Deepika.com Nri News :വിശുദ്ധ കൊച്ചുത്രേസ്യയുടെ മാതാപിതാക്കളെ വാഴ്ത്തപ്പെട്ടവരായി പ്രഖ്യാപിച്ചു.......

Europe

വിശുദ്ധ കൊച്ചുത്രേസ്യയുടെ മാതാപിതാക്കളെ വാഴ്ത്തപ്പെട്ടവരായി പ്രഖ്യാപിച്ചു

Back To NRI Home Forward This News Click here for detailed news of all items

വത്തിക്കാന്‍സിറ്റി: വിശുദ്ധ കൊച്ചുത്രേസ്യയുടെ (കത്തോലിക്കാ സഭയില്‍ ചെറുപുഷ്പം എന്നു വിശേഷണം) മാതാപിതാക്കളെ ഫ്രാന്‍സിസ് മാര്‍പാപ്പ വാഴ്ത്തപ്പെട്ടവരായി പ്രഖ്യാപിച്ചു. പിതാവ് ലൂയീസ് മാര്‍ട്ടിനേയും മാതാവ് സെലി ഗൂറിയേയുമാണ് വിശുദ്ധ പദവിയിലേക്ക് ഉയര്‍ത്തിയത്. കത്തോലിക്കാ സഭയുടെ ചരിത്രത്തില്‍ ആദ്യമായാണ് ദമ്പതികളെ വിശുദ്ധരായി പ്രഖ്യാപിക്കുന്നത്. ഒക്ടോബര്‍ 18നു (ഞായര്‍) വത്തിക്കാനില്‍ നടന്ന ചടങ്ങില്‍ ഫ്രാന്‍സിസ് മാര്‍പാപ്പയാണ് ഇരുവരെയും വിശുദ്ധരായി പ്രഖ്യാപിച്ചത്.

ദൈവബോധത്തോടെ ജീവിതം നയിച്ച് മക്കളെ ആത്മീയ പാതയില്‍ വളര്‍ത്തി യഥാര്‍ഥ ക്രിസ്തീയ കുടുംബത്തിന്റെ ചൈതന്യം ലോകത്തിനു പകര്‍ന്നവരെന്ന നിലയിലാണ് ഇവരെ വിശുദ്ധരാക്കിയത്.

ഫ്രാന്‍സിലെ ലിസ്യൂവിലാണ് ഇവരുടെ കുടുംബം കഴിഞ്ഞിരുന്നത്. ലൂയീസ് മാര്‍ട്ടിന്‍ വാച്ച് നിര്‍മാതാവായിരുന്നു. സെലി തൂവാലകള്‍ തുന്നിയും കുടുംബത്തെ സഹായിച്ചു. ഒമ്പതു മക്കള്‍ പിറന്നെങ്കിലും രണ്ട് ആണ്‍കുട്ടികളും രണ്ട് പെണ്‍കുട്ടികളും ചെറുപ്പത്തില്‍ മരിച്ചു. കൊച്ചുത്രേസ്യയടക്കം അവശേഷിച്ച അഞ്ചു പെണ്‍കുട്ടികളും സന്ന്യാസിനികളായി. ക്ഷയരോഗംമൂലം 1897 സെപ്റ്റംബര്‍ 30നാണ് കൊച്ചുത്രേസ്യ മരിച്ചത്. 1925 മേയ് 17നു വിശുദ്ധയായി പ്രഖ്യാപിക്കപ്പെട്ടു. 1877ല്‍ കൊച്ചുത്രേസ്യക്ക് നാലു വയസുള്ളപ്പോഴാണ് സെലി മരിച്ചത്. 1894ല്‍ ലൂയീസ് മാര്‍ട്ടിനും മരിച്ചു.

രോഗികളെയും മരണാസന്നരെയും സഹായിച്ചും ദരിദ്രര്‍ക്കു ദാനങ്ങള്‍ നല്‍കിയും ചുറ്റും ആവശ്യമുള്ള എല്ലാവര്‍ക്കും ചികിത്സ ഉറപ്പാക്കിയും അനാഥരെ സംരക്ഷിച്ചുമാണ് ലൂയി മാര്‍ട്ടിനും സെലി മാര്‍ട്ടിനും സന്നദ്ധ പ്രവര്‍ത്തനങ്ങള്‍ നടത്തിയിരുന്നത്.

ഇവരുടെ മകളായ ലിസ്യുവിലെ തെരേസയെ പയസ് പത്താമന്‍ മാര്‍പാപ്പ വിശേഷിപ്പിച്ചത് ആധുനിക കാലത്തെ ഏറ്റവും മഹതിയായ വിശുദ്ധ എന്നായിരുന്നു.

റിപ്പോര്‍ട്ട്: ജോസ് കുമ്പിളുവേലില്‍

യുഡിഎഫ് യുകെ സംഘടിപ്പിച്ച തെരഞ്ഞെടുപ്പ് കൺവൻഷൻ മാത്യു കുഴൽനാടൻ ഉദ്ഘാടനം ചെയ്തു.

ലണ്ടൻ: യുകെയിലെ വിവിധ യുഡിഫ് അനുകൂല പ്രവാസി സംഘടനകളുടെ കൂട്ടായ്മയായ യുഡിഎഫ് യുകെയുടെ നേതൃത്വത്തിൽ ലോക്സഭ തെരഞ്ഞെ

ഫ്രാങ്ക്ഫര്‍ട്ട് സ്പോര്‍ട്സ് ഫെറൈന്‍ പുതിയ ഭാരവാഹികളെ തെരഞ്ഞെടുത്തു.

ഫ്രാങ്ക്ഫര്‍ട്ട്: ഇന്ത്യന്‍ സ്പോര്‍ട്സ് ആന്‍ഡ് ഫാമിലിയന്‍ ഫെറൈന്‍റെ വാര്‍ഷിക പൊതുയോഗവും പുതിയ ഭാരവാഹികളുടെ തെരഞ്ഞെ

ലോക്സഭാ തെരഞ്ഞെടുപ്പിൽ ഒഐസിസി അയർലൻഡും പങ്കാളികളായി.

ഡബ്ലിൻ: ഇന്ത്യയിൽ നടക്കുന്ന ലോക്സഭാ തെരഞ്ഞെടുപ്പിൽ കേരളത്തിന്‍റെ വിവിധ ഭാഗങ്ങളിൽ ഒഐസിസി അയർലൻഡിന്‍റെ പ്രവർത്തകരും അനുഭ

കാലാവസ്ഥാ വ്യതിയാനത്തിൽ നട്ടംതിരിഞ്ഞ് ജര്‍മനി.

ബര്‍ലിന്‍: കാലാവസ്ഥാ വ്യതിയാനത്തിലുണ്ടായ റിക്കാർഡ് ചൂട് മരണങ്ങളും വെള്ളപ്പൊക്കവും ജര്‍മനിയെ ഏറെ ബാധിച്ചു.

ക്നാനായ കാത്തലിക് മിഷൻ കുടുംബ സംഗമം വാഴ്വ് 2024ന് സമാപനം.

ലണ്ടൻ: ക്നാനായ കാത്തലിക് മിഷൻ യുകെയുടെ നേതൃത്വത്തിൽ നടത്തിയ രണ്ടാമത് "കുടുംബ സംഗമം വാഴ്വ് 2024 ന് ' ഗംഭീര പരിസമാപ്തി.