Deepika.com Nri News :മാധ്യമപ്രവര്‍ത്തകര്‍ക്ക് അപകടം നിറഞ്ഞ രാജ്യങ്ങളുടെ പട്ടികയില്‍ ഇന്ത്യയും.......

Europe

മാധ്യമപ്രവര്‍ത്തകര്‍ക്ക് അപകടം നിറഞ്ഞ രാജ്യങ്ങളുടെ പട്ടികയില്‍ ഇന്ത്യയും

Back To NRI Home Forward This News Click here for detailed news of all items

ഫ്രാങ്ക്ഫര്‍ട്ട്: 2015 വര്‍ഷത്തില്‍ ലോകത്തിലെ മാധ്യമപ്രവര്‍ത്തകര്‍ക്ക് അപകടം നിറഞ്ഞ രാജ്യങ്ങളുടെ പട്ടികയില്‍ ഇന്ത്യ നാലാം സ്ഥാനത്ത്. ഈ വര്‍ഷം ലോകത്ത് 110 മാധ്യമപ്രവര്‍ത്തകര്‍ കൊല്ലപ്പെട്ടതായി റിപ്പോര്‍ട്ടേഴ്സ് വിത്തൌട്ട് ബോര്‍ഡേഴ്സ് (ആര്‍എസ്എഫ്) പുറത്തു വിട്ട റിപ്പോര്‍ട്ടില്‍ പറയുന്നു. സമാധാനപൂര്‍ണമെന്നു കണക്കാക്കപ്പെടുന്ന രാജ്യങ്ങളിലാണ് മാധ്യമപ്രവര്‍ത്തകര്‍ക്കുനേരെ ഏറ്റവും കൂടുതല്‍ ആക്രമണം നടക്കുന്നതെന്നും ആര്‍എസ്എഫ് പറയുന്നു. മാധ്യമപ്രവര്‍ത്തകര്‍ക്ക് അപകടം നിറഞ്ഞ രാജ്യങ്ങളില്‍ ഇന്ത്യയുടെ സ്ഥാനം ലോകത്ത് പരിപൂര്‍ണ ജനാധിപത്യവും മാധ്യമസ്വാതന്ത്യ്രവും വച്ചു പുലര്‍ത്തുന്ന രാജ്യമെന്ന നിലയില്‍ അപമാനകരമാണെന്നും റിപ്പോര്‍ട്ട് ചൂണ്ടിക്കാണിക്കുന്നു.

ജോലിക്കിടെയിലാണ് 67 മാധ്യമപ്രവര്‍ത്തകര്‍ കൊല്ലപ്പെട്ടത്. മറ്റു 43 പേര്‍ കൊല്ലപ്പെട്ട സാഹചര്യം പരിപൂര്‍ണമായി വ്യക്തമല്ല. മാധ്യമപ്രവര്‍ത്തകര്‍ക്ക് സംരക്ഷണം ഉറപ്പാക്കുന്ന കാര്യത്തില്‍ ഭരണകൂടങ്ങള്‍ വന്‍ പരാജയമാണെന്നു സംഘടന ആരോപിച്ചു. അതിക്രമങ്ങളില്‍നിന്ന് മാധ്യമപ്രവര്‍ത്തകരെ രക്ഷിക്കാന്‍ അടിയന്തര നടപടി സ്വീകരിക്കണമെന്ന് ആര്‍എസ്എഫ് ഐക്യരാഷ്ട്രസഭയോട് ആവശ്യപ്പെട്ടു.

2014 ല്‍ മൂന്നില്‍ രണ്ട് മാധ്യമപ്രവര്‍ത്തകരും കൊല്ലപ്പെട്ടത് യുദ്ധഭൂമികളിലാണ്. ഈവര്‍ഷം സ്ഥിതി നേരേ തിരിച്ചാണ്. മൂന്നില്‍ രണ്ടു പേരും കൊല്ലപ്പെട്ടത് സമാധാനം നിലനില്‍ക്കുന്ന രാജ്യങ്ങളിലാണ്.

മാധ്യമപ്രവര്‍ത്തകരെ സംബന്ധിച്ചിടത്തോളം ഇറാഖും സിറിയയുമാണ് ഏറ്റവും അപകടം പിടിച്ച രാജ്യങ്ങള്‍. പട്ടികയില്‍ മൂന്നാം സ്ഥാനത്ത് ഫ്രാന്‍സാണ്. ഇന്ത്യയില്‍ ഒമ്പത് മാധ്യമപ്രവര്‍ത്തകരാണ് ഈവര്‍ഷം കൊല്ലപ്പെട്ടതെന്ന് റിപ്പോര്‍ട്ടില്‍ എടുത്തുപറയുന്നു. ഇതില്‍ അഞ്ചുപേര്‍ കൊല്ലപ്പെട്ടത് തങ്ങളുടെ ജോലിക്കിടെയിലാണ.് നാലുപേരുടെ മരണകാരണം പൂര്‍ണമായി വ്യക്തമായിട്ടില്ല. ഇത് ഇന്ത്യക്ക് അപമാനകരമാണെന്ന് ജര്‍മന്‍ ജേര്‍ണലിസ്റ് യൂണിയന്‍ അവരുടെ വാര്‍ഷിക റിപ്പോര്‍ട്ടില്‍ പറയുന്നു.

റിപ്പോര്‍ട്ട്: ജോര്‍ജ് ജോണ്‍

യുകെയിൽ മലയാളി നഴ്സ് മരിച്ചനിലയിൽ.

ലണ്ടൻ: യുകെയിൽ മലയാളി നഴ്സിനെ വീടിനുള്ളിൽ മരിച്ചനിലയിൽ കണ്ടെത്തി.

സ്കോട്‌ലൻഡിൽ ഇന്ത്യൻ വിദ്യാർഥികൾ മുങ്ങിമരിച്ചു.

ലണ്ടൻ: സ്കോട്‌ലൻഡിലെ വെള്ളച്ചാട്ടത്തിൽ വീണ് രണ്ട് ഇന്ത്യൻ വിദ്യാർഥികൾ മുങ്ങിമരിച്ചു.

റഷ്യയ്ക്ക് വേണ്ടി ചാരപ്രവൃത്തി നടത്തി; ജര്‍മനിയിൽ രണ്ട് പേർ അറസ്റ്റിൽ.

ബെര്‍ലിന്‍: റഷ്യയ്ക്ക് വേണ്ടി ചാരപ്രവൃത്തി നടത്തിയെന്ന് സംശയിക്കുന്ന രണ്ട് പേരെ ജര്‍മന്‍ പോലീസ് അറസ്റ്റ് ചെയ്തു.

യുകെയിലെ ക്നാനായ കുടുംബങ്ങൾ ബർമിംഗ്ഹാമിലേക്ക്; കുടുംബ സംഗമം ഇന്ന്.

ബർമിംഗ്ഹാം: ക്നാനായ കാത്തലിക് മിഷൻ യുകെയുടെ നേതൃത്വത്തിൽ നടക്കുന്ന കുടുംബ സംഗമം " വാഴ്‌വ് 24' ഇന്ന് ബർമിംഗ്ഹാമിൽ നട

റോഡപകടങ്ങൾ കുത്തനെ ഉയർന്നു; അയർലൻഡിൽ വാഹനപരിശോധന കർശനമാക്കി.

ഡബ്ലിൻ: റോഡപകടങ്ങൾ കുത്തനെ ഉയർന്ന സാഹചര്യത്തിൽ അയർലൻഡിൽ അധികൃതർ വാഹന പരിശോധന കർശനമാക്കി.