എന്നതിന് തെളിവുണ്ടെന്ന് ഫിന്നിഷ് പോലീസ്.

റിപ്പോര്‍ട്ട്: ജോസ് കുമ്പിളുവേലില്‍

ബിഎംകെഎ സംഘടിപ്പിക്കുന്ന ഈസ്റ്റർ വിഷു ആഘോഷം ശനിയാഴ്ച.

ബെഡ്ഫോർഡ്: ബെഡ്‌ഫോർഡ്ഷയറിലെ പ്രമുഖ മലയാളി സംഘടനയായ "ബെഡ്ഫോർഡ് മാസ്റ്റൺ കേരള അസോസിയേഷൻ' ഒരുക്കുന്ന ഈസ്റ്റർ വിഷ

വാട്ടർഫോർഡിൽ മേയ് ദിനാഘോഷം സംഘടിപ്പിക്കുന്നു.

ഡബ്ലിൻ: വാട്ടർഫോർഡിൽ മേയ് ദിനാഘോഷ പരിപാടി സംഘടിപ്പിക്കുന്നു.

ഫാ. ജോ ജോൺ ചെട്ടിയാകുന്നേൽ ലാസലെറ്റ് സന്യാസസഭ സുപ്പീരിയർ ജനറൽ.

അൻസിറാബെ (മഡഗാസ്കർ): 178 വർഷം പഴക്കമുള്ള ലാസലെറ്റ് സന്യാസ സഭയുടെ പുതിയ സുപ്പീരിയർ ജനറലായി മലയാളിയായ ഫാ.

ലണ്ടൻ മേയർ തെരഞ്ഞെടുപ്പ്: ഇന്ത്യൻ വംശജൻ തരുൺ ഗുലാത്തിയും മത്സരരംഗത്ത്.

ലണ്ടൻ: അടുത്ത മാസം രണ്ടിനു നടക്കുന്ന ലണ്ടൻ മേയർ തെരഞ്ഞെടുപ്പിൽ ഇന്ത്യൻ വംശജനായ വ്യവസായ പ്രമുഖൻ തരുൺ ഗുലാത്തിയും മ

ഗ്രേറ്റ് ബ്രിട്ടൻ രൂപത ബൈബിൾ ക്വിസ് മത്സരം; പേരുകൾ രജിസ്റ്റർ ചെയ്യാനുള്ള അവസരം ഞായറാഴ്ച വരെ.

ബർമിംഗ്ഹാം: ഗ്രേറ്റ് ബ്രിട്ടൻ സീറോമലബാർ രൂപതയുടെ ആഭിമുഖ്യത്തിൽ സംഘടിപ്പിക്കുന്ന സുവാറ 2024 ബൈബിൾ ക്വിസ് മത്സരങ്ങൾക്