Deepika.com Nri News :അഫ്ഗാനില്‍നിന്നുള്ള അഭയാര്‍ഥികളെ നിയന്ത്രിക്കും: മെര്‍ക്കല്‍.......

Europe

അഫ്ഗാനില്‍നിന്നുള്ള അഭയാര്‍ഥികളെ നിയന്ത്രിക്കും: മെര്‍ക്കല്‍

Back To NRI Home Forward This News Click here for detailed news of all items

ബര്‍ലിന്‍: അഫ്ഗാനിസ്ഥാനില്‍നിന്നുള്ള അഭയാര്‍ഥികള്‍ക്ക് കര്‍ശന നിയന്ത്രണം ഏര്‍പ്പെടുത്തുമെന്ന് ജര്‍മന്‍ ചാന്‍സലര്‍ ആംഗല മെര്‍ക്കല്‍. ജര്‍മനി സന്ദര്‍ശിക്കുന്ന അഫ്ഗാന്‍ പ്രസിഡന്റ് ഹമീദ് കര്‍സായിക്കാണ് ഈ മുന്നറിയിപ്പ് നല്‍കിയിരിക്കുന്നത്.

സ്വന്തം രാജ്യത്തെ സാഹചര്യങ്ങള്‍ മെച്ചപ്പെടുത്തി, ജനങ്ങള്‍ അഭയാര്‍ഥികളാകാനുള്ള സാധ്യത കുറയ്ക്കേണ്ടത് അഫ്ഗാന്‍ സര്‍ക്കാരിന്റെ ചുമതലയാണെന്നും മെര്‍ക്കല്‍ ഓര്‍മിപ്പിച്ചു. കര്‍സായി ഇതിനോടു യോജിക്കുകയും ചെയ്തു.

ജര്‍മനിയില്‍ ഈ വര്‍ഷം പത്തു ലക്ഷത്തോളം അഭയാര്‍ഥികള്‍ എത്തിച്ചേരുമെന്നാണ് കരുതുന്നത്. ഇതില്‍ പകുതിയും സിറിയക്കാരായിരിക്കും. രണ്ടാം സ്ഥാനത്ത് അഫ്ഗാനിസ്ഥാനില്‍നിന്നുള്ളവരാണ്.

അഫ്ഗാനിസ്ഥാനില്‍ ജര്‍മന്‍ സൈന്യത്തിനു സഹായം നല്‍കിയതിന്റെ പേരില്‍ ഭീഷണി നേരിടുന്ന അഫ്ഗാന്‍കാര്‍ക്കു ജര്‍മനി അഭയം നല്‍കും. അല്ലാതെ, മെച്ചപ്പെട്ട ജീവിതം മാത്രം ലക്ഷ്യമാക്കി വരുന്നവരെ തിരിച്ചയയ്ക്കാന്‍ മടിക്കില്ലെന്നും മെര്‍ക്കല്‍ വ്യക്തമാക്കി.

അഭയാര്‍ഥികളുടെ എണ്ണം ജര്‍മനി കര്‍ക്കശമായി നിയന്ത്രിക്കണമെന്നു രാജ്യത്തെ ഏറ്റവും വലിയ മുസ്ലിം സംഘടനയുടെ അധ്യക്ഷന്‍ ആവശ്യപ്പെട്ടു. ധാര്‍മികമായി നോക്കിയാല്‍ അഭയാര്‍ഥികളെ മുഴുവന്‍ സ്വീകരിക്കണം. ഭരണഘടനയും ജര്‍മനിയുടെ ചരിത്രവും അതുതന്നെയാണ് അനുശാസിക്കുന്നത്. എന്നാല്‍, പ്രയോഗികമായി ചിന്തിക്കുമ്പോള്‍ എണ്ണം നിയന്ത്രിച്ചേ മതിയാകൂ എന്നും അദ്ദേഹം അഭിപ്രായപ്പെട്ടു. പരിധി ഇതിനകം പിന്നിട്ടു കഴിഞ്ഞ് നിലയ്ക്ക് അഭയാര്‍ഥികളെ സഹായിക്കുന്ന കാര്യത്തില്‍ മുസ്ലിംകള്‍ പ്രത്യേകം ഉത്തരവാദിത്വം എടുക്കണമെന്നും അദ്ദേഹം പറഞ്ഞു.

അഭയാര്‍ഥി പ്രവാഹം ശക്തമായതോടെ ജര്‍മനിയിലെ മുസ്ലിം ജനസംഖ്യ 25 ശതമാനം വര്‍ധിച്ചെന്നാണു കണക്കുകളില്‍ വ്യക്തമാകുന്നത്.

റിപ്പോര്‍ട്ട്: ജോസ് കുമ്പിളുവേലില്‍

ത്രേസ്യാമ്മ രാജു ജർമനിയിൽ അന്തരിച്ചു.

ബോണ്‍: ജര്‍മനിയിലെ ബോണ്‍ നഗരത്തിനടുത്തുള്ള ബാഡ് ഹൊന്നഫില്‍ താമസിക്കുന്ന ത്രേസ്യമ്മ രാജു(84) അന്തരിച്ചു.

കുടുംബങ്ങളെ തിരുസഭയുമായി ബന്ധിപ്പിക്കുന്ന കണ്ണി കുടുംബ കൂട്ടായ്മകൾ: മാർ ജോസഫ് സ്രാമ്പിക്കൽ.

ലെസ്റ്റർ: ഗാർഹിക സഭകളായ കുടുംബങ്ങളെ തിരുസഭയുമായി ബന്ധിപ്പിക്കുന്ന കണ്ണിയാണ് കുടുംബ കൂട്ടായ്മകൾ എന്ന് ഗ്രേറ്റ് ബ്രിട

മഞ്ഞുമലയിൽ കുടുങ്ങിയ മലയാളി യുവാവിനെ രക്ഷപ്പെടുത്തി ഇറ്റാലിയൻ വ്യോമസേന.

റോം: ഇറ്റലിയിൽ മഞ്ഞുമലയിൽ കുടുങ്ങിയ മലയാളി യുവാവിനെ രാജ്യത്തെ വ്യോമസേനയുടെ സമയോചിതമായ ഇടപെടലിലൂടെ രക്ഷപ്പെടു

ഇറാനിലേക്കുള്ള വിമാന സർവീസുകൾ നിർത്തിവച്ച് ലുഫ്താൻസയും ഓസ്ട്രിയൻ എയർലൈൻസും.

ബെർലിൻ: ഇറാന്‍റെ തലസ്ഥാനമായ ടെഹ്റാനിലേക്കുള്ള വിമാനങ്ങൾ ലുഫ്താൻസയും ഓസ്ട്രിയൻ എയർലൈൻസും താത്കാലികമായി നിർത്തിവ

ഹാപ്പി ബർത്ത്ഡേ ഫാറ്റു! ലോകത്തിലെ ഏറ്റവും പ്രായമേറിയ ഗോറില്ലയുടെ പിറന്നാൾ ആഘോഷമാക്കി ബർലിൻ.

ബെർലിൻ: ലോകത്തിലെ ഏറ്റവും പ്രായം കൂടിയ ഗൊറില്ലയായ ഫാറ്റുവിന് 67 വയസ് തികഞ്ഞു.