Deepika.com Nri News :2026 ലെ ലോകകപ്പ് വേദി നിര്‍ണയം മാറ്റിവച്ചു.......

Europe

2026 ലെ ലോകകപ്പ് വേദി നിര്‍ണയം മാറ്റിവച്ചു

Back To NRI Home Forward This News Click here for detailed news of all items

ബര്‍ലിന്‍: 2026 ലോകകപ്പു ഫുട്ബോള്‍ വേദി അനുവദിക്കുന്നതിനുള്ള ബിഡ് നടപടികള്‍ ഫിഫ നീട്ടിവച്ചു. അഴിമതിയാരോപണങ്ങളില്‍ മുങ്ങി നില്‍ക്കുന്നതിനാലാണു വേദി നിശ്ചയിക്കല്‍ ചടങ്ങ് ഫിഫ മാറ്റിവച്ചത്.

2018 ലോകകപ്പ് നടത്തുന്നതിനു റഷ്യക്കും 2022 ലോകകപ്പ് വേദികള്‍ ഖത്തറിനും അനുവദിച്ചതില്‍ വന്‍ അഴിമതി ആരോപണമാണു ഫിഫ നേരിടുന്നത്. ഫിഫ നിലവില്‍ നേരിടുന്നത് അതിസങ്കീര്‍ണമായ സാഹചര്യമാണ്. ഈ സാഹചര്യത്തില്‍ ലേല നടപടികള്‍ തുടങ്ങുന്നത് ഫുട്ബോള്‍ ഫെഡറേഷന്റെ സല്‍പ്പേരിനു കളങ്കം വരുത്തും. ഫിഫ സെക്രട്ടറി ജനറല്‍ ജെറോം വാല്‍ക്കെ പറഞ്ഞു.

അതേസമയം 2026 ലോകകപ്പു വേദിക്ക് ഏറ്റവും കൂടുതല്‍ സാധ്യതയുള്ളത് യുഎസിനാണ് എന്നിരിക്കേ ഫിഫയുടെ തീരുമാനം രാഷ്ട്രീയ തലത്തില്‍ പുതിയ ചര്‍ച്ചകള്‍ക്ക് വഴിവച്ചേക്കുമെന്നാണ് ഫുട്ബോള്‍ വിദഗ്ധര്‍ വിലയിരുത്തുന്നത്. കാനഡ, മെക്സിക്കോ, കൊളംബിയ എന്നീ രാജ്യങ്ങളും ലോകകപ്പു വേദിക്കായി മത്സര രംഗത്തുണ്ട്.

വേദി അനുവദിക്കുന്നതുമായി ബന്ധപ്പെട്ട വോട്ടിംഗ് അടുത്ത വര്‍ഷം മേയില്‍ ക്വാലാലംപൂരില്‍ നടത്താനായിരുന്നു നേരത്തേ തീരുമാനിച്ചിരുന്നത്. ഇതാണ് ഇപ്പോള്‍ നീട്ടിവച്ചിരിക്കുന്നത്.

2010 ഡിംസബറില്‍ ചേര്‍ന്ന 22 അംഗ ഫിഫ എക്സിക്യൂട്ടീവ് അംഗങ്ങളുടെ യോഗത്തിലാണ് 2018 ലോകകപ്പ് വേദി റഷ്യക്കും 2022 ലോകകപ്പു വേദി ഖത്തറിനും നല്‍കാന്‍ തീരുമാനിച്ചത്.

2018, 2022 ലോകകപ്പു വേദി അനുവദിച്ചതുമായി ബന്ധപ്പെട്ട് എഫ്ബിഐയും സ്വിസ് അധികൃതരും അന്വേഷണം നടത്തുകയാണ്. കേസില്‍ ഫിഫ വൈസ് പ്രസിഡന്റ് അടക്കം ഒമ്പതു പേര്‍ അറസ്റിലായിരുന്നു.

പുതിയ ഫിഫ പ്രസിഡന്റിനെ തെരഞ്ഞെടുക്കാന്‍ ചേര്‍ന്ന ഫിഫ കോണ്‍ഗ്രസിനിടെയായിരുന്നു അറസ്റ്. ഇതിനു പിന്നാലെ പ്രസിഡന്റ് തെരഞ്ഞെടുപ്പു നീട്ടിവയ്ക്കണമെന്ന ആവശ്യം ശക്തമായി. അഞ്ചാമതും സെപ് ബ്ളാറ്റര്‍ പ്രസിഡന്റായി തെരഞ്ഞെടുക്കപ്പെട്ടെങ്കിലും യുവേഫ എതിര്‍പ്പു ശക്തമായപ്പോള്‍ അദ്ദേഹം രാജിവച്ചൊഴിഞ്ഞു.

റിപ്പോര്‍ട്ട്: ജോസ് കുമ്പിളുവേലില്‍

ബേസിംഗ്സ്റ്റോക്ക് നൈറ്റ് വിജിൽ എഫാത്താ വെള്ളിയാഴ്ച; ഫാ. ജോസഫ് കണ്ടത്തിപ്പറമ്പിൽ ശുശ്രൂഷകൾ നയിക്കും.

ബേസിംഗ് സ്റ്റോക്ക്: ഗ്രേറ്റ് ബ്രിട്ടൻ സീറോ മലബാർ രൂപതയുടെ കീഴിലുള്ള സെന്‍റ് അഗസ്റ്റിൻസ് പ്രൊപ്പോസ്ഡ് മിഷൻ ആതിഥേയത്വം വഹ

ജപ്പാൻ അന്തരാഷ്ട്ര കരാട്ടെ മത്സരത്തിൽ യുകെക്ക് ചാമ്പ്യൻഷിപ്പ്; സ്വർണ മെഡൽ ജേതാവായി മലയാളിതാരം ടോം ജേക്കബ്.

ഗ്ലാസ്ഗോ: ജപ്പാനിൽ നടന്ന അന്തരാഷ്ട്ര കരാട്ടെ മത്സരത്തിൽ യുകെയ്ക്ക് ചാമ്പ്യൻ പട്ടം.

ഡിലന്‍ സിനോയിയുടെ സംസ്കാരം ഇന്ന് ഡബ്ലിനില്‍.

ഡബ്ലിൻ: ഡബ്ലിനിൽ കഴിഞ്ഞ ദിവസം അന്തരിച്ച 10 വയസ്‌സുകാരനായ ഡിലൻ സിനോയിയുടെ സംസ്കാര ചടങ്ങുകൾ ഏപ്രിൽ 19 വെള്ളിയാഴ്ച നടക്

ഡിലന്‍ സിനോയിയുടെ സംസ്കാരം വെള്ളിയാഴ്ച ഡബ്ലിനില്‍.

ഡബ്ലിന്‍: കഴിഞ്ഞ ദിവസം അയര്‍ലൻഡില്‍ അന്തരിച്ച ഡിലന്‍ സിനോയിയുടെ(10) സംസ്കാരം വെള്ളിയാഴ്ച ഡബ്ലിനില്‍ നടക്കും.

യുഡിഎഫ് സ്ഥാനാർഥികൾക്ക് പിന്തുണയുമായി ഐഒസി യുകെ; തെരഞ്ഞെടുപ്പ് കമ്മിറ്റി പ്രവർത്തനമാരംഭിച്ചു.

ലണ്ടൻ: ലോക്സഭാ തെരഞ്ഞെടുപ്പിൽ യുഡിഎഫ് സ്ഥാനാർഥികൾക്ക് പിന്തുണയുമായി ഇന്ത്യൻ ഓവർസീസ് കോൺഗ്രസ്‌ യുകെ കേരള ചാപ്റ്റർ.