Deepika.com Nri News :അഭയാര്‍ഥികളെ യൂറോപ്പ് കൈയൊഴിഞ്ഞു.......

Europe

അഭയാര്‍ഥികളെ യൂറോപ്പ് കൈയൊഴിഞ്ഞു

Back To NRI Home Forward This News Click here for detailed news of all items

ബ്രസല്‍സ്: അഭയാര്‍ഥികളോട് ഇതുവരെ സ്വീകരിച്ചുവന്ന ഉദാര സമീപനം യൂറോപ്പ് ഉപേക്ഷിച്ചു. അതിര്‍ത്തിയില്‍ നിയന്ത്രണം ഏര്‍പ്പെടുത്താനുള്ള ജര്‍മനിയുടെ തീരുമാനം മറ്റു രാജ്യങ്ങളും പിന്തുടരുന്നു.

സെര്‍ബിയില്‍നിന്ന് ഹംഗറിയിലേക്കു കടക്കാനുള്ള പോയിന്റ് ആ രാജ്യത്തെ അധികൃതര്‍ അടച്ചു. ഓസ്ട്രിയ, സ്ളോവാക്യ, നെതര്‍ലാന്‍ഡ്സ് എന്നീ രാജ്യങ്ങളും അതിര്‍ത്തി നിയന്ത്രണങ്ങള്‍ ഏര്‍പ്പെടുത്താന്‍ തീരുമാനിച്ചു.

ഞായറാഴ്ച മാത്രം 5809 അഭയര്‍ഥികളാണ് അതിര്‍ത്തി കടന്ന് ഹംഗറിയിലെത്തിയത്. തൊട്ടു മുന്‍ ദിവസം സ്ഥാപിക്കപ്പെട്ട 4330 എന്ന റിക്കാര്‍ഡും ഇതോടെ തകര്‍ക്കപ്പെട്ടു. ഹംഗറിയുടെ പുതിയ നയം അനുസരിച്ച്, ഇന്നു മുതല്‍ അനധികൃതമായി രാജ്യത്തെത്തുന്ന ആരെയും ജയിലില്‍ അടയ്ക്കാം.

അടുത്ത ഞായറാഴ്ചയ്ക്കു മുമ്പ് സെര്‍ബിയ വഴി മുപ്പതിനായിരം പേര്‍ കൂടി ഹംഗറിയിലെത്തും എന്ന മുന്നറിയിപ്പിന്റെ അടിസ്ഥാനത്തിലാണ് അടിയന്തര നടപടികള്‍.

സ്വീഡനുമായുള്ള അതിര്‍ത്തിയില്‍ പാസ്പോര്‍ട്ട് പരിശോധന കര്‍ക്കശമാക്കാന്‍ നോര്‍വേയും തീരുമാനിച്ചു. നോര്‍വേ യൂറോപ്യന്‍ യൂണിയനില്‍ അംഗമല്ലെങ്കിലും ഷെങ്കന്‍ ഉടമ്പടിയുടെ ഭാഗമാണ്. യൂറോപ്യന്‍ യൂണിയന്‍ പ്രസിഡന്റ് പദം കൈവശം വച്ചിരിക്കുന്ന ലുക്സംബര്‍ഗും ഇതേ മാര്‍ഗമാണ് സ്വീകരിച്ചിരിക്കുന്നത്.

അതേസമയം, അതിര്‍ത്തി നിയന്ത്രണങ്ങള്‍ ഏര്‍പ്പെടുത്തുക എന്നു വച്ചാല്‍ അഭയാര്‍ഥികള്‍ക്കു നേരേ വാതില്‍ കൊട്ടിയടയ്ക്കുക എന്നല്ല അര്‍ഥം എന്ന് ജര്‍മന്‍ ചാന്‍സലര്‍ ആംഗല മെര്‍ക്കലിന്റെ വക്താവ് സ്റെഫാന്‍ സൈഫര്‍ട്ട് പറഞ്ഞു. നിയന്ത്രണങ്ങള്‍ താത്കാലികമാണ്. അതിര്‍ത്തികള്‍ അടയ്ക്കാനല്ല ഉദ്ദേശിക്കുന്നത്. അഭയാര്‍ഥികളെ ഇനിയും ജര്‍മനി സ്വീകരിക്കും. പക്ഷേ, അത് നടപടിക്രമങ്ങള്‍ പാലിച്ചു മാത്രമായിരിക്കുമെന്നും വക്താവ് പറഞ്ഞു.

പുതിയ സാഹചര്യം ചര്‍ച്ച ചെയ്യാന്‍ യൂറോപ്യന്‍ യൂണിയനിലെ ആഭ്യന്തര മന്ത്രിമാര്‍ അടുത്ത ആഴ്ച യോഗം ചേരുന്നുണ്ട്.എന്നാലും അഭയാര്‍ഥികളെ പൊറുപ്പിക്കുന്ന കാര്യത്തില്‍ ജര്‍മനിയൊഴികെ ഒരു രാജ്യത്തിനും വ്യക്തമായ ഒരു കാഴ്ചപ്പാടോ സുതാര്യമായ രൂപരേഖയോ ഇല്ലെന്നുള്ള കാര്യം പല രാജ്യങ്ങളും മറച്ചുവച്ചിരിക്കുകയാണ്.

റിപ്പോര്‍ട്ട്: ജോസ് കുമ്പിളുവേലില്‍

ഗ്രേറ്റ് ബ്രിട്ടൻ രൂപത ബൈബിൾ ക്വിസ് മത്സരം; പേരുകൾ രജിസ്റ്റർ ചെയ്യാനുള്ള അവസരം ഞായറാഴ്ച വരെ.

ബർമിംഗ്ഹാം: ഗ്രേറ്റ് ബ്രിട്ടൻ സീറോമലബാർ രൂപതയുടെ ആഭിമുഖ്യത്തിൽ സംഘടിപ്പിക്കുന്ന സുവാറ 2024 ബൈബിൾ ക്വിസ് മത്സരങ്ങൾക്

യുകെയിൽ മലയാളി നഴ്സ് മരിച്ചനിലയിൽ.

ലണ്ടൻ: യുകെയിൽ മലയാളി നഴ്സിനെ വീടിനുള്ളിൽ മരിച്ചനിലയിൽ കണ്ടെത്തി.

സ്കോട്‌ലൻഡിൽ ഇന്ത്യൻ വിദ്യാർഥികൾ മുങ്ങിമരിച്ചു.

ലണ്ടൻ: സ്കോട്‌ലൻഡിലെ വെള്ളച്ചാട്ടത്തിൽ വീണ് രണ്ട് ഇന്ത്യൻ വിദ്യാർഥികൾ മുങ്ങിമരിച്ചു.

റഷ്യയ്ക്ക് വേണ്ടി ചാരപ്രവൃത്തി നടത്തി; ജര്‍മനിയിൽ രണ്ട് പേർ അറസ്റ്റിൽ.

ബെര്‍ലിന്‍: റഷ്യയ്ക്ക് വേണ്ടി ചാരപ്രവൃത്തി നടത്തിയെന്ന് സംശയിക്കുന്ന രണ്ട് പേരെ ജര്‍മന്‍ പോലീസ് അറസ്റ്റ് ചെയ്തു.

യുകെയിലെ ക്നാനായ കുടുംബങ്ങൾ ബർമിംഗ്ഹാമിലേക്ക്; കുടുംബ സംഗമം ഇന്ന്.

ബർമിംഗ്ഹാം: ക്നാനായ കാത്തലിക് മിഷൻ യുകെയുടെ നേതൃത്വത്തിൽ നടക്കുന്ന കുടുംബ സംഗമം " വാഴ്‌വ് 24' ഇന്ന് ബർമിംഗ്ഹാമിൽ നട