Deepika.com Nri News :10,000 രൂപയില്‍ കൂടുതല്‍ കൈവശം വയ്ക്കുന്നവര്‍ ഡിക്ളേറേഷന്‍ നല്‍കണം.......

Europe

10,000 രൂപയില്‍ കൂടുതല്‍ കൈവശം വയ്ക്കുന്നവര്‍ ഡിക്ളേറേഷന്‍ നല്‍കണം

Back To NRI Home Forward This News Click here for detailed news of all items

ന്യൂഡല്‍ഹി: ഇന്ത്യയിലെ വിമാനത്താവളങ്ങളില്‍ ഇറങ്ങുന്ന യാത്രക്കാര്‍ 10,000 രൂപയില്‍ കൂടുതല്‍ കൈവശം വയ്ക്കുന്നുവെങ്കില്‍ ഡിക്ളറേഷന്‍ നല്‍കണം എന്ന നിര്‍ദേശം മാര്‍ച്ച് ഒന്നു മുതല്‍ പ്രാബല്യത്തിലായി.

ആഭ്യന്തര യാത്രക്കാര്‍ക്ക് ഇതു ബാധകമല്ല. വിദേശ യാത്രികര്‍ മാത്രമാണു ഡിക്ളറേഷന്‍ നല്‍കാന്‍ ബാധ്യസ്ഥര്‍.

രാജ്യത്തു നിരോധിക്കപ്പെട്ട വസ്തുക്കളും ഡ്യൂട്ടി അടച്ച് കൊണ്ടുവരാന്‍ അനുമതിയുള്ള സാധനങ്ങളും സ്വര്‍ണം ഉള്‍പ്പെടെയുള്ളവ ഇല്ലെന്നും ഡിക്ളറേഷന്‍ നല്‍കണം. അതേസമയം, വിമാനത്താവളങ്ങളില്‍ എമിഗ്രേഷന്‍ ഫോറം പൂരിപ്പിച്ചു നല്‍കുന്നത് ഒഴിവാക്കി. രാജ്യത്തുനിന്നു പുറത്തേക്ക് പോകുന്നവര്‍ മാത്രം അടുത്ത മാസം മുതല്‍ എമിഗ്രേഷന്‍ ഫോറം പൂരിപ്പിച്ച് നല്‍കിയാല്‍ മതിയാവും. പുതിയ കസ്റംസ് ഡിക്ളറേഷന്‍ ഫോറത്തില്‍ കഴിഞ്ഞ ആറു ദിവസത്തിനിടയില്‍ സന്ദര്‍ശിച്ച രാജ്യങ്ങളും ഒപ്പം പാസ്പോര്‍ട്ട് നമ്പരും പൂരിപ്പിച്ചു നല്‍കണം. ഹാന്‍ഡ് ലഗേജ് ഉള്‍പ്പെടെ എത്ര ബാഗേജുകളാണു കൊണ്ടുവന്നതെന്നും ഇതില്‍ രേഖപ്പെടുത്തണം.

നിലവില്‍ പുരുഷന്മാര്‍ക്കു ഡ്യൂട്ടി അടയ്ക്കാതെ 50,000 രൂപയുടെയും സ്ത്രീകള്‍ക്ക് ഒരു ലക്ഷം രൂപയുടെയും സ്വര്‍ണം വിദേശങ്ങളില്‍നിന്നും കൊണ്ടുവരാനാണു കേന്ദ്ര സര്‍ക്കാര്‍ അനുമതി നല്‍കിയിരിക്കുന്നത്.

പ്രവാസികള്‍ക്കു ഫോറിന്‍ കറന്‍സി നാട്ടിലേക്ക് കൊണ്ടുവരാന്‍ അനുമതിയുണ്ടെങ്കിലും 5,000 ഡോളറില്‍ കൂടുതലാണെങ്കില്‍ കസ്റംസ് അധികൃതര്‍ക്കു ഡിക്ളറേഷന്‍ നല്‍കണം. കേരളത്തിലെ മൂന്നു രാജ്യാന്തര വിമാനത്താവളങ്ങള്‍ ഉള്‍പ്പെടെയുള്ള 19 വിമാനത്താവളങ്ങളിലൂടെയും വരുന്നവര്‍ ഡിക്ളറേഷന്‍ നല്‍കാന്‍ ബാധ്യസ്ഥരാണ്.

30,000 രൂപക്ക് മുകളിലുള്ള എല്ലാ തരത്തിലുള്ള കാമറകള്‍ക്കും എയര്‍ പോര്‍ട്ട് ഡ്യൂട്ടി അടയ്ക്കണം.

റിപ്പോര്‍ട്ട്: ജോസ് കുമ്പിളുവേലില്‍

ത്രേസ്യാമ്മ രാജു ജർമനിയിൽ അന്തരിച്ചു.

ബോണ്‍: ജര്‍മനിയിലെ ബോണ്‍ നഗരത്തിനടുത്തുള്ള ബാഡ് ഹൊന്നഫില്‍ താമസിക്കുന്ന ത്രേസ്യമ്മ രാജു(84) അന്തരിച്ചു.

കുടുംബങ്ങളെ തിരുസഭയുമായി ബന്ധിപ്പിക്കുന്ന കണ്ണി കുടുംബ കൂട്ടായ്മകൾ: മാർ ജോസഫ് സ്രാമ്പിക്കൽ.

ലെസ്റ്റർ: ഗാർഹിക സഭകളായ കുടുംബങ്ങളെ തിരുസഭയുമായി ബന്ധിപ്പിക്കുന്ന കണ്ണിയാണ് കുടുംബ കൂട്ടായ്മകൾ എന്ന് ഗ്രേറ്റ് ബ്രിട

മഞ്ഞുമലയിൽ കുടുങ്ങിയ മലയാളി യുവാവിനെ രക്ഷപ്പെടുത്തി ഇറ്റാലിയൻ വ്യോമസേന.

റോം: ഇറ്റലിയിൽ മഞ്ഞുമലയിൽ കുടുങ്ങിയ മലയാളി യുവാവിനെ രാജ്യത്തെ വ്യോമസേനയുടെ സമയോചിതമായ ഇടപെടലിലൂടെ രക്ഷപ്പെടു

ഇറാനിലേക്കുള്ള വിമാന സർവീസുകൾ നിർത്തിവച്ച് ലുഫ്താൻസയും ഓസ്ട്രിയൻ എയർലൈൻസും.

ബെർലിൻ: ഇറാന്‍റെ തലസ്ഥാനമായ ടെഹ്റാനിലേക്കുള്ള വിമാനങ്ങൾ ലുഫ്താൻസയും ഓസ്ട്രിയൻ എയർലൈൻസും താത്കാലികമായി നിർത്തിവ

ഹാപ്പി ബർത്ത്ഡേ ഫാറ്റു! ലോകത്തിലെ ഏറ്റവും പ്രായമേറിയ ഗോറില്ലയുടെ പിറന്നാൾ ആഘോഷമാക്കി ബർലിൻ.

ബെർലിൻ: ലോകത്തിലെ ഏറ്റവും പ്രായം കൂടിയ ഗൊറില്ലയായ ഫാറ്റുവിന് 67 വയസ് തികഞ്ഞു.