Deepika.com Nri News :വിദ്യാഭ്യാസ യോഗ്യതയുള്ള അഭയാര്‍ഥികള്‍ക്ക് യൂറോപ്പില്‍ സുവര്‍ണാവസരം.......

Europe

വിദ്യാഭ്യാസ യോഗ്യതയുള്ള അഭയാര്‍ഥികള്‍ക്ക് യൂറോപ്പില്‍ സുവര്‍ണാവസരം

Back To NRI Home Forward This News Click here for detailed news of all items

ബ്രസല്‍സ്: സംഘര്‍ഷ ബാധിതമായ വിവിധ രാജ്യങ്ങളില്‍നിന്നു വരുന്ന നിരവധി അഭയാര്‍ഥികളെ ജര്‍മനിയും ഓസ്ട്രിയയും അടക്കമുള്ള രാജ്യങ്ങള്‍ വ്യാപകമായി സ്വീകരിച്ചിരിക്കുന്നു. ഇവരെ എത്രയും വേഗം ജോലികള്‍ക്കെടുക്കണമെന്നാണ് ജര്‍മന്‍ ചാന്‍സലര്‍ ആംഗല മെര്‍ക്കലിനെപ്പോലുള്ളവരുടെ അഭിപ്രായം. പല യൂറോപ്യന്‍ രാജ്യങ്ങളും നേരിടുന്ന കടുത്ത തൊഴിലാളി ക്ഷാമത്തിന് അഭയാര്‍ഥികളിലൂടെ പരിഹാരം കാണാനാകുമെന്നാണ് പ്രതീക്ഷ.

യൂറോപ്യന്‍ തൊഴില്‍ വിപണിയില്‍ മത്സരക്ഷമത ഉറപ്പാക്കാനും ഇവരുടെ സാന്നിധ്യം സഹായിക്കുമെന്നു കരുതുന്നു. ഈ സാഹചര്യത്തില്‍, മികച്ച വിദ്യാഭ്യാസ യോഗ്യതയോ തൊഴില്‍ വൈദഗ്ധ്യമോ ഉള്ള അഭയാര്‍ഥികള്‍ക്കെല്ലാം മികച്ച അവസരങ്ങളാണ് വിവിധ യൂറോപ്യന്‍ രാജ്യങ്ങളില്‍ തുറന്നു കിടക്കുന്നത്.

അഭയാര്‍ഥികളായി വന്നവരില്‍ പതിനായിരങ്ങള്‍ മികച്ച യൂണിവേഴ്സിറ്റികളില്‍ ഉന്നത പഠനം പൂര്‍ത്തിയാക്കിയവരോ ഉന്നത പദവികളില്‍ ജോലി ചെയ്തിരുന്നവരോ ആണെന്നാണ് കണക്കുകളില്‍ വ്യക്തമാകുന്നത്. ഇവര്‍ക്ക് യൂറോപ്പില്‍ മോശമല്ലാത്ത ജീവിത സാഹചര്യങ്ങള്‍ ഉറപ്പാക്കാന്‍ വലിയ ബുദ്ധിമുട്ട് വരില്ലെന്നും കരുതുന്നു.

ആഭ്യന്തര യുദ്ധം തുടങ്ങും മുമ്പ് യൂറോപ്യന്‍ രാജ്യങ്ങള്‍ക്കു തുല്യമായ ജീവിത നിലവാരമുണ്ടായിരുന്ന രാജ്യമാണ് സിറിയ. അവിടെനിന്നു വരുന്നവരെ ഉള്‍ക്കൊള്ളാന്‍ യൂറോപ്യന്‍ തൊഴിലിടങ്ങള്‍ക്കും യൂറോപ്യന്‍ സമൂഹത്തിനും ബുദ്ധിമുട്ടുണ്ടാകില്ല എന്നാണ് മിക്ക രാജ്യങ്ങളും കണക്കുകൂട്ടുന്നത്. എന്നാല്‍ ജര്‍മനിപോലുള്ള രാജ്യത്ത് ജര്‍മന്‍ ഭാഷ ഇത്തരക്കാര്‍ക്ക് ബുദ്ധിമുട്ടാവുമെന്ന് തീര്‍ച്ചയാണ്. പക്ഷെ രാജ്യത്ത് എത്തിച്ചേര്‍ന്ന അഭയാര്‍ഥികളിലെ മികച്ച വിദ്യാഭ്യാസ യോഗ്യതയുള്ളവര്‍ക്ക് പ്രത്യേക ഭാഷാ പരിശീലനം കൊടുക്കാന്‍ മെര്‍ക്കല്‍ സര്‍ക്കാര്‍ പ്രതിജ്ഞാബദ്ധമായതുകൊണ്ട് അവരുടെ പ്രശ്നങ്ങള്‍ക്ക് ഒരു പരിധിവരെ ആശ്വാസമുണ്ടായേക്കും.

റിപ്പോര്‍ട്ട്: ജോസ് കുമ്പിളുവേലില്‍

ത്രേസ്യാമ്മ രാജു ജർമനിയിൽ അന്തരിച്ചു.

ബോണ്‍: ജര്‍മനിയിലെ ബോണ്‍ നഗരത്തിനടുത്തുള്ള ബാഡ് ഹൊന്നഫില്‍ താമസിക്കുന്ന ത്രേസ്യമ്മ രാജു(84) അന്തരിച്ചു.

കുടുംബങ്ങളെ തിരുസഭയുമായി ബന്ധിപ്പിക്കുന്ന കണ്ണി കുടുംബ കൂട്ടായ്മകൾ: മാർ ജോസഫ് സ്രാമ്പിക്കൽ.

ലെസ്റ്റർ: ഗാർഹിക സഭകളായ കുടുംബങ്ങളെ തിരുസഭയുമായി ബന്ധിപ്പിക്കുന്ന കണ്ണിയാണ് കുടുംബ കൂട്ടായ്മകൾ എന്ന് ഗ്രേറ്റ് ബ്രിട

മഞ്ഞുമലയിൽ കുടുങ്ങിയ മലയാളി യുവാവിനെ രക്ഷപ്പെടുത്തി ഇറ്റാലിയൻ വ്യോമസേന.

റോം: ഇറ്റലിയിൽ മഞ്ഞുമലയിൽ കുടുങ്ങിയ മലയാളി യുവാവിനെ രാജ്യത്തെ വ്യോമസേനയുടെ സമയോചിതമായ ഇടപെടലിലൂടെ രക്ഷപ്പെടു

ഇറാനിലേക്കുള്ള വിമാന സർവീസുകൾ നിർത്തിവച്ച് ലുഫ്താൻസയും ഓസ്ട്രിയൻ എയർലൈൻസും.

ബെർലിൻ: ഇറാന്‍റെ തലസ്ഥാനമായ ടെഹ്റാനിലേക്കുള്ള വിമാനങ്ങൾ ലുഫ്താൻസയും ഓസ്ട്രിയൻ എയർലൈൻസും താത്കാലികമായി നിർത്തിവ

ഹാപ്പി ബർത്ത്ഡേ ഫാറ്റു! ലോകത്തിലെ ഏറ്റവും പ്രായമേറിയ ഗോറില്ലയുടെ പിറന്നാൾ ആഘോഷമാക്കി ബർലിൻ.

ബെർലിൻ: ലോകത്തിലെ ഏറ്റവും പ്രായം കൂടിയ ഗൊറില്ലയായ ഫാറ്റുവിന് 67 വയസ് തികഞ്ഞു.