Deepika.com Nri News :ഓസ്ട്രിയയിലെ ക്രൈസ്തവസമൂഹം അഭയാര്‍ഥികള്‍ക്കായി ദേവാലയങ്ങള്‍ തുറന്നു കൊടുക്കുന്നു.......

Europe

ഓസ്ട്രിയയിലെ ക്രൈസ്തവസമൂഹം അഭയാര്‍ഥികള്‍ക്കായി ദേവാലയങ്ങള്‍ തുറന്നു കൊടുക്കുന്നു

Back To NRI Home Forward This News Click here for detailed news of all items

വിയന്ന: വിയന്ന അതിരൂപതാധ്യക്ഷന്‍ കര്‍ദ്ദിനാള്‍ ഷോണ്‍ ബോണിന്റെ നിര്‍ദേശം വന്നതിനെത്തുടര്‍ന്ന് ആളില്ലാതെ രാജ്യത്ത് നിലനില്‍ക്കുന്ന ദേവാലയ സ്ഥലങ്ങള്‍ അഭയാര്‍ഥികള്‍ക്കായി തുറന്നു കൊടുക്കുന്നു. പല ദേവാലയങ്ങളിലും അഭയാര്‍ഥികള്‍ക്കു താമസിക്കാനായി അറ്റകുറ്റപ്പണികള്‍ നടത്തുകയാണ്. അഭയാര്‍ഥികള്‍ വന്ന സമയം മുതല്‍ സഭാ നേതൃത്വം ദൌത്യനിര്‍വഹണത്തില്‍ എര്‍പ്പെട്ടിരുന്നെങ്കിലും കഴിഞ്ഞ ഞായറാഴ്ച ഫ്രാന്‍സിസ് മാര്‍പാപ്പ അഭയാര്‍ഥി കുടുംബങ്ങളെ സ്വീകരിക്കണമെന്നു യുറോപ്യന്‍ സമൂഹത്തോട് അഭ്യര്‍ഥിച്ചതിനു തൊട്ടുപിന്നാലെയാണു വിയന്ന അതിരൂപത വിഷയത്തില്‍ ദ്രുതഗതിയിലുള്ള പ്രവര്‍ത്തനം തുടങ്ങുന്നത്.

ഇതിനോടകംതന്നെ ആയിരകണക്കിന് ആളുകളെ ദേവാലയങ്ങളിലും പരിസരത്തും പാര്‍പ്പിക്കാന്‍ സഭ നടപടികള്‍ വേഗത്തിലാക്കിയതായി അതിരൂപത വക്താവ് മൈക്കില്‍ പ്രൂലര്‍ മാധ്യമങ്ങളോട് പറഞ്ഞു. സഭയുടെ ഔദ്യോഗിക സോഷ്യല്‍ സര്‍വീസ് ഏജന്‍സിയായ കാരിത്താസാണ് അഭയാര്‍ഥികള്‍ക്കുവേണ്ട സഹായങ്ങള്‍ ഒരുക്കുന്നതില്‍ മുഖ്യപങ്ക് വഹിക്കുന്നത്. ഇതിനായി ഓസ്ട്രിയ സര്‍ക്കാരിന്റെയും നിരവധി വ്യക്തികളുടെയും സംഘടനകളുടെയും സഹായം കാരിത്താസിനു ലഭിക്കുന്നുണ്ട്.

650 ഇടവകകളാണ് ഓസ്ട്രിയയില്‍ ഉള്ളത്. അധിക ടോയ്ലെറ്റ്, ബാത്ത് റൂം സംവിധാനം എന്നിവ ഈ മാസം അവസാനത്തോടുകൂടി പൂര്‍ത്തിയാകും. നഗരത്തിലെ പ്രധാന ദേവാലയമായ സെന്റ് സ്റീഫന്‍സ് കത്തീഡ്രലിനു സമീപമുള്ള ആളൊഴിഞ്ഞ കെട്ടിടത്തിലും പത്തോളം പേരെ പാര്‍പ്പിക്കാനുള്ള ഒരുക്കങ്ങള്‍ നടക്കുന്നുണ്ട്.

പാവപ്പെട്ട കുടുംബങ്ങളോട് കൂടുതല്‍ ഉദാരതയുള്ളവരും അവരോടു അടുത്തുനില്‍ക്കാന്‍ സഭയോടു നിരന്തരം ആഹ്വാനം ചെയുന്ന ഫ്രാന്‍സിസ് മാര്‍പാപ്പ യുറോപ്പിലെ എല്ലാ ദേവാലയങ്ങളും സന്യസ്ത സ്ഥാപനങ്ങളും ഒരു കുടുംബത്തെയെങ്കിലും സഹായിക്കണമെന്നു ട്വിറ്റര്‍ അടക്കമുള്ള സാമൂഹ്യ മാധ്യമങ്ങളിലൂടെ അഭ്യര്‍ഥിച്ചിരുന്നു.

റിപ്പോര്‍ട്ട്: ജോബി ആന്റണി

ഐഒസി യുകെ സംഘടിപ്പിക്കുന്ന പ്രചാരണ കാമ്പയിൻ ശനിയാഴ്ച; ഉദ്ഘാടകൻ എം. ലിജു.

ലണ്ടൻ: യുഡിഎഫ് സ്ഥാനാർഥികളുടെ പ്രചാരണാർഥം ഐഒസി യുകെ സംഘടിപ്പിക്കുന്ന മുഴുദിന പ്രചാരണ കാമ്പയിൻ "എ ഡേ ഫോർ ഇന്ത്യ' ശന

അയര്‍ലൻഡിലെ സത്ഗമയ വിഷു ആഘോഷം പ്രൗഢഗംഭീരമായി.

ഡബ്ലിൻ: വിഷുദിനത്തിൽ പരമ്പരാഗത രീതിയിൽ ഒട്ടുരുളിയിൽ ഒരുക്കിയ സമൃദ്ധിയേയും കണ്ണനാം ഉണ്ണിയേയും കൺനിറയെ കണ്ട്, കൈപ

ഗ്രീസില്‍ മഹാസമുദ്രം സമ്മേളനം നടന്നു.

ആഥന്‍സ്: മനുഷ്യപ്രവര്‍ത്തനങ്ങള്‍ മൂലമുണ്ടാകുന്ന നാശനഷ്ടങ്ങളില്‍ നിന്ന് ലോക സമുദ്രങ്ങളെ സംരക്ഷിക്കാന്‍ യൂറോപ്യന്‍

ബേസിംഗ്സ്റ്റോക്ക് നൈറ്റ് വിജിൽ "എഫാത്താ' വെള്ളിയാഴ്ച; ഫാ. ജോസഫ് കണ്ടത്തിപ്പറമ്പിൽ ശുശ്രൂഷകൾ നയിക്കും.

ബേസിംഗ് സ്റ്റോക്ക്: ഗ്രേറ്റ് ബ്രിട്ടൻ സീറോ മലബാർ രൂപതയുടെ കീഴിലുള്ള സെന്‍റ് അഗസ്റ്റിൻസ് പ്രൊപ്പോസ്ഡ് മിഷൻ ആതിഥേയത്വം വഹ

ജപ്പാൻ അന്തരാഷ്ട്ര കരാട്ടെ മത്സരത്തിൽ യുകെയ്ക്ക് ചാമ്പ്യൻഷിപ്പ്; സ്വർണ മെഡൽ ജേതാവായി മലയാളിതാരം ടോം ജേക്കബ്.

ഗ്ലാസ്ഗോ: ജപ്പാനിൽ നടന്ന അന്തരാഷ്ട്ര കരാട്ടെ മത്സരത്തിൽ യുകെയ്ക്ക് ചാമ്പ്യൻ പട്ടം.